Adnan Oktar A9 TV; 16 may 2017

Qəlb oxşayan, kabil-i xitab (təmas qurula bilən) olduğunu göstərən olmaq əhəmiyyətlidir. İnsanlara yuxarıdan-aşağı baxan, əsəbi insanların təbliğ etməsi təsiredici olmaz.

Müsəlman təbliğ etməklə məsuldur. Qarşı tərəf dinləsə də, dinləməsə də, müsəlman təbliğ etmiş olmanın savabını qazanar.

İnsanlara şəfqət və sevgi ilə yaxınlaşmaq, dost olmaq lazımdır. İman təbliği sevgi və mərhəmətlə edilər.

İman təbliğində gözəllik, incəsənət və keyfiyyət çox əhəmiyyətlidir. Hz. Süleymanın sarayının ehtişamı təbliğdə çox müsbət təsir edirdi.

İçki içəni dinsiz görmək olmaz. Xəbərdarlıq edərik, izah edərik, müsəlman olaraq səhvini izah edərik, lakin bu insana qardaşcasına yanaşarıq.

Peyğəmbərimiz (s.ə.v) Ukaz bazarında hər fikrə sahib insana, bütün qadınlara təbliğ edirdi. Paltarına görə heç kimi ayırd etmirdi.

Mən İslama xidmət etməsəm yorularam. İslama xidmət etməklə şövqüm, həyəcanım, xoşbəxtliyim daha da artır. Sevdiyinə xidmət etmək ən böyük həzdir.

Firon da mason idi. Həzrəti Musa ona təbliğ etdi. Nəmrud da mason idi. Hz. İbrahim ona İslamı izah etdi. Mömin hər kəsə təbliğ edər.

Mənfəət görmədiyi zaman müsəlmanların əleyhinə rəftar edəcək kəslərə qarşı diqqətli olmaq lazımdır. Dostluq etibarlı, alicənab insanlarla edilər.

Milli mənfəət məsələsi olmamalıdır. Hər kəsin mənfəəti üçün çalışmalıyıq. Özümüz əziyyət çəksək də, başqalarının xoşbəxtliyi üçün çalışmalıyıq. Belə nəcib millətə, nəcib dövlətə bu yaraşar. Bizə mənfəətpərəstlik, eqoistlik yaraşmaz.

Ayrılığın səbəbi iman zəifliyidir. Allah üçün sevsən niyə ayrılasan ki? Amma mənfəət üçün sevsən; mənfəət üçün gələn, mənfəət üçün gedər.

Səmimiyyət insana baha başa gələr. Əzab çəkər, yorular, hətta bəzi hallarda başı bəlaya da girər. Sən çox yaxşı yaşayırsan. Lazım gələndə mənfəətini güdürsən. Mənfəətini bir körpəni qoruyan kimi qoruyursan. Burada səmimiyyət vardırmı?

Biz burada danışırıq, bundan pul qazanmırıq. Əksinə, biz Allahı izah edə bilmək, dini sevdirmək üçün pul veririk.

Vətənin və millətin mənfəəti şəxsi mənfəətlərdən üstündür. Müsəlman canı bahasına olsa da haqqı müdafiə edər.

Dünyanın son zamanlarındayıq hal-hazırda. Dəccalın mənfəətinə yarayacaq hər cür hərəkətdən qaçınmalıyıq. Haqq dinlərə, məzhəblərə qarşı düşmənlik, dəccala xidmət etmək deməkdir.

Din insanı çıxılmaz vəziyyətlərə sürükləməz. Allah səmimiyyəti əsas götürər. Din sadə və asandır.

Əxlaq sisteminin quruluşunda, bir insanın bütün ictimai tərəflərində din var. Din mədəniyyəti dərsi olmasın deyənlər həyat öyrənilməsin demiş olurlar. Gənclər bütün dinləri, inancları, məzhəbləri, ideologiyaları mütləq öyrənməlidir. Belə olmadığı halda, cahil yetişmiş olurlar.

Sevgisizlik sanki bir taun kimi dünyanı bürümüşdür. Dünyanı bu xəstəlikdən xilas edib sevgini dünyaya hakim edəcəyik inşaAllah.

Heç bir insan maddənin əslini görməmişdir. Heç bir insan beynindən çölə çıxıb maddənin əsli ilə təmasda olmamışdır.

Türkiyənin edəcəyi ən gözəl şey qadın azadlığına, incəsənətə, keyfiyyətə üstünlük verdiyini, demokratiyanı sonuna qədər müdafiə etdiyini göstərməsidir.

İnsanlara namazı çox çətin göstərdikləri üçün bir çox insan namaz qılmaqdan uzaq qalır. Namaz çox zövqlü və asan ibadətdir. Namazı və dəstəmazı çətinləşdirmək şeytanın insanlara oyunudur. Allah Quranda dəstəmazı bir ayədə izah edir, insanlar onun barəsində 300 səhifə kitab yazırlar.

Sevgi gözəlliyin ruhudur. Allah sonsuz gözəldir. Təcəlliləri də sonsuz gözəldir. Müsəlman hər şeyi gözəlləşdirməklə məsuldur.

Ən mühüm büt darvinizmdir. Kommunizm, faşizm, terror və zorakılıq darvinizm üzərində qurulub. Darvinizm bitdikdə bunlar da bitər.

PKK ilə aparılacaq ən təsirli mübarizə dinlərini, inanclarını aradan qaldırmaqdır. PKK-nın dini darvinizmdir.

İngiltərə dərin dövləti darvinizmi və mövhumatçı İslam anlayışından iki güclü silah kimi istifadə edir. Bu iki silahı da əllərindən elmlə almaq vacibdir.