Adnan Oktar A9 TV; 18 may 2014

İnsan xromosomun içinə girsə, o sistemi görsə ömür boyu alını səcdədən qalxmaz. Hüceyrənin içinə girib özü zülal olsa, orada bir funksiya yerinə yetirsə, gəzsə həyəcandan nəfəsi kəsilər, Allaha aşiq olar. Oraya məhz qəlblə, ağılla girmək lazımdır.

Ediləcək ən gözəl şey insanların iman şüurunu artırmaq: iman həqiqətlərini, Quran möcüzələrini izah etmək, düşüncələrinə, ruhlarına, ürəklərinə Allah sevgisini daha yaxşı aşılamaqdır.

Oturduğu yerdə insan imanlı olmur. Öyrədilsə imanlı olur. Din təlqinlə qaimdir.

Öz üzərində daha çox çalış. Elmini daha da artır. Quranı əzbərlə. Hər bir Quran ayəsini həyata keçirməyə çalış. Səbrini, iradəni gücləndir. İmanını gücləndir. Təvəkkülünü genişləndir, artır. Dünya sevgisini ürəyindən çıxart. Cahil cəmiyyətin Allahı unutmasından təsirlənmə.

“Haqqəl yaxın” dərəcədə iman hər kəsdə olmaz. Çox nadir olar. O zaman hər kəs Mehdi (ə.s) hökmündə olar, hər kəs İsa Məsih hökmündə olar. Elə bir şey olmur. Təslim olmuş olurlar. Amma Allah onu iman olaraq qəbul edir.

Xoşbəxtliyin mənşəyi imandır. İnsan imanla xoşbəxt olar. Çünki şükür edir, həmd edir, hər vəziyyətdə Allaha təslim olur, hər şeydə xeyir axtarır. Küfr ruhunda insanlar hər şeydə şər axtarar. Küfr ruhunda hər şeydə pislik, fitnə, qarışıqlıq axtarar.

İman olmasa nur, ağıl, dərinlik, ehtiras və sevgi də gedər; yerdə dəhşətli bir boşluq, mənasızlıq, imansızlığın çirki və onun mərhəmətsiz görünüşü qalar. Başqa bir şey qalmaz. Allah əsirgəsin.

Allah imandan qaynaqlanan görünüş verir. Möminlərə xas bir xüsusiyyətdir. Səhabələrin hamısı, Rəsulullah (s.ə.v) heybətli idi, şeyximiz, sultanımız Şeyx Nazim Həzrətləri heybətlidir.

Dəccaliyyətə qarşı ancaq güclü imanla mübarizə apara bilərik. Bundan başqa yolla mübarizə aparılmaz. Çünki dəccal gecə-gündüz darvinist, materialist təhsillə özünü hazırlayıb gücləndirir. Biz də onlara qarşı Quran möcüzələri ilə, iman həqiqətləri ilə silahlanıb mübarizə apara bilərik.

İnsanların ən çox xoşbəxt olacaqları, onları ən çox gözəlləşdirəcək, bərəkət, bolluq gətirəcək, sevinc gətirəcək, cənnətin də sonsuza qədər ən böyük gözəlliyi olan, Allaha iman; ən böyük nemət odur və Allaha imanın verdiyi bir gözəllik olaraq da sevgi. Həyatın qaynağıdır bu, həyatın səbəbidir.

İman əhlinə qarşı insanların ürəyində bir nifrət olar. Məsələn, küfr içində olan bir insanla danışarkən hörmətli olarlar, dəyər verərək danışarlar. Amma mömin olduğunda, daxilində qəribə bir şeytani nifrət duyur. Allaha sığınılması lazım olan bir şeytani instinktdir. Bu möminin təbii ki, çox lehinə olan bir şeydir. Möminlərin oturduqları yerdə hər dəqiqə, hər saat savab qazanmalarını təmin edər.

Bir qisim insanlar müsəlmana qarşı çox pərvazsız və rahat ola bilirlər. Halbuki, əsas möminlərə sevgi və hörmət edilməsi lazımdır. Küfr içində olanlara, qurtarmaq məqsədiylə şəfqət göstərərsən.

İnsan Allahın sənətindən yorulmaz. Allahın sənəti eşqlə araşdırılmalıdır. Necə ki, çiçəyini, pişiyi, gözəl bir uşağı necə eşqlə araşdırır, sevirsinizsə Allahın sənəti olan hüceyrəni də eşqlə araşdırmalısız.

İnsanlar, hüceyrəni, xromosomları, vakuolları, sitoplazmanı yorulmadan və diqqətlə araşdırmalıdırlar. Çünki Allah bizim xoşumuza gəlsin deyə Allahın yaradılış sənətini görək deyə yeri, göyləri və onlar arasındakıları yaratmışdır.

HÜCEYRƏNİN İÇİ NYU-YORK ŞƏHƏRİ İLƏ MÜQAYİSƏDƏ DAHA QARIŞIQDIR. Bir hüceyrənin içi bir neçə detaldan ibarətdir. İnsanların əslində nəfəsi kəsilib, Allaha səcdə etmələri lazımdır.

Şeytan "hər şey təsadüf" deyir; "atomlar, hormonlar, hüceyrə, siz də təsadüfən meydana gəldiniz" deyir. "Təsadüfən meydana gələn bu insanlar bütün şəhərləri meydana gətirdi" deyir. Bəziləri də "doğru söyləyirsən, ey şeytan" deyirlər. ŞEYTAN DÜNYANIN 99/100-na BÖYÜK BİR OYUN OYNADI, ONLARI ƏLƏ SALDI, ONLARI HİPNOZ ETDİ, TƏLQİN ETDİ VƏ ONLARI İNANDIRDI .

Xromosom İstanbul şəhərindən daha kompleks quruluşa sahibdir. Diqqət yetirilsə, Darvinistlər hüceyrə və zülal mövzusuna heç girmirlər. Çünki bunu açıqlaya bilmirlər. Bu haqda məlumatı olmayan birinə də asanlıqla təsir edə bilirlər.

Hüceyrəyə daxil olan İstanbul şəhərinə girmiş kimi olur. O qədər əhatəlidir. Sırf tək bir hüceyrədən belə Allahın varlığını qəti şəkildə anlayarsan.

Hüceyrələrin atomları tək-tək tutması, tam ehtiyacları olan nisbətdə dəmiri, sinki, kalsiumu alması başlı-başına bir iman həqiqətidir.

İnsanlar ülfət dənizinin içində üzür. Bu ülfət dənizindən çıxıb, bəsirətlərini, fərasətlərini açıb bu bəladan xilas olmalıdırlar. Yoxsa insan sırf hüceyrədəki möcüzəni öyrənsə heyrətamiz imana sahib olar. Peyğəmbər imanı kimi olar imanı. Lakin bəsirət bağlanıb.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.

Hüceyrə barəsində məlumatı olmayan bəzi insanlar təkamülün ola biləcəyini düşünür. Halbuki hüceyrəni, zülalın quruluşunu nəzərdən keçirsə, təkamülün texniki cəhətdən qeyri-mümkün olduğunu görər.

Hüceyrədə heyranedici xüsusiyyətlər var, lakin insanların çoxu çox az düşünə bilir. İnsan ən çoxu bir və ya iki mövzunu yadda saxlaya bilər. Hüceyrənin daxili ucsuz-bucaqsız bir kainat kimidir və möhtəşəm dərəcədə kompleksdir. Hüceyrənin təfərrüatlarının öyrənilməsi dinsizliyə ən böyük zərbə oldu.

Allah bir detal, hikmət yaradarkən mömin: "Biz Onun elminə bələd olamaya bilərik. Amma O bizim hər şeyimizi bilir. Biz Ona təslim olmuşuq"―deməlidir.

Allaha həmişə hüsnü-zənn etməliyik. Məsələn, necə insan sevdiyinə qarşı hüsnü-zənn edirsə, Allaha qarşıda mütləq hüsnü-zənn edilməlidir. Bir şey olanda mömin: "Allah xeyirlə yaratmışdır. Allah doğrusunu bilir"―deməlidir.