Adnan Oktar A9 TV; 6 iyul 2013

İhvan, qatı dinçiliyə əsaslı şəkildə rəftar göstərməlidir.

Qardaşlarımız Misirdə həbslərin olmaması üçün ərizə yazsınlar.

İhvan nifrəti qətiyyən qəbul etməsin. Məhəbbətlə, sevgi ilə davranmağı hədəfə alsalar çox gözəl olar.

Yəhudilərə, xristianlara qarşı qəzəbli olmaq günahdır.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

İsraili dəstəkləmək Quran əxlaqından irəli gəlir. Çünki Qurana əsasən İsrail orada olacaq. Ayədə bildirilir, onların vətəni oradır.

Misirdə İsrailə qarşı da şəfqət siyasəti göstərilməlidir. İsrailə əbəs yerə mənfi münasibət bəsləmək dinə uyğun deyil. Əhli-kitaba qarşı şəfqət Quranın əmridir.

Misirin yəhudilərə sevgi ilə yaxınlaşması və İsraillə dost olması lazımdır. Lakin eyni zamanda ölkədəki Ortodoks müsəlmanların da rahat yaşaması lazımdır. Yəni hər inanca mənsub insana şəfqət və hörmət göstərilməlidir.

Əxlaqı Allah müəyyənləşdirir. İnsana əxlaqı öyrədən Allahdır. Biz Allah öyrətdiyi üçün əxlaqı bilirik. Haşa, Allaha əxlaq öyrətməyi istəmək çox böyük ağılsızlıqdır. Haşa Allaha, Qurana din öyrətməzlər.

Allahın Quranda bildirdiyi kimi insanların bir çoxu cahil və zalımdır. Bunun aradan qaldırması üçün Quran əxlaqı yayılmalıdır.

Biz İslama, Qurana bağlı olduğumuz üçün ruhumuzda dərin eşq var. Vətəni, milləti, dövləti sevirik. Səhv yolda olanlara da icazə vermərik.

Hər inanca mənsub insana şəfqətlə yanaşmaq müsəlmanlığın vəzifəsidir.

Misirdə ilk atılacaq addım Mursinin dərhal sərbəst buraxılmasıdır. Mursi idarəçiliyi ilə Misirdə müşavirə şurası qurub seçkilərə qədər Misiri ortaq ruhla idarə edə bilərlər.

İhvanın əsas siyasəti qadına və sənətə əhəmiyyət vermək olmalıdır. İhvanın sürətlə keyfiyyət və estetikaya əhəmiyyət verməsi tam şəkildə hiss olunmalıdır.

Misirdə olan zərbəni şirin göstərmək siyasətindən əl çəksinlər. Zərbənin şirini olmaz. Zərbə zərbədir.

Misirdə müsəlmanlar zülm içindədirlər. Biz, təbii ki, onları xilas etmək üçün çıxış yolları axtarırıq.

Hər kəsə ağılla, imanla, sənətlə, keyfiyyətlə, elmlə, sevgi ilə yanaşmaq üslubu İhvana yaraşar.

İnsanlara qatı dinçiliyin vəhşi nəticələrini “İslam budur” kimi tanıtmaq zülmdür.

Qatı dinçilik sistemi içində qadınlar və uşaqlar xoşbəxt ola bilmir. Qadın rahat və dincdirsə o cəmiyyət də dinc olar.

Peyğəmbərimiz (s.ə.v) Misirdə böyük hadisələr olacağını hədislərində dəqiqliklə bildirmişdir.

Misirdə yaşananlar ən incə məqamlarına qədər qədərdə müəyyəndir. Bütün güc Allahın əlindədir. Orada ürəkləri uyğunlaşdıracaq olan Allahdır.

Hadisələrə tam siyasət gözü ilə deyil, iman gözü ilə baxmaq lazımdır. Bütün “dərin dövlətlərə”, insanlara və hadisələrə hakim olan Allahdır. Hadisələrin ledün cəhətlərini yaxşı görmək lazımdır.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

İhvan canımızdır, "Quran yetərli" deyərək sevgi dolu və səmimi olsa düşdüyü vəziyyətdən xilas ola bilər.