Adnan Oktar A9 TV; 30 mart 2017

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Mövhumatçılıq ucbatından insanlar İslamı yaşadıqda həyatın bütün sevincini və gözəlliklərini itirəcəklərini zənn edirlər. Halbuki Quran İslamı yaşandığı zaman dünyanın bütün gözəllikləri insanın həyatında olar. İnsanlar həqiqi sevinc və xoşbəxtliyi tapar.

Türkiyənin müasir olduğu, dekolteli və ya çarşablı qadınların azad olduğu, incəsənətə dəyər verildiyi görülsə bütün dünyanın üslubu dəyişər.

Avropanın İslam əleyhdarlığının təməlində mövhumatçılığın sevgisiz, incəsənətsiz, dözümsüz, nəzakəti zəif zehniyyəti var. Əlbəttə ki, Avropanın irqçi və müsəlmanlar əleyhinə olan münasibəti çox yanlışdır. Lakin mövhumatçıların da musiqidən, heykəldən, incəsənətdən nifrət edən münasibəti Avropadakı bu məntiqin zəmin qazanmasını təmin edir. Qadının döyülməsini söyləyən, anasının diz qapağını təhrikedici hesab edən, dekolte qadın gördükdə heyvani reaksiyalar verən zehniyyətdən Qərbin narahat olması haqsız səbəb deyil. Bu mədəniyyət pozğunluğunun düzəlməsi vacibdir.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

İslam, sevgi, sevinc və hüzur dinidir, insan fitrətinə uyğundur. İslamı sevinci yox edən, incəsənəti öldürən məntiqə döndərənlər mövhumatçılardır.

Keyfiyyəti ön plana alan bir siyasət təşviq edilsin. Keyfiyyət və İncəsənət Nazirliyinin mütləq yaradılması lazımdır.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Musiqinin, rəqsin, gözəlliyin müsəlmanların əlində olması bəzilərini çox qəzəbləndirir. Müsəlman deyildikdə baxımsız olması lazımdır deyə inanıblar. İncəsənət, gözəllik keyfiyyət, cazibədarlıq müsəlmanların əlində olduğu zaman İslamın çox rahat dünyaya hakim olacağını bildiklərindən əngəlləməyə çalışırlar.

İncəsənətə, gözəlliyə qarşı olanların necə bir cəmiyyət istədiklərini izah etmələri lazımdır. Aydındır ki, baxımsız, diqqətsiz, qəmgin həyat istəyirlər.

Gözəl olan ünsiyyətcil, şən, təbii olmaqdır. Bəziləri isə ağır olacağam deyə özlərini bədbəxt həyata sürükləyirlər.

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

Tayyib hocam igiddir, müasirdir. Hökumətimiz də ziyalıdır. Hökumətimiz incəsənətə və keyfiyyətə üstünlük versə, qadınlara prioritet verilsə sahilboyu bölgələrdən asanlıqla səs toplanılar.

İncəsənətin ən gözəlini Türkiyə əldə etməlidir. Rəsm əsərlərində, heykəltəraşlıqda, musiqişünaslıqda dünyada qabaqcıl olaq. Yaradıcılıq gecələri keçirilsin, operalar olsun.

İnsanlar keyfiyyət və azadlıq istəyirlər. Qadınların, incəsənətin, həyatın azad olduğunu xalqa göstərmək çox vacibdir. Sahilboyu yaşayış məntəqələri, böyük şəhərlər “bizim azadlığımızı bizə hiss etdirin” deyirlər. Hökumətimiz bu məsələdə lazımi tədbiri görəcək, azadlığı gücləndirəcək.

Tayyib hocamın şəxsinə bütün millətimizin dəstək olması lazımdır. Bu AKP-ni dəstəkləmək məsələsi deyil, vətən övladını qorumaq məsələsidir.

İngiltərə dərin dövləti, CHP, AKP, MHP, bütün partiyaları bölmək üçün hərəkətə keçmişdir. Millət olaraq həmrəy olmağımız çox əhəmiyyətlidir.

İngiltərə dərin dövləti AKP, CHP və MHP-ni bölmək fikrindən əl çəkmir. Bunun müqabilində millət olaraq tək yumruq olmağımız vacibdir.

Tayyib hocam dürüst və səmimidir. Sonuna qədər onun yanındayıq. AKP sədrliyi də xeyirli mübarək olsun. Tayyib hocamın saçının telinə zərər gəlməsinə icazə vermərik. Qanunla, hüquqla sonuna qədər mübarizə aparar, yanında yer alarıq.

Dünyanın bir çox yerində nifrət hakim oldu. Bunun müqabilində biz sevgini yerləşdirəcəyik inşaAllah.

Bu proqram dini proqram deyil. Söhbət, əyləncə proqramıdır. Mən dindar insan olduğum üçün hər yerdə Allahı zikr edərəm.

“Əyləndiyiniz vaxt Allahdan bəhs etməyin” demək çox yanlış zehniyyətdir. Biz dindarıq, harada nə etsək yenə Allahı zikr edərik.

Sərbəst yaşamağın mümkün ola bilməyəcəyini vurğulamağa çalışanlar boşuna çalışırlar. Türkiyə azad, müasir ölkədir, daha da azad olacaq.