Adnan Oktar A9 TV; 18 may 2017

Qadınlar özünü azad hiss edirsə, baxımlı və gözəl olması qadağan halına gətirilmirsə, o zaman həyat gözəl, keyfiyyətli və aydın olar.

Bir qadını qorumaq, bir qadına hörmət bəsləyib sevmək, qadına nəcib varlıq olduğunu hiss etdirmək həm nemət, həm də zövqdür. Qadınları sözlə və ya gözlə narahat etməmək vacibdir.

Qadınların cəmiyyət içində rahat olması üçün qadına hörmətin öyrədilməsi lazımdır. İctimai nəqliyyat vasitələrində qadınlara hörmət göstərilməsi çox əhəmiyyətlidir.

Bəziləri qadının baxımlı olmasını, özünə diqqət göstərməsini, gözəl olmasını səhv kimi görür. Halbuki bu qadının ən təbii haqqıdır. Avropada qadının baxımlı olması ilə fəxr edirlər. Burada isə baxımlı olan qadın əzilir.

Türkiyənin edəcəyi ən gözəl şey qadın azadlığına, incəsənətə, keyfiyyətə üstünlük verdiyini, demokratiyanı sonuna qədər müdafiə etdiyini göstərməsidir.

Müasirliyin, keyfiyyətin, qadın azadlığının sahibi Türkiyə olmalıdır. Türkiyə bu mövzuda nümunə olsa hər kəs Türkiyə ilə dost olar. Türkiyənin çəkdiyi əsas çətinliyin səbəbi müasirliyə, qadın azadlığına dəyər verdiyini vurğulaya bilməməsidir. Bu edilsə Türkiyə əleyhinə olan vəziyyət bitər.

Dəccaliyyətin yaratdığı qadın düşmənçiliyi və nifrətini mehdiyyət aradan qaldıracaq. Mehdi dövründə qadınlar mümkün qədər azad olacaq.

Başı açıq, qapalı gənc qızlar, oğlanlar bir çox yerdə birlikdə əylənir, yallı gedirlər. Gənclərin sevinməsi gözəl və doğrudur.

Ənənəçi ortodoks qardaşlarımız süni qanunlarla sanki özlərini öldürmüş vəziyyətdədirlər. Dinsizliyin özlərini əzmələrini asanlaşdırıblar. İncəsənət, elm, keyfiyyət olmadıqda başdan məğlub vəziyyətə düşürlər və əzilmələri çox asanlaşır. Qadının azad olmayacağına musiqi, incəsənət, heykəltəraşlıq olmamasının lazım olduğuna o qədər özlərini inandırıblar ki, gözəllik gördükdə əks rəftar göstərirlər. Ənənəçi sistem özlərinin də tabe olmadığı minlərlə qanun qoymuşdur və Allahın cənnət gözəlliyi olaraq təriflədiyi bütün gözəlliklərə qarşı çıxar.

Dünyanın ən gözəl zinəti olan qadınların dəyərini bilməmək insanların Allaha sevgi və hörmətlərinin çatışmazlığından olur.

Qadın Allahın təcəllisi, mübarək varlıq kimi görülsə qadın hüquqları qorunar. Qadın təkcə Allahın hədiyyəsi, nemət olaraq görülsə bu qadını ucaldar, rahat olmasını təmin edər, yoxsa feminizm kimi məntiqlərlə olmaz.

Cəmiyyətin qadına sevgi və hörməti öyrənməsi üçün bu istiqamətdə öyrədilməsi lazımdır.

Qadınlar Peyğəmbərimiz (s.ə.v) və səhabə dövründə azad idi. Hz. Mehdi dövründə yenə azadlığa qovuşacaq, istədikləri kimi azad yaşayacaqlar.

Qısqanmaq qadını uca bilmək, ona hər cür gözəlliyi təqdim etmək, pislikdən qorumaq, şərəfinə, iffətinə diqqət göstərmək mənasında olar. Qadına etimad etməyib potensial günahkar görüb, hər an bir cinayət işləyəcəyindən şübhələnib təqib edirsənsə bu o qadına təhqir olar.

Çarşablı da olsa, dekolte də olsa bütün qadınların hörmət gördüyü bir dünya istəyirik.

“Əyləndiyiniz vaxt Allahdan bəhs etməyin” demək çox yanlış zehniyyətdir. Biz dindarıq, harada nə etsək yenə Allahı zikr edərik.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Dindar olanların həyata qapalı olduğu qənaəti vardır. Bu fəlsəfəyə görə xalq əylənər, çimərliyə gedər, dini dəstəkləyər, lakin dindarlar həyatı yaşaya bilməz.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Özləri dekolteli qadınlarla əylənən, rəqs edən kəslərin digər insanları “niyə əylənirsiniz, niyə dekolte var” deyə tənqid etmələri səmimiyyətsizlikdir. Səmimi şəkildə dekolteyə, rəqsə, əyləncəyə qarşıdırsa, özlərinin də bundan uzaq olmaları lazımdır. Özləri yaşayıb başqasını tənqid etmələri qəribədir.

Mövhumatçıların incəsənətdən, keyfiyyətdən, əyləncədən, gözəllikdən uzaq yaşamaları, fərqində olmasalar da müsəlmanların əzilməsinə səbəb olur.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Peyğəmbərimiz (s.ə.v) Ukaz bazarında hər fikrə sahib insana, bütün qadınlara təbliğ edirdi. Paltarına görə heç kimi ayırd etmirdi.

Bütün gənclərin canının yandığı məsələ sevgisizlikdir. Gözəlliyi görə bilməmələri, axtardıqları keyfiyyəti tapa bilməmələri çox canlarını yandırır.

Keyfiyyət üçün çox pula ehtiyac yoxdur. Keyfiyyət könül məsələsidir. İnsan kənddə yaşayar, lakin evin qarşısına gül əkər, təmizləyər, ətrafı tərtəmiz keyfiyyətli olar.