Adnan Oktar A9 TV; 3 sentyabr 2016

Yaxın Şərq bataqlığı deyirlər, bu yanlış ifadədir. Yaxın Şərq imtahan sahəsidir deyilməlidir. Bura peyğəmbərlər torpağıdır, Mehdi Məsih buradan çıxacaq, imtahan buna görə çətin olur.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

İmtahanın sirrini ətraflı izah etmək lazımdır. Kafirlər və münafiqlər imtahan üçün xüsusi olaraq yaradılıb. İmana hücum edəcək fəlsəfələrin olması, dərin dövlətlərin zalımlığı, münafiqlərin ayrı, kafirlərin ayrı mövcudluğu imtahanın mükəmməlliyidir.

Allah istəsə İslam əxlaqı dərhal hakim ola bilər, lakin müddət uzun olur, niyə? Çünki imtahan əhatəli olsun, savabı çox olsun deyə.

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

Adi imtahan olunsaq dünyanın da, cənnətin də mənası olmaz. Təhsilin mükəmməl olması üçün Allah hər cür şəraiti yaradıb. Yaralanmadan, xəstələnmədən, əziyyət olmadan asan yaşayıb axirətə getmək olmaz. İmtahan çətin və ətraflı olmalıdır, bu təfərrüatların içində gözəlliyi tapmaq vacibdir.

Eşq əhli olan şiddətli imtahan olunar. Böyük eşq böyük əziyyətlə birlikdə hərəkət edər. Eşqi cılız olanın imtahanı da cılız, zəif olar.

Allah çox sevilmək istəyər. Allah bizi çox sevməyi, bizim də Özünü çox sevməyimizi istəyir.

Axırzamanda insanların mənəvi cəhətdən xəstə olması heyrət ediləcək şey deyil. Mömin onları müalicə etməklə məsuldur, bu da sevgi və səbirlə olar.

Hər şeydən alınan zövqün ən yüksək və ən keyfiyyətlisi cənnətdə olacaq.

Din cənnətdir. Dini cəhənnəm kimi göstərənlərə qarşı həqiqi İslamdan həmişə bəhs edəcəyik.

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

Çətinliklər olmadan insanlar diqqətini Allaha yönəldə bilmirlər. Axırzamanın bu böyük çətinlikləri də insanların tərbiyəsi üçün zəruridir.

Önümüzdəki illər çox böyük hadisələr baş verəcək. Heç kim təlaşlanmasın, həyəcanlanmasın, sonu mütləq xeyirlə bitəcək inşaAllah.

Azadlıq, Allah eşqiylə qəlbi sevgi dolu, mutmain (rahat) olan insanın yaşadığı xoşbəxtlik və hüzurdur. Qəlbi mutmain (rahat) olmayan istədiyi yeri gəzsin, küçələrdə olsun istədiyi qədər, azad olduğunu iddia etsin, bədbəxtdir və azad deyil.

Axırzamanın münafiqləri ən şiddətli münafiqlərdir. Möminləri də ən təqvalı möminlərdir. Bir-birlərinə tam ziddirlər.

Allah sevgisi, məşəqqət, səbir, ruhu çox gözəlləşdirdiyi zaman, insan cənnətdə Allahın təcəllisini gördüyü üçün, Allahı sevdiyi üçün çox güclü zövq alır. Buna görə də, dünyadakı hər 5-10 dəqiqə belə təhsil baxımından çox əhəmiyyətlidir.

Allah sevdası, səmimi olan və Allahı dərin eşqlə sevənlərə möcüzəvi nemət kimi yaşadar.

Münafiqin rəzil-rüsvay edilməsi, çox yaxşı tanıdılması, dünyada sanki yaşaya bilməyəcək hala gətirilməsi, hz. Mehdi (ə.s) dövründə olacaq. Buna görə də, hər münafiq o münafiq əlamətlərindən, nifaqdan məcburən imtina etmiş olacaq. Mehdi (ə.s) dövründə heç bir nifaq əlaməti görülməyəcəkdir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Mehdi hikmət elminə sahib olduğu üçün əziyyətin və imtahanın sirrini görür və dərinlikdə, sevgidə önə keçir. Tövratda Mehdinin çəkəcəyi əziyyətlərdən çox ətraflı bəhs edilir. Mehdi çox böyük əziyyətlərdən keçdiyi üçün çox üstün və qiymətlidir.

Allahın sənətini müəllim kimi yox, heyrət məqamında izah etmək lazımdır. Heyrətdən heyrətə düşərək izah etmək lazımdır.

Tayyib hocam bu vətənin övladıdır, bir səhvi olduqda hər kəs söyləyər, tənqidə açıqdır. Lakin mənəvi dəstək vermək, sahib çıxmaq çox əhəmiyyətlidir.

Hz. Əbu Bəkir zərrə qədər də olsa narahat olmadan bütün malını və mülkünü Allah rizası üçün verir, kasıb yaşamağı qəbul edir.

Ənənəvi inanca sahib olanların bəziləri Mehdini qorxuducu, qatı bir insan kimi görürlər. Halbuki Mehdi həlimdir, sevgi insanıdır.