Adnan Oktar A9 TV; 29 oktyabr 2016

Qurana tabe olmayan insanı Allah tənha qoyar.

İslam aləmini parça-parça olmaqdan, şirkdən Mehdiyyət xilas edəcək. Mehdiyyət bunu Quranla edəcək. Mehdi Quran tələbəsi olacaq.

Quran tam yaşanmış olsa kasıblıq, yoxsulluq olmaz. Müsəlman ehtiyacdan artıq qalanı Allah rizası üçün xərcləməklə məsuldur.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Quranda yalnız qanuni nəfsi müdafiə etməyə dair hökm var. Şiddətə dair heç bir hökm yoxdur.

Quranı bilmədikləri üçün şirk dinini İslam zənn edirlər. Qurana əsaslanan İslamın həqiqi din olduğunu bilmirlər.

Mənim dostlarım qeyd-şərtsiz Allaha və Qurana tabedir. Müsəlmanın həyatı Qurandır. Biz hər kəsi Qurana dəvət edirik.

İslama, Qurana baxarkən həmişə xeyir gözüylə baxmaq lazımdır. Həmişə Allahdan yana düşünmək lazımdır.

Quranın enməsi hər cəhətdən insanlar üçün böyük nemətdir. Lakin münafiqlər Quranda nemət və gözəllik axtarmaz öz zəif ağılları ilə həmişə səhv axtarar, Qurana xeyir gözü ilə deyil, şər gözü ilə baxarlar.

Quran açıq aydındır. Yəni, Qurana baxdığın zaman möhkəm hökmü, bir professor da, təhsilsiz bir insan da açıq anlayar. Din eyhamla olmaz, açıq və aydındır.

Həqiqi azadlıq təkcə Quranın ruhu ilə mümkün olar. Hal-hazırda dünyanın heç bir yerində tam mənada azadlıq yoxdur.

Peyğəmbərimiz (s.ə.v) Qurandan kənar hökm gətirməmişdir, gətirə bilməz. Peyğəmbərimiz (s.ə.v)-in sünnəsi Qurandır.

Dünyəviliyin ən doğru, ən gözəl, ən ağıllı halını Qurandan öyrənirik. İslam dünyəviliyi müdafiə edər.

Sevgisiz insanlar sanki hissiyyatlarını itiriblər, həmişə bir-birlərini təhqir edirlər və bundan narahat olmurlar. Sevgisiz insanların həyatları, sanki cəhənnəmin əks olunması kimidir. Bu bəlanın içinə düşənlər Qurana sarılıb tezliklə xilas olsunlar.

Xeyli insan müsəlmanları, haşa ağılsız, asanlıqla aldadıla bilən, malını, mülkünü əldən verən, hər cür cinayətə hazır olan insanlar hesab edirlər. Müsəlmana hörmət göstərmirlər. 24 saat ağıllı olan dinsiz olar, hörmət göstərilməli olan dinsizlikdir təlqini verirlər. Bu fəlakətli mənzərəni də xeyli müsəlman qəbul edib, acizlik hiss edirlər. Halbuki Qurana tam tabe olan müsəlman dünyanın ən ağıllı insanıdır.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

Bizim həyat dolu İslam anlayışımız Quran müsəlmanlığıdır. İnsanlara İslamı çətin göstərən dəccaliyyətdir. Gözəl olan hər şey İslamdadır.

Mehdiyyətin Tövrat və İncildə olduğunu bildirən Qurandır. Bu, mehdiyyətin nə qədər güclü inanc olduğunun dəlillərindən biridir.

Dində məcburiyyət yoxdur. Bu İslamın açıq hökmüdür. Məcburiyyətlə, təzyiqlə, zorakılıqla din olmaz. Təzyiq göstərən bir İslam anlayışını müdafiə edənləri tamamilə rədd edirik. Qurana əsaslanan demokrat, azad və dünyəvi bir sistemi müdafiə edirik.

Dünyadakı tarazlığın səbəbi, hələ də anarxiyanın qarışıqlığın olmasına baxmayaraq, meydana gələn tarazlığın səbəbi yenə Qurandır. Quranın az yaşanmasından ötrü anarxiya və qeyri-tarazlıq meydana gəlir. O tarazlıq indi düzələcək, müsəlmanların lehinə olacaq.

Quran olmasa dünya kütləvi şəkildə dəli olar, bütün dünya ağlını itirər, bir-birlərini qırıb keçərlər. Quran sayəsində dünya ayaqda dayanır. Haqq din yox olan kimi, dünyanın ağlı yox olar.

Quran ağlı ortaya çıxaran, məntiqli düşünməyi təmin edən, normal, Allahın bəyənəcəyi insan modelini meydana gətirən, cənnət tərbiyəsi verən, cənnətdə normal yaşamağı təmin edəcək olan həyat rəhbəridir.

Həqiqi Qurana əsaslanan sistem yaşandığı zaman, dünya cənnəti meydana gələr.

Bir elm Qurana əsaslanmırsa elm deyil, o, heç nə deyil. Quran onu təsdiq etmirsə, o elm deyil.

Bizim inancımıza görə Quranla uyğun gələn elm, elmdir. Quranın dəstəklədiyi elm, elmdir. Qurana zidd olan elm müsəlman üçün etibarlı deyil.