Adnan Oktar A9 TV; 25 may 2016

Allah dərin imana baxar, Onu çox sevirmi, sevmirmi? Dərin imanla iman edirmi, etmirmi? Təkcə buna baxar. Bu varsa tamamdır, başqa şeyə ehtiyac yoxdur.

Səmimiyyət çox mühümdür. Yoxsa səhərə kimi də danışarıq, heç nə olmaz. İxlasla izah edilən on dəqiqəlik bir izahat bütün dünyanı sarsıdar.

İslamın hakim olmasını istəyən, çox dərin imanlı olmalıdır. Çox ixlaslı və səmimi olmalıdır, heyrətamiz dərəcədə dərinləşməlidir. Allahın onu izlədiyini bilməlidir. Allahın hadisələri necə meydana gətirdiyini də izləməlidir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Dərin imanlı çox az sayı olan bir cəmiyyət olsa, İslam dünyaya dərhal hakim olar. Bütün məsələ dərin imandadır. Allah insanların səyindən asılı etmir, insanların imanından, səmimiyyətindən asılı edir.

Allah bir ölkədə iman gətirən biri olduqda onu dərhal görər. Çünki Özü yaradır. Həmçinin hadisələr həmişə o insanın ətrafında ona görə meydana gələr. Allahın ən çox əhəmiyyət verdiyi dərin imandır, çox səy göstərmək deyil.

İnsanlarda ağıl az olub, zəka çox ola bilər. Dünyagörüşü, bilik çox olur, ətrafı, imkanları geniş olur. Lakin Allahı anlama və Allaha hörmət bəsləmə, Allahı sevmə gücü yüksək vicdan sahiblərində ola bilir.

Münafiqlik iman və səmimiyyətin qarşısında dayana bilməz. Darmadağın olar. Bu Allahın möcüzəsidir.

Səmimi olmaq asan deyil, çox çətindir. Səmimi olmaq, beyinin ən böyük sənətidir, vicdanın ən böyük sənətidir.

Müsəlmanın gözəl yaşaması nemətdir. Zənginlik və göstəriş hz. Süleyman (ə.s)-ın da istifadə etdiyi bir təbliğ üsuludur.

Bilik Allah rizası üçün olmalıdır. Biliyi fitnə üçün, günah üçün, nifaq üçün, münafiqlik etmək üçün, zülm üçün, Allaha üsyan etmək üçün istifadə etsə Allah intiqam alar.

Qınayanın qınağından çəkinməyən, yalnız Allahdan qorxan, heç bir mənfəət arxasında olmayan, bütün həyatını İslama həsr edən, bütün mənliyi ilə İslama xidmət edən, səhabə əxlaqını, İslamı yaymaq üçün səy göstərən, müasir, ziyalı, incəsənətdən və keyfiyyətdən zövq alan bir cəmiyyətik. Bizim bu xarakterimiz İslama qarşı olan bütün kütlələrə sanki mənəvi zərbə olur.

Bəzilərinin izah etdiyi İslam anlayışının yaşanması qeyri-mümkündür, onsuz da ən yaxınları və hətta özləri belə izah etdiklərini yaşamırlar. Belə donuq, ağır, elmdən və incəsənətdən uzaq üslubla İslam izah edildikdə gənclərə, onları yetişdirə biləcək bir sistem meydana gəlmir.

Təbliğdə gözəl və təsiredici insandan istifadə etmək Peyğəmbərimiz (s.ə.v)-in sünnəsidir. Hz. Süleyman da təbliğdə ehtişam və zənginlikdən istifadə etmişdir.

Mehdi hikmət elminə sahib olduğu üçün əziyyətin və imtahanın sirrini görür və dərinlikdə, sevgidə önə keçir. Tövratda Mehdinin çəkəcəyi əziyyətlərdən çox ətraflı bəhs edilir. Mehdi çox böyük əziyyətlərdən keçdiyi üçün çox üstün və qiymətlidir.

“Diqqət” asanlıqla qapana bilən şeydir. Diqqət yetirsəniz Peyğəmbərimiz (s.ə.v)-in danışıqları həmişə qısadır, tutarlıdır. Qurandakı mövzular də həmişə belə qısa və tutarlıdır, həmişə hikmət var. Allah Quranda çox mühüm bir mövzunu bir cümlədə bildirir. Mömin də hikmətli, qısa, tutarlı, mənalı, ruha təsir edəcək şəkildə danışmalıdır.

Bir insanın irfan sahibi, dərin düşünən, dərin qavrayan olması əhəmiyyətlidir. Təkcə mədəniyyətin olmasının insana faydası olmaz.

Din dedikdə, ayələri əzbərləmək, Quranı su kimi əzbər bilmək, onu təcvidlə oxumağı başa düşürlər. Halbuki, Quranın hikməti və mahiyyəti əhəmiyyətlidir. Yəni oradakı mənanı həyata keçirmək vacibdir. Yoxsa onu təcvidlə oxumaq deyil. Bunu ərəblər çox yaxşı şəkildə edirlər. Lakin Quranı tətbiq etməyənlərin bir hissəsi də, yenə ərəblərin arasından çıxır.

Hikmət Allahın bəyəndiyi gözəllikdir. İnsanların bir hissəsi çox, lakin hikmətsiz danışar. Hikmətin çox biliklə, boşboğazlıqla əlaqəsi yoxdur. İnsan yeriyən kitabxana kimidir, lakin o dərinliyi, o hikməti görə bilmir. Məlumatın yalnız çoxbilmişlik, modabazlıq tərəfini qəbul edir. Halbuki informasiyadan hikmət üçün işlətmək lazımdır.

Mehdiyyətin əsası hikmət və səmimiyyətdir. Ədəbi, həyəcanlı danışıqlar insanlara mahnı və türkü kimi gələr, heç bir təsiri olmaz.

Taxta stullar üzərində, havasız siniflərdə deyil, filmlərdən istifadə edərək, bağçada sevinc içində söhbət edərək təşkil edilmiş təhsil sistemi olmalıdır. Uşaq məktəbə getməyi əziyyət kimi deyil, ümumi biliyinin, keyfiyyətinin artacağını bildiyi əyləncə olaraq görməlidir. Bu zaman öyrəndiyini unutmaz. Mənanı unutduran təhsil sistemi olduqda uşaq dərinlik ala bilmir, sevgisizlik yayılır, fəlakət addım-addım inkişaf edir.

Təhsilin təməli nəzakətli insan olmağa təşviq olmalıdır. İmtahanlarla uşaqları sıxışdırmaq deyil, zövqlə öyrənmələrini təmin etmək lazımdır. Uşaqlara nəzakətli, mədəni olmağın zövqünü hiss etdirmək vacibdir. Mədəni olduğu zaman həyatın hər sahəsində müvəffəqiyyətli olacağını göstərmək lazımdır.

Bəzi müsəlmanların; "(Mehdini) gözləməyə ehtiyac yoxdur" demələri yanlışdır. Mehdi (ə.s)-ın gözlənilməsi sevgi ifadəsidir.

Münafiq və kafir oxuduğu kitablardan öyrəndiyini zənn edər. Cəhalət düşüncəsi ilə baxan Allahın öyrətdiyinə inanmaz. Məlumatı Allahın verdiyinə inanmaz. Həmçinin cahil elmə əsas elm gözüylə baxar. Halbuki müsəlmanları maraqlandıran əsil elm Qurandakı elmdir.

Bizim inancımıza görə Quranla uyğun gələn elm, elmdir. Quranın dəstəklədiyi elm, elmdir. Qurana zidd olan elm müsəlman üçün etibarlı deyil.