Adnan Oktar A9 TV; 6 may 2016

Hər yer möcüzə doludur. Mömin, bu möcüzələri yadda saxlaya bilmək üçün, Allaha dua etməlidir. Möcüzələrdəki mükəmməlliyin həyəcanını və şokunu yaşamaq üçün dua etməlidir. Həmçinin bu məlumatın meydana gətirdiyi təqdir hissini Allaha təqdim edə bilməyi Allahdan istəməlidir.

İnsan sanki ülfətin içində üzür. Bu ülfətin aradan qalxması üçün Allaha dua etməlidir. "Ey Rəbbim ağlımı aydınlaşdır, bu möcüzəni görüm. Beynim bunu hazırda mənə, mənim istədiyim kimi hiss etdirmir" deməlidir. Məsələn, yazı var, oxuya bilmir; bunun kimi. Mömin; "bəsirətim açılsın, bu möcüzənin həyəcanını yaşayım, Səni layiqincə təqdir edim ey Rəbbim" deməlidir.

İman olmazsa nə olar? Heç nəyin dəyəri qalmaz. İman insana heybət və gözəllik verər. Allah sevgini imanla meydana gətirir.

Əsas təqvadır. Möminin gözəl olduğuna dair, imanından qaynaqlanan bir mühakimə meydana gəlir, buna görə onu çox sevirsən. Allah onu sənə bundan ötrü o qədər gözəl göstərir.

İnsan imanla gözəl olar, qadın da, kişi də imanla gözəlləşər. Bir insanı ağlından, imanından, təmizliyindən, dərinliyindən ötrü çox sevərsən.

İmansız, dinlə lağ edən, İslama qarşı olan insanlar olmazsa sən imtahan oluna bilməzsən. Olmasa belə Allah bunu yaradar. Bu olacaq, sən bununla müqayisə olunacaqsan, bu yolla dəyər qazanacaqsan, bu olmadan mümkün deyil.

Şok edici, heyrət verici məlumat qarşısında diqqət və təqdir gücünün zəif qalması insan beyninin, ruhunun acizliyidir. Bunu iradə toplaya bilmir. Yoxsa normalda nəfəsi kəsilməli, çox təəccüblənməlidir. Bu acizliyin üstəsindən gəlmək üçün dua edilməlidir.

Tarix təkrarlanmır. Sistem həmişə irəliyə doğru gedər və yeniliklər gətirər, hər dövrdə dəyişər. Sən romantik bir tarix anlayışı ilə eyni şeyləri etməyə cəhd etdiyin zaman əzilərsən, məğlub olarsan. Dövrümüz elm, ağıl, sevgi, iman dövrüdür. Sevgiylə, imanla qalibiyyət gələr. Başqa şeylə nəticə ala bilməzsən.

İman həm dünyada, həm də axirətdə nemətə nail edən gözəllikdir. Lakin biz Allaha dünyada və axirətdə nemət versin deyə iman gətirmirik; varlığı açıq həqiqət olduğu üçün qəti olaraq, haqqəl-yakin iman gətiririk, aşiq olduğumuz, çox sevdiyimiz üçün iman gətiririk. Allahın rizası üçün yaşayırıq.

Hüceyrələrin atomları tək-tək tutması, tam ehtiyacları olan nisbətdə dəmiri, sinki, kalsiumu alması başlı-başına bir iman həqiqətidir.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.

Hüceyrə barəsində məlumatı olmayan bəzi insanlar təkamülün ola biləcəyini düşünür. Halbuki hüceyrəni, zülalın quruluşunu nəzərdən keçirsə, təkamülün texniki cəhətdən qeyri-mümkün olduğunu görər.

Hüceyrəyə daxil olan İstanbul şəhərinə girmiş kimi olur. O qədər əhatəlidir. Sırf tək bir hüceyrədən belə Allahın varlığını qəti şəkildə anlayarsan.

Hüceyrədə heyranedici xüsusiyyətlər var, lakin insanların çoxu çox az düşünə bilir. İnsan ən çoxu bir və ya iki mövzunu yadda saxlaya bilər. Hüceyrənin daxili ucsuz-bucaqsız bir kainat kimidir və möhtəşəm dərəcədə kompleksdir. Hüceyrənin təfərrüatlarının öyrənilməsi dinsizliyə ən böyük zərbə oldu.

Allah tək bir hüceyrədən danışan, eşidən, iyləyən, mühakimə qabiliyyəti olan, sevməyi bacaran, hiss edən bir insan meydana gətirir. Heyrətamiz möcüzədir. Çöldə səs və musiqi yoxdur, təkcə titrəyiş vardır. Təkcə insan beyni içində musiqini musiqi kimi qəbul edir.

Bir kompyuter necə təsadüfən meydana gəlməzsə, hüceyrə və zülal da təsadüfən meydana gəlməz. Bəzi darvinistlərin sırf etibar üçün təkamülü müdafiə etmələri səhvdir.

Yaradılışı müdafiə etmək “mütərəqqilik”dir. Paleontologiya elmindən istifadə edərək, fosillərin dəyişmədiyini, canlıların təkamül keçirmədiyini sübut edirik. Darvinin dövründə mikroskoplar çox sadə idi. Darvin hüceyrə barədə “su dolu kiçik şar” deyirdi, halbuki hüceyrə şəhər kimi çox mürəkkəb quruluşdadır.

Ülfətin bu istiqamətdən faydası ola bilər. Allah tərəfindən insanlara Allah qorxusundan həlak olmamaları üçün verilmiş bir xüsusiyyətdir. Ülfət insanlarda psixoloji sakitləşməni təmin edir. Yəni insan üçün əsəb dərmanı kimidir. Psixoloji sakitləşdirici kimidir.

Ülfət çox təhlükəlidir. Ülfət müsəlmanın ən çox özündə mübarizə aparacağı şeylərdən biridir. Məsələn, hüceyrənin quruluşunu araşdırır, nəfəsi kəsilir. Amma beyninin arxasında böyük bir ülfət dalğası gələn məlumatı dayanmadan sovurar. Davamlı yox edər.

Nə AKP parçalanar, nə də MHP. Boşuna çırpınmasınlar. İkisi də dağ kimi ayaqdadır. İkisinə də heç nə olmaz. AKP də, MHP də iman əhli olan insanlardan təşəkkül edir. İngiltərə dərin dövlətinin bəzi tərəfdarları ağızlarından sellər axaraq həyəcanla partiyaların parçalanmasını gözləyirlər. Boşuna gözləyirlər.

CHP bütün müsəlmanları sevsin, təşəbbüskar olsun. Qatı, kommunist zehniyyətli bəzi insanlar CHP-nin ruhunu, bərəkətini, səhhətini pozur. Buna icazə verməsinlər.

MHP-də şüur var. Ülkücülər terror və anarxiyaya şiddətlə qarşıdır, fitnədən qaçarlar. Dövlətə sədaqət əsasdır. Buna görə MHP-yə heç nə olmaz.

Allah həmişə sadə üslubdan istifadə edər, insanlarla həmişə nəzakətlə rəftar edər, bunun üçün heç bir peyğəmbərin də qəlbini qırmamışdır. Allah, nə dedilərsə uyğun dillə, sadə dillə cavablandırmışdır.

Sən PKK-nı bir yerdən sürüyüb atdığın zaman, PKK təhlükəsi aradan qalxmır. Bir ay sonra yenə doluşur oraya. Çünki fikirlə mübarizə aparılmır. Darvinizm, materializm əzilmədikdən sonra, bu həmişə yerin altından qaynayacaq. Kökü qurudulmalıdır. Kökü darvinizmdir.

Yeni konstitusiyada muxtariyyət və federasiya mövzusu tamamilə dayandırılmalıdır və yerli rəhbərliklərin səlahiyyətlərini artırma mövzusu da tamamilə dayandırılmalıdır.