Adnan Oktar A9 TV; 6 yanvar 2016

Müsəlman gələcək qorxusunu mütləq şəkildə tərk etməlidir. Sən Allaha güvənmirsən amma evinə güvənirsən, puluna güvənirsən. Allah həlak edər insanı. Allah bəla verdikdən sonra pulun olsa da nə faydası olar? Bu cür olmaz. Heç kim acından ölməmişdir. Bu günə qədər Allaha güvənən heç bir insana heç nə olmamışdır.

İnsanların müsəlman olmasına mane olan şey, gələcək qorxusudur. Yoxsa onlar Allaha, Qurana və İslama xidmət edərlər. Gələcək qorxusundan ötrü, bütün vaxtını pul toplamağa, karyera qurmağa və evlənməyə sərf edir.

Gələcək qorxusu iman məsələsidir. İnsan imanı ilə buna qalib gələr. İmanına etibarının olmamağı, imtahandan məğlub çıxmasının əlamətidir. Bu qorxuya mütləq qalib gəlməlidir.

Günahsız yəhudiyə nifrət etmək haramdır. Lakin günah işləmiş, zülm etmiş olan vardırsa, onun şəxsinə nifrət edə bilərsən. Cinayət törədibsə qanun və hüquq normaları çərçivəsində mübarizə apar. Lakin bütün İsrail millətini qarşına alırsan, bu haramdır. İslama uyğun bir şey deyil.

Musiqi də, rəqs də olmalıdır. Əyləncə olmalıdır. Dinə süni şəkildə haramlar daxil etməyin, əlavə qadağalar çıxartmayın. Bu zaman İslam bütün dünyaya hakim olacaq.

İslamdan, Qurandan, müsəlmanlardan uzaq olduğun hər vaxt, hər saniyə əleyhinə günah yazılır. O hər saniyənin hesabını verəcəksən. İslamdan uzaq, Qurandan uzaq, müsəlmanlardan uzaq yaşamaq haramdır. Sən bunu əhəmiyyətsiz bir şey hesab edirsən, lakin bu hər saniyəyə axirətdə izah edəcəksən.

İslamı yaşana bilməyəcək hala gətirdikdə bunu qəhrəmanlıq zənn edir. Haramların çox olmasını istəyir. Öz meydana gətirdiyi haramlara da tabe olmur. Yoxsa "hər şey halal olar" deyir. Qardaşım, hər şey halaldır, doğru. Çox az haram var. İslamda belə çətinlik yoxdur. Namazlar da olduqca asandır. Dini çətinləşdirib məhv edirlər.

Yas tutmaq Qədim Şumerlərin, Akkadların, Xetlərin, bütpərəst qövmlərin, Qədim Misirin tətbiqidir, Quranda bir çox ayə və hədislərlə qadağan edilmişdir. Allaha təvəkkül etməyə zidd davranışdır.

Zorla niyə çətinlik istəyirsən? İslamda musiqi var, şəkil də var. Əylənərsən, gülərsən, oynayarsan, namazını da qılarsan, gəzərsən, üzərsən. Həyatı öldürərək müsəlmanlıq olarmı? Bütün halalları haram edirsən. Allah sənə onları nemət kimi vermişdir, sən Allahın o nemətlərini yox edərək, Allahın dininə qarşı mübarizə aparmış olursan.

Biz Allahdan razıyıq. Allahın etdiyi hər şeyi hikmətlə və gözəl etdiyinə inanırıq. Şəhidlərimizlə də fəxr edirik. Yas tutmuruq, matəmə girmirik. Bunun da şirk olduğunu bilirik. Heç kim, bizi belə çirkin günaha, harama dəvət etməsin.

Quranın hansı yerində musiqinin haram olduğuna dair ayə var? Şəkilin haram olduğuna dair harada ayə var? Bunu haradan çıxarırsan? Belə bir şey yoxdur. Buna görə, sən özünə bir cəhənnəm meydana gətirmisən. Halalı haram etmisən və axirətdə də gözəl qarşılıq alacağına ümid edirsən. Allah səni cəhənnəmdən qorusun. Allah adından hökm vermək şirkdir.

Musiqi halaldır, şəkil halaldır, əyləncə halaldır, heykəl halaldır. Yəni halalların həddi-hüdudu yoxdur. Haramlar Quranda müxtəsər, qısa şəkildə ifadə edilmişdir. Haramlar çox azdır. Allah: "Bunlardan savayı yerdə qalanları sizə halal etdim'' deyir. Sən haradan öz-özünə haramlar çıxarırsan?

Bombalamaq haramdır. Çünki aşağıda kimlərin olduğunu bilmirsən. Uşaq, qadın, adi vətəndaş hər kəsə tuş gəlir. Bu ABŞ-ın qəddarlığının dünyaya əks olunmasıdır. Belə şey olmaz.

Kişilər arası əlaqə əbədiyyən haramdır. Dünyanın ən başından etibarən həmişə haram olmuşdur və sonsuza qədər də haram olacaq. Allah belə bir çirkinliyi əsla qəbul etmir.

Peyğəmbərimiz (s.ə.v) ölən birinin ardından yas tutmağı haram etmişdir. Təvəkkül etməmək, Allahın etdiyinə razı olmamaq haramdır.

İnsanların böyük əksəriyyətində gələcək qorxusu ilə mal-dövlət toplama ehtirası olur. Bu, təvəkkülə uyğun olmayan, Allahın bəyənmədiyi davranışdır.

Darvinist materialist sistem yalnız ağrı-acı, qorxu və çaxnaşma gətirər.

Həqiqi dindar hər şeyə Allahın sevgisi ilə yanaşar. Sevinci və etibarı axtarar. Qorxuları dəf etmək üçün çalışar. Özü rahat olmağa çalışarkən başqalarını da rahatlaşdırdırmağa çalışar. Ətrafdakılar rahat olmasa, özü də rahatlıq tapa bilməz.

Hal-hazırda hər kəs səksəkədədir, qorxu içindədir, insanlar heç kimə güvənə bilmirlər. İslam Birliyi qurulandan sonra gecə hər kəs istədiyi kimi küçələrdə gəzər. Birinin qapısına vursan "mən Allah qonağıyam" desən dərhal onlara qonaq olarsan. Rahatlıq təhlükəsizlik olar.

Hz. Mehdinin (ə.s) topluluğuna,"siz neçə nəfərsiniz?" dəyilər, 313. Qarşıdakılar isə 3 milyon adam. "Onlardan qorxun" deyirlər. Məqsəd nədir? Müsəlmanların parçalanmaları. Amma bu hücum möminin imanını artırar. Bu işdə müsəlmanların savab qazanmasında, mənəvi məqamlarının artmasında münafiqlərin əhəmiyyətinin olduğuna işarədir.

Müsəlmana romantiklik və qəzəbli olmaq yaraşmaz. Çünki müsəlman həmişə Allah ilə birlikdə hərəkət edən varlıqdır. Həmişə ağıllı və düzgün düşünməlidir. Çox qorxunc görünən hadisəni belə Allahın yaratdığını unutmamalıdır.

Sən Allaha etibar etmirsənsə, Allah da sənin qarşına etibar edəcəyin insan çıxartmaz. Hamısını başına bəla edər. Sən Allaha qarşı mübarizə aparsan, bu zaman Allah da səninlə mübarizə aparar. Sən Allahı gücsüz hesab etsən, Allah da bu zaman sənin qarşına da gücsüz insanlar çıxardar.

Bağışlayıcı olmaq Allahın çox bəyəndiyi xarakterdir. Çünki intiqam, ruha nəfsani zövq verər. Bağışlamaq çox çətindir. Yəni iradə tələb edir, ağıl tələb edir. Çünki insan bağışlamaqla məmnunluq hissinə çata bilməz. Lakin intiqam almaqla məmnun olar. Bunun üçün Allah bağışlamağı əsas götürür.

İnsan Allahın onu bağışlayacağına inanır, lakin özü bağışlamaq istəmir. Bu cür olmaz. Necə ki, Allahın bağışlayacağını bilirsə, özü də bağışlamağı bacarmalıdır.

Kasıblıq zahirən bir fitnə kimi, acı bir hadisə kimi görünür. Lakin kasıblıq insanları təvazökar, dindar və gözəl xasiyyətli edir. Nemətdən yaxşı anlayan, nemətin qədrini bilən edir.