Adnan Oktar A9 TV; 24 fevral 2017

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

Peyğəmbərimiz (s.ə.v) dövründə məzhəblər yox idi. İndi 4 məzhəbin fərzləri, halalları və haramları ayrıdır, 4 ayrı din yaratmış vəziyyətdədirlər.

Döymə haram deyil. Dəri altına edilən bir əməliyyat olduğu üçün qüsl dəstəmazına mane olmaz.

Düşüncələrinə görə qədəhi, meyvə suyu şüşəsini, ətiri, hər şeyi haram edirlər. Halbuki Allah, yalan söyləyib halalı haram etməyin deyə buyurur. (Nəhl surəsi, 116: Dilinizin uydurduğu yalana əsasən buna halal, ona haramdır deməyin. Çünki Allaha qarşı yalan uydurmuş olursunuz. Şübhəsiz ki, Allaha qarşı yalan uyduranlar nicat tapmazlar.)

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Bəzi insanlar təqdim edilən bir imkan olduqda ondan sonuna qədər istifadə etmək istəyirlər, bu nəzakətsiz davranışdır və israfdır. İsraf haram olar.

Homoseksuallıq Allahın haram etdiyi iyrənclikdir. İnsanların inancının tələbi olaraq iyrəndiyi bir şeyi zorla qəbul etdirmək çox böyük zülmdür. Bu səbəbdən, kilsələrdə rahiblərə təzyiq göstərərək homoseksualları evləndirin demək, rahiblərin inancına zidd olan bir şeyi zorla qəbul etdirmək qəddarlıqdır. Homoseksuallığa qarşı olanları cəzalandırmaq zülmdür. Bir insanı inancına zidd bir şeyə sürükləmək ən təməl insan hüquqlarına ziddir.

Dörd ayrı məzhəbin dörd ayrı haram və halalları var. Haram və halal təkcə Quranda bildiriləndir. Dörd ayrı din, dörd ayrı haram və halal olmaz.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

Kitab əhlindən, yəni xristian və ya musəvi qadınla müsəlman kişi evlənə bilər. Qurana görə bu halaldır.

Musiqi dinləyən, rəqs edən cəhənnəmə gedər anlayışı Quranda yoxdur. Bu anlayış dünyanı cəhənnəmə döndərir. Allahın halal etdiyi haram edilməz.

Allah haramları Quranda dəqiq olaraq bildirmişdir. Allah adından hökm vermək zülmdür. Allah adından yalan danışmaq zülmdür.

Gözəl olan hər şeyi əsas götürən, nəzakətli və keyfiyyətli olanı tələb edən, demokrat, harama və halala diqqət yetirən, dünyəvi, ziyalı, müasir bir cəmiyyətik.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

Müasir vətəndaşları qorumaq, onları dəstəkləmək, keyfiyyəti və incəsənəti ön plana çıxarmaq, Türkiyəni ən müasir ölkə halına gətirmək, hökumətin əsas vəzifəsi olmalıdır.

Mehdiyyətin olduğu yerdə heç vaxt məğlubiyyət olmaz. Hökumət mehdiyyət yönündə hərəkət etdiyi üçün Xızır (ə.s)-ın xüsusi himayəsi altındadır. Heç nə edə bilməzlər.

Allah; "fitnə qətldən betərdir" deyir. Fitnədən çəkinmək lazımdır. Qanuni demokratik hökumət etibarlı olan hökumətdir. Hərbi çevriliş deyə bir şey ola bilməz.

Türkiyəni parçalamağa cəhd edən namərd zehniyyət, İngiltərə dərin dövlətinin xidmətçiləri, hiyləgərcə bir şeylər etməyə cəhd etsə, bu millət qanun və hüquqla lazımi cavabı verər. Hökuməti təcrid etməyə cəhd etsəniz də, yenə qanun və hüquqla lazımi cavab verilər.

Hökumət demokratik yollarla gəlib, getməsi lazım gəldikdə də, qanuni yollarla, demokratik yollarla gedər. Qeyri-qanuni yollarla hökuməti devirməyə cəhd etsəniz, özünüz qanun və hüquqla devrilərsiniz.

Müxalifətin bəzi təhlükələri gündəmə gətirməsi hökumət üçün xeyirli və faydalıdır.

İnsan qəzəbi gülünc hesab etməlidir. Ağılla həll ediləcək bir şeyi qəzəblə həll etmək insanı gülünc vəziyyətə salan haldır.

İngiltərə dərin dövlətini biz ifşa etdikdən sonra bütün dünyada dərin dövlətin təsirli olduğu, xalqları əzdiyini daha yaxşı başa düşməyə başladılar.

Mövhumatçılar eyhama əsaslanaraq İslamdan ayrı, tamam ayrı bir din yaratdılar. Müsəlmanların əlindən incəsənəti, elmi, gözəlliyi aldılar. (Ali İmran surəsi, 7: Kitabı sənə nazil edən Odur. Onda, Kitabın anası (təməli) olan bəzi ayələr möhkəmdir; digərləri isə mütəşabihdir. Qəlblərində əyrilik olanlar, fitnə törətmək və istədikləri kimi şərh etmək üçün ondakı mütəşabih ayələrə tabe olarlar. Halbuki onun şərhini təkcə Allah bilər. Elmdə qüvvətli olanlar isə: "Biz ona iman gətirdik, hamısı Rəbbimizin dərgahındandır" deyərlər. Təmiz ağıl sahiblərindən başqası öyüd alıb düşünməz.)

Ənənəpərəst və mövhumatçı İslamın təməlində mütəşabih ayələri ağlagəlməz şəkildə şərh etmək vardır. Hökm, möhkəm ayələrdə yer alır.