Adnan Oktar A9 TV; 12 yanvar 2017

İngiltərə dərin dövləti sistemi qan və şiddət üzərində qurulmuşdur, lakin ingilis tərbiyəsi, ingilis nəzakəti gözəldir, bunu təcrid etmək olmaz. Biz ingilis alicənablığını, fransız nəzakətini, italyan incəsənətinin estetikasını və gözəlliyini nümunə götürək, Rusiya da götürsün, İran da götürsün.

Qadınları namazdan, dəstəmazdan, İslamdan uzaq saxlamağı sanki mərifət zənn edirlər. Bu anlayış Peyğəmbərimiz (s.ə.v) dövründə yox idi, müşriklər yaratdı. Əvvəlcə qadınları namazdan, dəstəmazdan uzaq saxlamış, sonra da qadınların dini yarımçıqdır deyə cəhənnəmə gedəcəklər demişlər. Bu, şirk zehniyyətidir.

Amerikada incəsənət xadimlərinin Trampa qarşı münasibəti onu seçən milyonlarla insanı heç yerinə qoymaq, hörmət göstərməmək deməkdir. Xalqa hörmət göstərməmək incəsənət xadiminə yaraşmaz. O zaman xalq da incəsənət xadiminə dəstək verməkdən imtina edər, bu daha da böyük qarşılıq olar.

Yol, körpü, bənd inşa edilməsi, incəsənət və azadlıq olmadıqda əksik qalır. Bütün küçələrdə incəsənət olmalıdır, qadınlara azadlıq olmalıdır. İncəsənət və Keyfiyyət Nazirliyinin yaradılması çox mühüm məsələdir. Bu, Türkiyənin mövzuya verdiyi əhəmiyyəti göstərər. Bir addım atılsa arxası gələr.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

Qadının gözəl, cazibədar və cəlbedici olması cinayət də deyil, günah da deyil. Fitrəti pozmaq səhv olar. Qadın qadına, kişi kişiyə bənzəməlidir. Kişi istədiyi kimi yaraşıqlı, qadın istədiyi kimi baxımlı və cazibəli olar. Mühüm olan iffətli olması, hörmət edilməsi, dəyər verilməsidir.

Qadın gözəlliyi və sevgisi dünyadakı ən gözəl nemətlərdən biridir. Qadın sevgisinin insanların əlindən alınması böyük mənəvi bəladır.

İffət və iman bir qadını ən çox gözəlləşdirən nemətlərdir. İmanın nuru bambaşqa təsiredicidir.

İslam Birliyi mövhumatçılığa əsaslanmayacaq. Müasir, keyfiyyətli, ziyalı, incəsənətə əsaslanan İslam anlayışı hakim olacaq.

Sevinc, incəsənət və gözəllik olmayan İslam iddiası, İslamın haşa bitməsi üçün şeytanın oynadığı bir oyun idi. Bu oyunu biz puç etdik.

Qadınlara azadlıq verməyən şirk dinidir. Şirk dini İslam deyildir. Quran dini qadınlara mümkün qədər azadlıq verər. Şirk dinində qadın haşa heyvandan aşağı hesab edilir və mərhəmətsizcə əzilir. Buna görə də şirk dini olan yerdə bərəkət olmur.

Qadınlara ağlasığmaz təzyiq göstərildiyi bir din İslam ola bilməz. Qadınları küçəyə çıxartmır, gülmələrinə icazə vermir, 99%-i cəhənnəmə gedəcək deyirlər. Allahın qullarını əzsən, Allah da səni əzər. Qadınları əzən anlayış İslam deyil. Şirk dinidir. İslamda belə zülm yoxdur.

Bəzi televiziya kanalları inanmadıqları və tətbiq etmədikləri həyatı insanlara təlqin edir, İslamı incəsənətsiz, gözəllik olmayan bir həyat kimi göstərirlər.

Qadınların üzərində böyük təzyiq olur. Mütləq şəkildə qadınlara necə yaşayacaqlarını öyrətmək istəyirlər. Qadınlar vicdanları ilə nə edəcəklərini bilərlər.

İncəsənət xadimlərinin unudulması, dəyərlərinin bilinməməsi çox acı hadisədir. Bir incəsənət xadimi əsla unudulmaz, həmişə gündəmdə saxlanılmalıdır.

Çilə əhli olan insanlar mükəmməl sənətçi olurlar. Qaraçılar da buna görə çox yaxşı sənətçidirlər. Qaraçı olmaq şərəfdir, gözəllikdir. Qaraçı, zənci deyildikdə, təhqir kimi başa düşürlər. Qaraçı da, zənci də gözəllikdir. Hamımız hz. Adəmin övladıyıq.

Türkiyə əgər ultramüasir ölkəyə çevrilsə, Türkiyəni parçalamaq istəyənlərin əlindəki ən böyük silah alınmış olar. Əgər Türkiyə incəsənətin, elmin, estetikanın hakim olduğu, qadın hüquqlarının ən yüksək səviyyədə təmsil edildiyi ölkə olsa əllərindəki fürsəti yox edərik.

Bəziləri öz məntiqlərinə görə kişilərə hər şeyi haqq, qadınlara hər şeyi qadağa hesab edirlər. Qadınların mütləq surətdə baxımsız, çirkin olmasını istəyirlər. Qadına şiddət tətbiq edir, hətta şəhid edir “sevdiyim üçün etdim” deyirlər. Qadını istəmədiyi həyatı yaşamağa məcbur etmək çox böyük zülmdür.

Türkiyəni incəsənət, estetika və keyfiyyətlə gözəlləşdirək. Heç kimin qorxu və gərginlik içində olmadığı bir Türkiyə yaradaq. Düşüncəsi, partiyası, hər nə olsa da, hər kəs tanış olub bir yerə toplansın. Birlik olaq. Qorxuları, narahatlıqları tamamilə aradan qaldıraq.

Qadınların əzildiyi, təzyiq altına alındığı cəmiyyətə Allah bərəkət verməz. Allah zülmə razı olmaz.

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

Qiymətli idmançılar və incəsənət xadimləri heç unudulmamalıdır. Xüsusən tarixdə mühüm uğurlar qazanmış güləşçilərimizə sahib çıxılmalıdır.

Bütün bəzəkləri, bütün əşyaları, bütün gözəllikləri yaradan Allahdır. İncəsənət xadimini, insanı vəsilə edər, lakin əsil yaradan Allahdır.

Hər evin önü çiçəkli, baxımlı olmalıdır. Evlər, paltarlar və hətta insanların bütün həyatları təkcə funksional olur. Tək məqsəd həyatda qalmaq olur. İncəsənət, gözəllik, estetika, keyfiyyət istəyən və həsrət çəkən bir həyat olmadıqda həyatın sevinci və zövqü də olmur.

Təqlidçilik ruhu İngiltərə dərin dövlətinin fəlsəfəsinin əks olunmasıdır. Bu ruhu yaşayan kəslər həmişə eyni olur, bütün xüsusiyyətləri ortaqdır. Təqlidçilik ruhundakı kəslər öz aləmlərində Peyğəmbərimiz (s.ə.v)-ə uyğun olmayan sözlər söyləyirlər, homoseksuallığı dəstəkləyirlər. Bu cür şəxslərin qəribə incəsənət anlayışları var, həmişə təqlidçilik edən ruha sahib olurlar. Öz aləmlərində hər kəsdən üstün olduqlarını düşünürlər. Bunlar türk millətini guya analiz edən, özlərini ucaldan insanlardır. Hamısı rumilik fəlsəfəsini qəbul etmişdir, homoseksuallığı dəstək verənlərdir.