Adnan Oktar A9 TV; 24 aprel 2017

Mömin hər zaman hər şeyin ən gözəlini, ən yaxşısını, ən çoxunu Allahdan istəyər.

Lazımsız şübhələrlə müsəlmanlara sui-zənn bəsləmək Allah qorusun fitnəyə səbəb olar. Müsəlman xeyir gözü ilə sadə düşünməlidir.

Çətin, problemli kimi görünən heç bir hadisədən narahat olmaram. Allahın yaratdığını bilər, xeyir gözü ilə baxaram. Nə olursa olsun sevinərəm.

Biz təvəkkül əhli olaraq Allahın yaratdığı taleyə təslim olmuş bəndələrik. Allah nə istəsə o olar və o xeyir olar.

Hikmət gözəl izahat, dərinlik deməkdir.

Əsəbiləşmək insanı hörmətdən salan, görünüşü gülünc vəziyyətdir. İnsanın özünə qəzəbi heç yaraşdırmaması lazımdır. Mömin qəzəblənəcəyi vəziyyətlə qarşılaşar, lakin Allaha sığınıb bu duyğunu məğlub edər. Allahın göstərdiyi təsvirə qəzəblə deyil, xeyir gözü ilə baxar.

Allah hər şeyi xeyirlə yaradar, xeyirlə hər iş bitmişdir. Biz səbəbə sarılmaq üçün tədbir alıb cəhd edirik.

Allah pulu, malı, mülkü toplayıb yığmağı deyil, xeyriyyəçilik işlərində istifadə etməyi əmr etmişdir.

Mehdi hikmət elminə sahib olduğu üçün əziyyətin və imtahanın sirrini görür və dərinlikdə, sevgidə önə keçir. Tövratda Mehdinin çəkəcəyi əziyyətlərdən çox ətraflı bəhs edilir. Mehdi çox böyük əziyyətlərdən keçdiyi üçün çox üstün və qiymətlidir.

İslama, Qurana baxarkən həmişə xeyir gözüylə baxmaq lazımdır. Həmişə Allahdan yana düşünmək lazımdır.

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

“Diqqət” asanlıqla qapana bilən şeydir. Diqqət yetirsəniz Peyğəmbərimiz (s.ə.v)-in danışıqları həmişə qısadır, tutarlıdır. Qurandakı mövzular də həmişə belə qısa və tutarlıdır, həmişə hikmət var. Allah Quranda çox mühüm bir mövzunu bir cümlədə bildirir. Mömin də hikmətli, qısa, tutarlı, mənalı, ruha təsir edəcək şəkildə danışmalıdır.

Din dedikdə, ayələri əzbərləmək, Quranı su kimi əzbər bilmək, onu təcvidlə oxumağı başa düşürlər. Halbuki, Quranın hikməti və mahiyyəti əhəmiyyətlidir. Yəni oradakı mənanı həyata keçirmək vacibdir. Yoxsa onu təcvidlə oxumaq deyil. Bunu ərəblər çox yaxşı şəkildə edirlər. Lakin Quranı tətbiq etməyənlərin bir hissəsi də, yenə ərəblərin arasından çıxır.

Hikmət Allahın bəyəndiyi gözəllikdir. İnsanların bir hissəsi çox, lakin hikmətsiz danışar. Hikmətin çox biliklə, boşboğazlıqla əlaqəsi yoxdur. İnsan yeriyən kitabxana kimidir, lakin o dərinliyi, o hikməti görə bilmir. Məlumatın yalnız çoxbilmişlik, modabazlıq tərəfini qəbul edir. Halbuki informasiyadan hikmət üçün işlətmək lazımdır.

Mehdiyyətin əsası hikmət və səmimiyyətdir. Ədəbi, həyəcanlı danışıqlar insanlara mahnı və türkü kimi gələr, heç bir təsiri olmaz.

Bir az başını işlət, düşün, hikmət gözüylə bax; parlaq işıqlı dünya görəcəksən. Sən Allah ilə maraqlanmırsan, boş işlərlə maraqlanırsan. Bu, Allahın heç xoşuna gəlməz. Bütün günü nərd oynayır, 4-5 saat. Ağlını tamamilə Allaha ver, düşüncəni ver.

Ehtirasın yaranması üçün dünyadan keçmək, sevdikləri üçün yaşamağı bacarmaq lazımdır. Sevdiyi üçün yaşamağı bacarmayan ehtirasa heç vaxt nail ola bilməz.

Türkiyə çox müasir olmaq məcburiyyətindədir. Həm dindarları çox yaxşı qoruyan, həm də ultramüasir, mümkün qədər azadlıq təmin edən ölkə olacağıq. Tayyib hocam müasir sağın lideridir. Həm dindarları qoruyur, həm də müasir anlayışa sahibdir. Türkiyəni daha da müasirləşdirəcəyik. Millətimiz incəsənətə, gözəlliyə, keyfiyyətə, müasirliyə, dekolteyə qarşı olan bir qrup insanın zehniyyəti ilə deyil, parlaq anlayışla yaşamaq istəyir.

Firon hz. Musaya, Nəmrud hz. İbrahimə necə qarşı olursa səmimi möminin də hər zaman əleyhinə çıxanları olacaq. Bu insanlar mömini qiymətli edər.

Tayyib hocamın saçının telinə zərər gəlməsinə hüquqla icazə vermərik. Allah istəmədikcə heç kəs ona zərər verə bilməz, o vəzifəsini yerinə yetirəcək.

Mömin qapqara mühitdə almaz kimi par-par parıldayar. Allah hər vəli əxlaqlı mömini qaranlıqlar içində nur saçan almaz kimi yaratmışdır.

Qısqanan insanın qısqanclığı davam etdikcə çirkinləşər, çökər, vücudu məhv olar, xərçəng olar, qısqanılan da sağlamlıq qazanar, gümrahlaşar. Qısqananın çökməsi, qısqanılanın da tam əksinə gəncləşməsi Allahın elmidir, bunu bəziləri bilmədiyi üçün həmişə sıxıntı içində yaşayırlar.

Küfr əhlinin cəhənnəmdə yaşadığı əzab bizim bildiyimiz mənada olan əzab deyil, Allahualəm. Lakin Allah sözünü mütləq yerinə yetirər.

Mömin insanları qorxaqlığa deyil, cəsarətə sövq edər. Allah üçün hər cür fədakarlığa, coşğuyla hazır ruha sövq edər.

Dünya imtahan üçün gəldiyimiz qısamüddətli kursdur. Burada hər kəsin səhvləri, əksikləri ola bilər. Şəfqət əhəmiyyətlidir, şəfqət sakitləşdiricidir. Şəfqətlə baxmağı bacarmayan insan qəzəblənməyə çox meylli olar. Bu qəzəb də Allah qorusun qəlbi parça-parça edər. İsrarla şəfqətdən yana olmaq lazımdır.