Adnan Oktar A9 TV; 16 iyun 2015

İman sayəsində Allahın olduğu hər yer - olmadığı heç bir yer yoxdur - cənnət olar. Allaha inanmırsansa, hara gedirsən get ora sənin üçün cəhənnəm olar.

İslamı müşrik, bütpərəst bir sistemə çevirdikləri üçün, Allah da yola gətirmək, islah etmək üçün bəla, fəlakət, aclıq, müharibələr, terror yaratmaq üsullarından istifadə edir. Allah imtina etsinlər deyə inanılmaz dəhşət meydana gətirir. O zaman daha çox bütünə sarılır. “Qurtuluş bütə sarılmaqdadır” deyir. Bütünə sarıldığın üçün bu hala düşürsən.

Dünya tarixində həmişə bütə nifrət edilmişdir. Amma birləşdirici olduğu üçün də, ona qarşı saxta hörmət göstərilmişdir.

Mələklərə iman, taleyə iman. Bunlar barədə ayrı-ayrılıqda düşünmək, təfəkkür edilib beyində tam iman kimi oturtmaq lazımdır. Yəni xalqın böyük hissəsində səthi məlumat şəklində bunlara qarşı inanc var. Lakin sarsılmaz məlumat olaraq, bu yalnız təqvalı müsəlmanlarda olur. Möhkəm məlumat halına gətirmək lazımdır.

Sırf insan beynini düşünsən iman edərsən. Sırf hörümçəyin həyatına baxsan iman edərsən. Sırf arının həyatına baxsan iman edərsən. Tamamilə qeyd-şərtsiz iman edərsən.

Dünya fırlanır, Dünya Günəşin ətrafında fırlanır, o Süd Yolu qalaktikasının içində dövr edir. Ucsuz-bucaqsız boşluqda. Elə bil, nəhəng bir təyyarədəyik. Nə pilotu, nə də nəzarət qülləsiylə əlaqəsi var. Milyonlarla göy cisminin içində heç bir yerə dəymədən hərəkət edir, özü də bizi heç silkələmədən. Bu çox inanılmaz bir şeydir.

Ehtiyac içindəki insan deyildikdə, bir çox adam ilk növbədə həmin insanın çörəyə, yeməyə ehtiyac duyduğunu düşünür. İmana ehtiyacı var, Allah sevgisinə ehtiyacı var. Dua etsən Allah səndən razı qalar. Sevgiyə, dərinliyə ehtiyacın var, Allahı dərindən sevməyə ehtiyacın var.

İnsan həmişə Allahın tərəfini tutarsa imanı artar. İnsanlar bəzən Allahdan bir qədər uzaqlaşarlar. Bəzən də Ona sarılarlar. Allahla olan mənəvi əlaqə fasiləsiz qorunub saxlanılmalıdır.

Allahın hədəfi, insanların daim səmimi və güclü imana sahib olmalarıdır. Allah dünyadakı insanların səmimi və güclü imana sahib olduqlarını gördükdə, dünyanın bərəkəti artır. İnsanlarda iman zəifliyi olduqda isə Allah verdiyi bu bərəkəti azaldır. Buna görə də, xas və səmimi möminlər var gücləriylə bu mənəvi xüsusiyyəti möhkəmləndirməyə davam etməlidirlər.

Müstəqil sevgi olmaz. "Məni kifayət qədər sevmir" deyir. Əvvəla sevgini Allah yaradar. Sən müşrik sevgisi istəyirsən. Büt sevgisi istəyirsən. Sən bir insanı bütləşdirsən, onsuz da müşrik olarsan. Allah bəla verər, qəlbin sıxılar. Allah qəlbindən sevgini alar. Nə sevər, nə də sevilərsən. Sevgini bilavasitə Allahdan gözləmək lazımdır.

Dünyadakı ən böyük xəstəlik iman zəifliyidir. Çəkilən bütün əzabların, iztirabların, xəstəliklərin təməlində bu var. Dünyadakı bütün fəlakətlərin, aclığın, iqtisadi böhranın təməlində də yenə bu var. Güclü iman olduqda Allah dünyanı cənnətə çevirər.

Bol-bol səylə əlaqəsi yoxdur. Bütün məsələ Allahı səmimi sevməkdir; dərin sevgiylə sevməkdir. Allahı sevirsənsə çox əmin-amanlıqdasan . Yəni Allahı çox sevirsənsə mütləq qalib gələcəksən. Bax, iman edirsənsə demirəm. Sevirsənsə deyirəm. Onsuz da sevmək üçün iman edilməlidir.

Gözəl baxış yalnız iman əhlinə məxsus xüsusi bir gücdür. Yəni bir insan gözəl baxa bilirsə, deməli, ağıllıdır. Axmaqca baxırsa, deməli, imanında və ağlında bir problem var.

Hər yerdə iman zəifliyindən ötrü sıxıntı yaşanır. İman hara getsə o yeri gözəlləşdirər, imansızlıq hara getsə o yeri məhv edər. İman zəifliyi olan yerdə əzablar, inamsızlıq və şiddət geniş yayılar.

İmanda xurafat olmur. Olduqca ağlabatan şeylər sayəsində; elmi dəlillərlə Quran möcüzələri, iman həqiqətləri sayəsində. Ağılın qarşısındakı maneələr yox edilməlidir. Ağıllı düşünməyin yolu göstərilməlidir. Vicdanlı, səmimi düşünməyin gözəlliyi öyrədilməlidir. Onsuz da insan səmimi düşündükdə də iman sahibi olur.

Sənin sevdiyim dediyin kəs, beynindəki təsvirdir. Ən incə nöqtəsinə qədər kim yaradır? Kim sevdirir, kim danışdırır? Bütün bunları edən Allahdır. Yəni qarşındakı şəxsə aid heç nə yoxdur. Əgər sən Allahı deyil, əksinə xəyali bir bütü sevsən bu aldatma olar, özü də çox pis aldatma. Özünü çox pis aldatmış olarsan.

Münafiq cəmiyyət mikrobudur. 2 nəfər tapsa dərhal yalan söyləməyə başlayar, Allaha, dinə zidd ruh halına keçər. Hz. Musa dövründə münafiqlər bir neçə paxla, soğan, sarımsaq üçün hz. Musanı tək qoyub Fironun yanına qayıdırlar. Münafiq bu dərəcə alçaqdır. Münafiqlərin etdiyi pisliyi peyğəmbərlər xeyirə döndərərlər. Samiri büt düzəldir, Musa bütü əzib dənizə atıb Manna ilə qövmə bərəkət gətirir.

Şirkdən fayda təmin edəcəyini düşünən mütləq bəla və uğursuzluqla qarşılaşar. Allahdan deyil, insanlardan ümid etmək o insanı bütləşdirməkdir. Allahın yerinə haşa başqa insanları və ya əşyaları büt qəbul edən bu bütün altında əzilər. Allah mütləq uğursuzluq verər.

DİQQƏT ETSƏK, BİR ÇOX XURAFATÇININ ALLAHI SEVMƏDİYİNİ GÖRƏRİK. Onlar Peyğəmbəri də sevməzlər. Təkcə şeyxlərini, müəllimlərini, alimlərini, bütləşdirdiklərini sevərlər.

Müsəlmanın ilk edəcəyi iş nədir? Bütləri ortadan götürməkdir. Allahı inkar edən bir fəlsəfəni (Darvinizmi) sən necə məktəblərdə dövlət gücünə oxudursan?

Əvvəl büt inancının ortadan götürmək, Darvinizm və materializmi yıxmaq, iman həqiqətlərini izah etmək, güclü bir iman təmin etmək , daha sonra Quranın izah edilməsi lazımdır.

Əvvəl fəlsəfitərəfdən Marksist, Leninist, Darvinist, materialist dinin, bir sözlə bütlərin yox edilməsi lazımdır. BÜT OLA-OLA DİN İZAH OLUNMAZ. ƏVVƏL BÜTÜN YOX EDİLMƏSİ, SONRA DİNİN İZAH EDİLMƏSİ LAZIMDIR.

Məsələn, xəstə olur, dərman alır, dərmana ümid bağlayır. DƏRMANIN BİR TƏSİRİ OLMAZ, HƏR ŞEYİ EDƏN ALLAHDIR. Qolu ağrıyır, qoluna masaj edir keçir, SƏNİN QOLUN ÜÇÜN MASAJI YARADAN DA ALLAHDIR, SAĞALDAN DA ALLAHDIR. DƏRMANI, MÜALİCƏNİ BÜTLƏŞDİRMƏK LAZIM DEYİL.

DARVİNİZM BİR ÇOX ÖLKƏDƏ DÖVLƏT TƏRƏFİNDƏN BÜTPƏRƏST BİR DİN OLARAQ TƏBLİĞ EDİLİR. Darvinizm insanların 99%-ni dinsiz edən bütpərəst bir inancdır. Bu fitnəyə qarşı Allahın varlığının dəlillərini tam təqdim etmək lazımdır.

Təkidlə deyirəm; Misirdə müasir İslam anlayışını müdafiə etsələr bütün Avropa, Amerika, hər kəs dəstək verər. İnanılmaz bir güc olaraq bütün dünya da sevər. Namazını qılacaqsan, orucunu tutacaqsan, zəkatını verəcəksən, həccə gedəcəksən, sadəcə müasir olacaqsan. Onun üçün müqavimət göstərirlər.