Adnan Oktar A9 TV; 11 yanvar 2017

Mən 1979-cu ildə təbliğə Memar Sinan Universitetində başladım. Memar Sinan Universiteti o dövrdə marksizmin qalası mövqeyində idi. Əsil məqsədim həmişə təbliğ oldu. “Kübar cəmiyyət” deyilən təbəqə ilə müsəlmanların əlaqəsi demək olar ki, sıfır idi. O cəmiyyətdə ilk təbliği biz etdik, İslamla əlaqələrinə vəsilə olduq. Bir çox müsəlmanın girməyi belə düşünmədiyi Saint Benoit, Avstriya Lisesi, Dost Kolleci, Robert Kollec kimi təhsil müəssisələrində ilk təbliği biz etdik.

Bir çox müsəlman meyhanədəkı insana, klubdakı insana təbliğ etməz. Lakin biz edərik. Bu insanların üzünə qapını örtmək olmaz, biz onlar üçün zəhmət çəkəcəyik. Rəsulullah (s.ə.v) də Ukaz bazarında dindən ən çox uzaq kəslərin arasında təbliğ edirdi. Biz də İslamdan ən uzaq insanlara təbliğ edəcəyik.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

İslamı təbliğ etmək fərzdir. Müsəlman var gücü ilə elmi yolla mübarizə aparmaqla məsuldur. Müsəlmanları passivləşdirməyə çalışanlara heç kim etibar etməsin.

Hz. Süleyman dövründə də Peyğəmbərimiz (s.ə.v) dövründə də müsəlmanların keyfiyyəti, gözəlliyi İslamın təbliğində çox təsirli olurdu. Müsəlmanların gözəlliyini, keyfiyyətini, nəzakətini, sevincini görən İslamı yaşamağı sevinclə qəbul etməlidir. Keyfiyyətsizlik İslamı daxilən çökdürər.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

Kitab evdəki səssiz mürşiddir. Gecə-gündüz bezib usanmadan təbliğə davam edər, bütün məhəlləyə öyrədər. Kitabla təbliğ ən yaxşı üsuldur.

İnsanları bir şeyə razı salarkən kütlə psixologiyasından istifadə etməklə deyil, izah edərək, fikri hər cəhəti ilə ortaya qoyaraq razı salmaq əhəmiyyətlidir.

Allahın sənətini yaxşı başa düşülən şəkildə izah edə bilmək əhəmiyyətlidir. Yaddaşda qalması üçün xüsusi xatırlatma metodlarından istifadə etmək lazımdır.

Nə dediyini bilməyən, hər şeyə düşmən olan, gözəllikdən zövq ala bilməyən, sevgisiz, mərhəmətsiz, özü pis, həyatı pis olanları səbirlə öyrədəcəyik.

Mənim zənginliyim təvəkkülümdür. Nə bankda pulum var, nə də özümə məxsus mal-dövlətim var. Mənim zənginliyim Allahdandır. 40 ildən bəri bir gün belə tətilə getmədim, soyuq da olsa, isti də olsa burdayam. Hər imkanımı təbliğ üçün sərf edirəm.

40 ildir ki, istirahətə getmədim. Qar, qış, yay, isti, hər gün təbliğə davam etdim. Bunun əksini etməyi mənim vicdanım əsla qəbul etməz.

Həqiqi hesablarında vətənpərvər, milliyyətçi, dindar görünən bəzi kəslər saxta hesabları ilə müsəlmanlar və millət əleyhinə fəaliyyət göstərirlər.

Münafiqlərin sosial media hesabları əslində onların bütün xarakterini aşkara çıxaran məlumat arxivi kimidir. Hədəfi, məqsədi, özünü necə ucaltmaq istədiyi, müsəlmanlardan necə uzaq dayandığı, bütün əxlaqsızlığı sosial media səhifəsindən aydın olar.

Əsas məsələ insanların imanlı olmalarını təmin etməkdir. İmanlı olduqdan sonra çox asandır; namaz da qılar, oruc da tutar, zəkat da verər, həccə də gedər. Bunun üçün iman həqiqətləri çox əhəmiyyətlidir. İmanlarının artması üçün bizim internet səhifələrimizi ziyarət etmələrini təşviq etsinlər. Mütləq peyklə bizləri hər axşam izləmələrinə təşviq etsinlər.

Yaşananları tənqid edərkən qlobal güc deyə ümumi tənqid yönəltmək deyil, bilavasitə İngiltərə dərin dövlətinin oyunu olduğunu söyləmək əhəmiyyətlidir.

Konstitusiya dəyişikliyi məsələsində xalqın yaxşı məlumatlandırılması çox əhəmiyyətlidir. Xalq dəyişən hər maddəni və nə məna verdiyini bilməlidir. Sistem dəyişikliyinə niyə ehtiyac duyulur, hansı xüsuslarda problem yaşanır, bu xalqa çox ətraflı çatdırılsın. Xalq referendumda nəyə səs verəcəyini çox yaxşı bilməlidir.

Kiprdə torpaq vermək deyə bir məsələdən əsla söhbət gedə bilməz. Bunu qəbul etmərik.

Türkiyə, Rusiya, İran tam ittifaq etsə heç kim bu güclü ittifaqı sarsıdacaq bir şey edə bilməz. İngiltərə dərin dövləti tamamilə iflic olar.

İnsanların əksəriyyəti qadına hörmət göstərməyi bilmirlər. Qadın istədiyi kimi azad olmalıdır, amma hər kəs qüsursuz şəkildə hörmət göstərməlidir.

Türkiyə, Rusiya, İsrail, İran və Çin ilə tam ittifaq etsə çox güclü olar. Türkiyə əleyhinə oynanılan heç bir oyun təsiredici olmaz.

İngiltərə dərin dövlətinin ən mühüm taktikalarından biri fərqli hədəflər, ölkələr, təşkilatlar göstərərək özündən diqqəti uzaqlaşdırmaqdır.

Fitnəyə qarşı İslam aləminin birlik olması, Türkiyənin də İslam aləmi ilə birləşməsi lazımdır. Yaxşılıq istəyən İslam Birliyini müdafiə etməlidir.

Dünyadakı fəlakətlərin həll yolu İslam Birliyidir. Tək başına nə Türkiyənin, nə Misirin, nə də İranın gücü çatar. Birlik olsaq fəlakət aradan qalxar.

İslam Birliyi mütləq yaradılacaq, İngiltərə dərin dövləti də fikri olaraq yerlə-yeksan olacaq.