Adnan Oktar A9 TV; 12 avqust 2014

Bir qisim insanlar müsəlmana qarşı çox pərvazsız və rahat ola bilirlər. Halbuki, əsas möminlərə sevgi və hörmət edilməsi lazımdır. Küfr içində olanlara, qurtarmaq məqsədiylə şəfqət göstərərsən.

Müsəlmanlar qüvvə və ləyaqəti Haqda axtarması lazımdır. Həqiqi möminə şərəf gözüylə baxmaq lazımdır. Hörməti ona göstərmək lazımdır, küfrə deyil.

Yaradanın gücü nəfəs kəsicidir, amma imanın nuruyla baxana. Qəflət gözüylə baxan gündəlik hadisələrin acısıyla məşğul olur. Yeməyini yeyə bildimi, yata bildimi, işləri yolunda gedirmi, filankəslə qısqanclıq rəqabəti varmı? Boş işlər.

Bitkilər və heyvanların hamısında Allahın təcəllisi vardır. Məsələn, bitki deyirsən, amma onun xromosomu fövqəladə bir gücə sahibdir.

İnsanların ən çox xoşbəxt olacaqları, onları ən çox gözəlləşdirəcək, bərəkət, bolluq gətirəcək, sevinc gətirəcək, cənnətin də sonsuza qədər ən böyük gözəlliyi olan, Allaha iman; ən böyük nemət odur və Allaha imanın verdiyi bir gözəllik olaraq da sevgi. Həyatın qaynağıdır bu, həyatın səbəbidir.

“Haqqəl yaxın” dərəcədə iman hər kəsdə olmaz. Çox nadir olar. O zaman hər kəs Mehdi (ə.s) hökmündə olar, hər kəs İsa Məsih hökmündə olar. Elə bir şey olmur. Təslim olmuş olurlar. Amma Allah onu iman olaraq qəbul edir.

Küfr, mənfəəti olduğu müddət ərzində dost olar. Mənfəəti bitdiyi an sənə düşmən olar. Amma müsəlmanlıqda elə deyil. Müsəlmanlıqda səbir, şəfqət var.

Küfrə etina etmək olmaz. Küfrdə dinclik, vəfa, həqiqi yoldaşlıq olmaz. Mənfəəti bitdiyində səni sərf edər, səni yandırar. Vəfasızlığın yayıldığı ağrılı bir dünyada yaşayarsan. Səhər qalxdığında belə sənə namərdlik edə bilər. İki saat sonraya belə zəmanətin olmaz. Küfrdə iki saat sonra tam fərqli adamla qarşılaşa bilərsən.

Küfrdə möhkəmlik yoxdur. Adamla danışırsan, bir də görürsən ki, gedib pislik edir. Kənarda azğınlıq, manyaklıq edir. Mənfəəti qədər yanaşmaq istəyir. Mənfəəti olmayanda gəlmək istəmir. Halbuki, İslamda mənfəət olmadan Allaha qul olmaq var. Ona görə çox gözəl yaşanır. Davamlı olaraq sabit bir düzgünlük var.

Küfrdə müsbət bir şey yoxdur. Küfrdə pozğunluq, pislik, vəfasızlıq, namərdlik, fırıldaq, etikaya yaraşmayan danışıq var, dözümsüzlük var. Adamlarla danışırsan, iki saat sonra baxırsan namərd bir hərəkət etmişdir. Müsəlmanda sabitlik var. Allah rizası üçün iki saat sonra da, on gün sonra da, bir il sonra da, iyirmi il sonra da möhkəmdir

Küfr əhli müsəlman üçün "ağılsızdır" deyər bəzən, haşa. Halbuki, ən ağıllı hərəkəti o edir. Ömrünə bərəkət gəlir, içi gözəlləşir, xarici görünüşü gözəlləşir. Bədən orqanları belə bayram edər, daxili, zahiri bayram edər. Gözü, üzü məna qazanar, ağılı, bəsirəti açılır, danışığı gözəlləşir.

Öz üzərində daha çox çalış. Elmini daha da artır. Quranı əzbərlə. Hər bir Quran ayəsini həyata keçirməyə çalış. Səbrini, iradəni gücləndir. İmanını gücləndir. Təvəkkülünü genişləndir, artır. Dünya sevgisini ürəyindən çıxart. Cahil cəmiyyətin Allahı unutmasından təsirlənmə.

Oturduğu yerdə insan imanlı olmur. Öyrədilsə imanlı olur. Din təlqinlə qaimdir.

Ediləcək ən gözəl şey insanların iman şüurunu artırmaq: iman həqiqətlərini, Quran möcüzələrini izah etmək, düşüncələrinə, ruhlarına, ürəklərinə Allah sevgisini daha yaxşı aşılamaqdır.

Din dərsi gəncləri dindar etməz, yalnız ümumi mədəniyyət qazandırar. Amma din dərsində iman həqiqətləri izah edilsə, Quran möcüzələri izah edilsə, o zaman imanlı bir gənclik, dindar bir gənclik olması məqsədi qoyulmuşdur demək mümkündür.

Hüceyrə Allahın sənətinin çox ehtişamlı təcəlli etdiyi yerdir. Bir insanı hüceyrənin içinə atsan, orada bir həftə yaşasa alını səcdədən qalxmaz. Oraya girə bilmədikləri, o aləmi görə bilmədikləri üçün insanların imanları zəif olur.

İnsan xromosomun içinə girsə, o sistemi görsə ömür boyu alını səcdədən qalxmaz. Hüceyrənin içinə girib özü zülal olsa, orada bir funksiya yerinə yetirsə, gəzsə həyəcandan nəfəsi kəsilər, Allaha aşiq olar. Oraya məhz qəlblə, ağılla girmək lazımdır.

Emosionallıq və romantiklik imanın polad zirehinə dəydikdə birbaşa yerə düşər. Rasionalizmin şəffaflığı, gözəlliyi, aydınlığı ortaya çıxar, eynilə kristal kimi.

Söyüş söymə azadlığı olabilməz. Bir insan: "Mən təhqir etmə azadlığına sahibəm, söymə azadlığına sahibəm" deyə bilməz. Söz azadlığına sahibdir, amma söyüş söymə azadlığı olmaz. Mən söymək istəyirəm desə, qanun da yaxasından yapışar.

PKK bir tərəfdən qudurur, münafiqlər bir tərəfdən qudurur, kafirlər də başqa bir tərəfdən qudurur. Hər cür alçaqlığı etməyə çalışırlar. Müsəlmanlar çox təmkinli, ağıllı hərəkət etməlidirlər. Hər bir hadisəni Allahın yaratmış olduğunu bilməlidirlər. Hamısında bir xeyir görüb, gözəl bir səbirlə, ağıllı surətdə Qurana görə hərəkət etməklə qarşılıq verməlidirlər.

Müsəlman küfrlə, İslam arasında seçim etmək vəziyyətində qalsa İslamı seçər. Bitərəf olmaz; o zaman kənar olar. Amma mömin qardaşlarının arasında əgər seçim etməli olsa o zaman kənarda dayanar.

CHP-nin çox dindar olması lazımdır. Dindar olsa, iqtidar olar. Bu qədər. Qarışıq bir şey yoxdur. Müasir dindar. Hər kəs fəxr edər. Ta 1800-cü illərdən qalma solçuluqla, 2014-cü ildə siyasət yürütmək mümkündürmü? 1800-cü illərdə qalmışdır o düşüncə.

Dünyada yaxşılar, sevənlər, sevgini axtaranlar hər yerdə bir-birini axtarıb tapmalıdır. Bunu sürətləndirmək lazımdır. Dəhşəti, terroru, anarxiyanı istəyənlər bir-birlərini tapırlar; qoruyub mühafizə edirlər, hər yerdə dəstəkləyirlər. Amma sevgini müdafiə edənlərin bir çoxu bundan xəbərsizdir. Sevgini müdafiə edənlərin bir-birləriylə çox yaxşı əlaqədə olması lazımdır, bunun üçün çox məşğul olmaq lazımdır.