Adnan Oktar A9 TV; 1 noyabr 2014

İnsan nəticədə aciz bir varlıqdır. Ölüb qəbirə gedir. Sevdiyi kimsə öldükdə özünü itirir; "Ölürəm, yanıb yaxılıram, məhv oluram" deyir. Qəbirdəki vəziyyətinə nə deyəcəksən? Görəndə qorxub qaçır. Bəs onda kimi sevmək lazımdır? Allahı. Sənə o görünüşü göstərən kimdir? Allahdır.

Gözəllik Allahındır, gözəllik Allaha aiddir. İnsanlar necə də Allahı yaddan çıxartmağa meyillidirlər. Allah insana: "Zaluma və cehula", yəni, "zalım və cahil" deyir. Bütün gözəllik Ona aiddir, buna baxmayaraq, hələ də sevgini, gözəlliyi kişiyə verir, qadına verir.

Şəhidliklə fəxr edilər. Şəhidlik şərəfdir, nemətdir, yas saxlayacaq bir şey yoxdur. Müşriklər yas saxlayarlar. Kafirlər ağlayar, Allah ayədə: "Az gülüb çox ağlasınlar" deyir. Bəs sən nə deyirsən? "Gülməyin" deyirsən. Allah bunu müşriklər üçün söyləyir. Müsəlman gülər və Allaha olan eşqindən ötrü ağlayar.

Şirk insanı məhv edər. Cinayətə də yol açar, adam öldürməyə də, öz canına qıymağa da, yandırmağa da, dağıtmağa da səbəb ola bilər. Amma şirkdən xilas olsa, nurlu bir adam olar. Məhz bunu da imam Mehdi (ə.s) təmin edəcək inşaAllah.

Hər hansısa bir silahdan istifadə etməklə bir fikri dəyişdirməyi qəbul etmirəm. Mən PKK-ya qarşı daim fikri mübarizə aparılmasının lazım olduğuna inanıram. Məsələn, biz danışırıq, bir fikirdir bu, fikri bir mübarizədir.

Biz qanla, silahla hər bir şeyin həll olacağına inanmırıq. Qana, silaha, əzaba, iztiraba qarşıyıq. Sevgiylə, sülhlə, qardaşlıqla, imanla, Quranla insanların çətin vəziyyətdən xilas olacağına inanırıq.

Sevgidən danışmaqdan bezmək olmaz. İsrarla sülh, israrla sevgi. Məsələn, iki il sevgidən bəhs edir, üçüncü il yorulur, imtina edir. Sülhdən beş il bəhs edir, altıncı il isə dözə bilmir. Olmaz. Ömrünün sonuna qədər sülhü və sevgini müdafiə etməlidir. Bu fərzdir.

Allah şərik qoşanların qəlblərindən sevgini çəkib alır. O qaçır, o qovur, o qaçır o qovur. Halbuki, sevgisini, gözəlliyi birbaşa Allaha yönəltsə, Allaha dua etsə Allah ona nəsib edər.

Sevirsənsə, əvvəlcə Allahı sev, Allahı sevdiyini göstər. Həyatına əks olunsun. Boşyerə “sevirəm” demək olmaz. Səndə coşğulu iman əlaməti olmalıdır. Onda Züleyxanı axtarmağına ehtiyac qalmaz. Allah Züleyxanı sənin yanına göndərər.

Sən zülmü öyrətsən, adam da zülmü tətbiq edər. Mərhəməti, ağılı, danışmağı, razı salma metodlarını, elmi dəlilləri öyrət. Hamısından da çox Allah sevgisini, Allah qorxusunu öyrət.

Sevdiyin adamı əgər bütləşdirsən, Allaha şirk qoşsan, ayrı müstəqil bir varlıq zənn etsən, Allah səndən ayırar. Amma Allahın təcəllisi olaraq görsən, Allah təcəlliləri səndən uzaqlaşdırmaz. Bütləşdirmənin cəzasıdır bu.

Sevgi ilə hər yerdə gözəllik olar. Məsələn, mahnı sevgi ilə oxunursa, sevgi ilə ifa edilirsə, hədsiz ləzzət verir. Yəni bir şeyə sevgi daxil olduqda mükəmməl olur. Eşqlə danışarsa biri, çox gözəl dinləyərlər. Sevgi ilə baxarsa zövq alınar. Çiçəyə belə sevgi göstərdinmi, çiçək çox şirin olar.

Gözəlliyi göstərən Allah, bir görüntü olaraq göstərir. Bütün hamısı Allaha aiddir, sevdirən Allahdır, göstərən də Allahdır. Bütün sevgini Allaha yönəlt. Allahı sevmir amma insanı sevir, ondan sonra da "vay yandım" deyə başlayır.

Sən Allahı sevsən, sevdiyin görüntü də sonsuza qədər yox olmaz. Heç bir varlıq yox olmaz. Mövcud olan bir şey bir dəfə yarandısa, artıq bir daha yox olmaz. Mümkün deyil, texniki baxımdan da mümkün deyil.

Qatı dinçi ayrıdır, müsəlman ayrıdır. Şirk qoşan ayrıdır, şirk qoşmayan müsəlman ayrıdır. Mən şirk qoşanı tənqid edirəm. Özü də bilmədən müşrik olanı tənqid edirəm. Qatı dinçi olanı tənqid edirəm. Müsəlman Qurana tabe olana deyilir.

Dünyada həqiqətən vəhşilik və sevgisizlik hakimdir, heyrət ediləcək dərəcədə insanlar bir-birlərini sevmirlər. Bu bəlanı insanları sevənlər, Allahı sevənlər aradan qaldıracaq.

Şirk meylinə qarşı daim ayıq-sayıq, diqqətli olmaq lazımdır. Xəstəliklərdə, universitet imtahanlarında, yoldaş seçimində hər şeydə bu şirk başlarına bəla olur. Halbuki, daim Allah ilə əlaqədə olub, daim dua etməklə Onunla iç-içə olmalıdırlar. Onda bərəkət çox olar.

Türkiyənin dünyanı düzgün məlumat vermə agentliyi olsun. Bu agentliyin məqsədi yalnız səhv məlumatları düzəldib doğrusunu insanlara çatdırmaq olmalıdır. Həm radio, həm televiziya, həm də qəzet formasında informasiya yayan bir yer. Doğru Məlumat Vermə Agentliyi. Dünyadakı səhv məlumatları da düzəltsin, Türkiyədəki səhv məlumatları da düzəltsin.

Sülhün təmin olunması üçün hər kəslə ittifaq yaratmaq lazımdır. Masonlarla, Tampliyerlərlə, Neoconlarla, CFR qrupu ilə, ağlınıza gələn hər kəslə. Çünki ağılın yolu birdir.

Allah diqqətimizi açsın, Özünə daha çox bağlanmağı və sevgimizi yalnız Ona yönəltməyi nəsib etsin. Ağlımızı gücləndirib, Allahın dəlillərini yaddaşımıza həkk edib; şüurlu və səmimi bir şəkildə imanımızı gücləndirib davam etdirsin. İman zəifliyi çox təhlükəlidir, Allah qorusun.

Kürd mübarəkdir, möhtərəmdir, dindardır, alicənabdır. Əxlaqlı bir varlıqdır. Kürd deyildikdə, mütləq alicənab bir insanla qarşılaşacağımdan əmin oluram. İrqçi məqsədli olaraq deyil, alicənab insanlardır, təqvalı insanlardır. Təqvalarından ötrü üstündürlər. Ona görə sevirəm.

Avropa və Amerikanın istədiyi yol xəritəsi; Abdullah Öcalanın istədiyi yol xəritəsi, yəni PKK-nın istədiyi yol xəritəsidir; o da Cənub-Şərq bölgəsində böyük bir ərazinin Türkiyədən ayrılaraq “PKK kommunist-Stalinist” dövlətinə verilməsi və Abdullah Öcalanın bu dövlətin prezidenti vəzifəsinə gətirilməsidir. Məsələ budur. Sülh mərhələsindəki məqsəd budur.