Adnan Oktar A9 TV; 16 sentyabr 2014

Səhabə dövründə həmişə şəfqətlə, sevgiylə xeyir qazanılmışdır. Həmişə Peyğəmbərimiz (s.ə.v)-in sevgisi ad-san qazanmışdır, yüz minlərlə insan karvanlar halında müsəlman olmuşdur. Şiddətdən istifadə edildiyi üçün deyil; sevgidən ötrü iman etmişlər.

İnsan sevgiyə möhtacdır. Bir qədər sevgi göstərdiyin vaxt dərhal o tərəfə qaçar. Qardaşlığa yaxınlaşdırsan, sülhə, dostluğa dəvət etsən dərhal qəbul edərlər. Qürurdan ötrü iki tərəf də qəbul etməyincə ortada qalarlar. Halbuki, bir tərəf söyləsə qəbul edərlər. Amma bir qədər israr edəcəksən.

Zülmü axtaran zülmə layiq olur. Zülmə, bəlaya, qana təşviq etsən, bəla səni boğar. Qan səni boğar. Sevgiylə yaxınlaşsaydın, sevgi görəcəkdin. Qan istədin, qarşına qan gəldi.

Allah şərik qoşanların qəlblərindən sevgini çəkib alır. O qaçır, o qovur, o qaçır o qovur. Halbuki, sevgisini, gözəlliyi birbaşa Allaha yönəltsə, Allaha dua etsə Allah ona nəsib edər.

Nifrət başqa nifrəti artırar, kini artırar. Sevgi isə hər şeyi yoluna qoyar. Yəni insanın ağlı sevgiyə görədir. Bizim ruhumuz sevgiyə görədir. Biz ona görə yaradıldıq. Cənnət sevgi yurdudur.

Məqbul, məntiqli, demokratik, mehriban, bütün insanları sevən, hər bir dinə mənsub insanı sevən nəsillər yetişdirmək lazımdır. Yəhudilərə nifrət öyrədilir, xristianlara nifrət öyrədilir, şiələrə nifrət öyrədilir, sünnilərə nifrət öyrədilir; belə olmaz.

Sevgisizlik qəzəb meydana gətirər, əsəb pozğunluğu meydana gətirər. O nifrətlə də hücum edəcək, kinini tökəcək bir yer axtarır. Cüzi bir şey də istəmir. Yandırmaq, öldürmək istəyir; başını yaracaq, qanı su yerinə axıdacaq. Qan gördükdə isə əsəbi bir az olsun sakitləşər. Şeytanın xüsusiyyətidir bu, şeytan qanla doyar.

Sevgi gözəldir, nemətdir, əyləncədir, zövqdür, xoşbəxtlikdir. Sevgini buraxırlar. Nifrət çox iztirablıdır, ağrılıdır. Nifrətdə dözülməz ağrılar çəkərsən. Sevgi ilə həll elə. Mütləq qarşı gələcək. Mütləq qan tökəcək. Mütləq döyüş başladacaq.

Döyüşə yer yoxdur, nifrətə yer yoxdur. Dünyaya sevgini öyrədəcəyik. Nifrət xeyli iztirab verici, əzab verici, yorucu və iyrənc bir şeydir. Sevgi xeyli gözəldir. İsrail, İordaniya, oralar inanılmaz dərəcədə gözəl yerlərdir. Barışın, qucaqlayın bir-birinizi, qardaş olun.

Dünyaya sevgini hakim edəcəyik. Allah dünyanı sevgi olsun deyə yaratdı. "Qullar olsun, Mənə qulluq etsin" deyə yaratdı. Amma quldan istədiyi də sevgidir. Allah "Mən sizi sevim", "siz də Məni sevin" deyir. Sevgi olmasa, dünyanın bir mənası olmaz.

Ayələrdə bildirilən rəftar belədir: gərginliyə, qəzəbə, ürəyində yaranan hər cür narahatlığa icazə vermə, belə bir vəziyyətə düşmə, qorxma, kədərlənmə, narahat olma, psixi olaraq sənə zərər verən rəftar göstərmə.

Müsəlman səbirli olmalıdır. Yəni ani qəzəbə fikir verməyəcək, əsəbiləşməyəcək.

“Hər şeyə ağlayın” məntiqi çox anormaldır. Bu, Məkkə müşriklərində, daha qədim dövrlərdə Şumer müşriklərində olan sistemdir. Çox səmimiyyətsiz şəkildə Allaha təvəkkül edilmədiyini göstərən hərəkətdir. Bir insan Allahın yaratmadığını düşünürsə ağlayar.

Allah qorxusundan ağlamaq başqa, həyəcandan ağlamaq başqadır. Amma birisi "Bu niyə belə oldu?"― deyə ağlayırsa, bu şirk olar.

Hər gün insan ölür. Biz dünyadayıq, imtahan mühitindəyik. Hər gün xəstələnən insanlar olur. Matəmi haradan çıxarırsan? Quranda yoxdur. İslam dinində belə bir anlayış yoxdur. Ancaq müşrik xarakterdə var, bütpərəst inancda vardır. Çoxilahlı dinlərin xüsusiyyətidir. Amma İslamda belə bir şey yoxdur.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Kini, əsəbi imanla aradan qaldırmaq lazımdır. Qurana tabe olan müsəlman hər şeyə məqbul, ağılla baxar. Bir insana əsəbləşmək yerinə onu qazanmağı əsas götürər.

Sevgi ilə, nəzakətlə ən əsəbi bir insanı belə sakitləşdirmək mümkün olur. Bir cəmiyyətin əsəbi və hirsi çox gözəl yatırıla bilər. Amma qışqırıb çığıraraq, qoçuluq edərək, rüsvayçılıq çıxararaq, təhdid edərək, qatı dinçiliklə cəmiyyəti yatırmaq mümkün olmaz.

Əvvəla müsəlman anormal şeylərə müqavimət göstərməyi bacarmalıdır. Məsələn, qəzəblənməyə müqavimət göstərməyi bacarmalıdır. Qəzəblənmək heyvani instinktdir. Qəzəblənməmək insani üstünlükdür.

Qatı dinçilər bütün gözəl şeyləri qadağan edirlər. Bütün çirkin, çətin şeyləri isə məsləhət görürlər. Ağlamağa təşviq etmələri inanılmazdır. Allah bunun küfr əhlinin xüsusiyyəti olduğunu söyləyir; "Onlar çox ağlayacaq, siz isə güləcəksiniz" deyir. Onlar da tərsini söyləyirlər. "Əsla gülməyin, bol-bol ağlayın" deyirlər. İnsan buna nə qədər dözə bilər? Get idman et, ye, iç, gül. İbadətlərini yerinə yetir. Hər yeri gözəlləşdir. Hər yerə incəsənət hakim olsun.

Allah bizim xoşbəxt olmağımızı, gülməyimizi istəyər.

Peyğəmbərimiz (s.ə.v.)-dən çox gözəl gül qoxusu gələrdi.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

İslam heyrətamiz gözəl bir sistemdir. Bir bilsələr, gənclər öyrənsələr, Türkiyədə müsəlman olmayan tək bir adam qalmaz. Anlamırlar. Zənn edirlər ki, asılacaq, kəsiləcək, biçiləcək, azadlıqları əllərindən alınacaq, əylənməyəcək, musiqi, şəkil olmayacaq. Hamısı halaldır. Səhv izah edirlər. Elə bir şey yoxdur. Şirk sistemi onu etdi. Yoxdur elə bir şey.