Adnan Oktar A9 TV; 24 avqust 2013

Bəzi insanlarda nifrət dəniz kimi olur və bunun içində boğulurlar. İnsanlar sevgini sanki unudublar. Sevginin oyanması üçün çoxlu cəhd lazımdır. Sevgini gündəm halına gətirmək lazımdır. Çünki sevgi daha da gücləndikdə nifrəti əzməyə başlayar və qalib gələr.

Sevgi asanlıqla əldə edilmir, insanlar nifrətə çox meyillidirlər. Sevgiyə həmişə əmək vermək lazımdır, səbir lazımdır.

Kasıbın sevgisi çox dərin olur. Eşqi, məhəbbəti çox gözəldir. Allaha olan məhəbəti çox gözəldir. Sənətə, estetikaya meyli çox yüksəkdir. Kasıblar hər tərəfli gözəl əxlaqlı olurlar.

Amerikalıların nəzakətlilikləri və insan sevgiləri çox gözəldir. Amerikanın sevincini, gözəlliklərini boğmağa çalışmaq böyük vicdansızlıq və zülm olar.

Yəhudilər zənn etdiklərindən fərqli olaraq sülhü və sevgini müdafiə edən insanlardır.

Ən vacib mövzu təhsildir. Təhsildə də ən əhəmiyyətli yer, xalq universiteti olan internetdir. O zaman hər kəs universitetə yazılmış olur. Baş nazirimiz bu limit məsələsini aradan qaldırsın.

Xalqa ucuz kompyuterlər paylana bilər. İnternet sanki ucu bucağı olmayan bir okeandır. İnternet vasitəsi ilə trilyonlarla, milyardlarla, milyonlarla məlumat əldə etmək imkanı var. Dünyanın ən böyük universiteti, ən böyük ensiklopediyaları ilə xalqları məlumatlandırmış oluruq. Baş nazirimiz bunun yolunu açsın.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

Nə ənənəvi sağ, nə kommunist sol insanlara xoşbəxtlik bəxş edəcək. Hər iki tərəfə diqqət yetirsəz əslində hər iki tərəf də bədbəxtdir. Hər iki tərəfin də adamları sevgisizlikdən çirkinləşiblər. Hər kəsdə bir nifrət mimikası var. Sanki çox çirkin sevgisizlik ruhunda rəqabət var.

İstəyən istədiyi kimi, necə istəyirsə elə yaşasın. Nə internetə, nə facebooka, nə skype-a, nə insanların dini inancına, nə də düşüncəsinə qarışılsın. Hər kəs azad olsun. Din belə mühitdə rahat şəkildə inkişaf edər.

Kasıb-füqəraya ödənişsiz kompyuter, internetə ödənişsiz havayı daxil olmaq imkanı―bunlar vacibdir. Belə olduqda həqiqi müasir Türkiyəyə doğru sürətlə irəliləyərik, inşaAllah.

İnternetə limit olsa, adamın əlindən kitabı götürmüsən, adam kitabxanaya gedir, qapının qarşısında dayanmısan, eyni hərəkət olar. İmkan yaradın, millət məlumatını, mədəniyyətini artırsın, limit və s. bunların hamısı aradan qalxsın.

Qardaşlarımız bir-birlərinə CD, kitab hədiyyə etsinlər, saytlarımıza girsin araşdırma etsinlər və bu məlumatlarla təbliğ etsinlər. Facebookdakı manyakların müzakirələri ilə vaxt xərcləməsinlər. Allah "insan hər şeydən çox müzakirəçidir" deyir. Onsuz da qarşıdakı adam Allah qorxusuna sahib deyil. Allah sevgisindən, Peyğəmbər sevgisindən bəhs etməz, İslam Birliyindən heç bəhs etməz, uşaq, pişik, it sevgisindən bəhs etməz, Hz. Mehdi (ə.s)dan bəhs etməz. Amma Müsəlmanlara hücum etmək üçün əlindən gələni edər. Təcavüzkar, kin dolu, nifrət dolu ifadələrlə hücum edər. Burada bir səmimiyyətsizlik var. QARDAŞLARIMIZ SƏMİMİYYƏTSİZLƏRLƏ VAXT İTİRMƏSİNLƏR.

Öz içlərindəki məzhəb qatı dinçiliyi müsəlmanları məhv edir. Baxıb şahidi oluruq ki, qırğınlara qatı dinçi olan alimlər fətva verir. Hətta Əl-Əzhər şeyxi belə dəstək verir. Hər daşın altında İsraili axtarmaq məntiqli hərəkət deyil.

Misirdəki qırğını İsrailin üstünə yıxmağa ehtiyac yoxdur. Misiri, İsrailli ravvinlər idarə etmədiyinə görə İsraili günahlandırmaq məntiqli deyil. Müsəlmanlar bir-birini qətlə yetirir.

Kasıb insanların könlü çox gözəl olar. Zənginləşdikcə-Allahın hikməti, bilmirəm-ürəkdə qatılaşma olur, bir çox insanda belə olur. Amma təbii, aralarında çox yaxşı olanları da var.

Müsəlmanların birləşməsini istəməmək nə deməkdir? Şeytandan Allaha sığının.

Hər yerdə hiyləli quruluşlar var. Hiylələri parçalayan Mehdi (ə.s)-dır.

Peyğəmbərimiz (s.ə.v) Axırzamanla əlaqədar hədislərində Suriya Gutada döyüşün sıxlaşacağına diqqət çəkmiş, Gutanın, şəhidlərin ən sıx olacağı yer olduğunu bildirmişdir. Bu böyük bir möcüzədir.

Peyğəmbərdə möcüzə şəklində, heyrətləndirəcək şəkildə bir zadəganlıq olur. Avamda mütləq bir sadəlik olar, az və ya çox sıravilik olar. Bir şeyə yumşaqlıq edər, yəni az da olsa olar. Peyğəmbərdə isə heç vaxt olmur. Peyğəmbər olduğu da oradan aydın olur.

Dünya imtahan məqsədi üçün yarandığına görə, dünyada həm mələk kimi, həm də şeytan kimi insanlar var.

Quranda hədisdə olmayan yeni-yeni qanunlar çıxarmağa ehtiyac yoxdur. Onlardan bir nəticə çıxmaz, bərəkət gəlməz.

Müsəlman olan kəs kilsə yandırmaz, kilsəni qoruyar.

İslam aləmində ilk dəfədir ki, bu qədər mərhəmətsiz və dəlicəsinə məzhəb fanatizmi görülür. Bunun həlli mehdiyyətdir.