Adnan Oktar A9 TV; 12 avqust 2014

Dünyanın ən keyfiyyətli insanına müsəlman deyilir. Ən yüksək dərəcəli insanına, ən yaxşı düşünən, ən gözəl əxlaqa sahib insana müsəlman deyilir.

Keyfiyyət üçün mütləq pula ehtiyac yoxdur; ağıla, zövqə ehtiyac vardır.

Bir insan öz mədəniyyətini bəyənmirsə keyfiyyətli insan ola bilməz. Yalnız xarici mədəniyyəti bəyənirsə mədəniyyətsizlik, başqa mədəniyyətə meyllilik vardır deməkdir. Sən öz mədəniyyətinin gözəlliyini, dərinliyini, zənginliyini görə bilmirsənsə, oradakı keyfiyyəti hiss edə və göstərə bilmirsənsə, sadəcə başqa mədəniyyətə meylli insansan deməkdir.

Cənnətdə musiqi var, rəqs vardır. Cənnətdə olan burda da vardır. Cənnətdə Allah gözəl görürsə, burada da gözəl görür.

Keyfiyyətli əşyadan deyil, keyfiyyətli insandan başlamaq lazımdır. Keyfiyyətli insan olmadıqdan sonra keyfiyyətli əşyaya, keyfiyyətli məkana da heyf olar. Əvvəl keyfiyyətli insan yetişdirmək lazımdır. Onun üçün də keyfiyyətli fikir inkişaf etməsi lazımdır.

Keyfiyyətsiz fikirdən keyfiyyətli insan çıxmaz. Keyfiyyətli fikir də “Quran İslamıdır”. Müşrik İslam anlayışı deyil, Ortodoks ənənəçi İslam anlayışı deyil. Oradan keyfiyyət tapa bilməzsən. Orada həmişə keyfiyyətsizlik meydana çıxar.

Keyfiyyətsiz bir insanın keyfiyyətli bir binaya gəlməsiylə keyfiyyət yox olar. Amma keyfiyyətsiz bir yerə keyfiyyətli bir insan gəlsə, ora keyfiyyətli olar. Kiçik bir dəyişikliklə keyfiyyətli hala gətirərsən.

Keyfiyyətsiz insan çox böyük bir bəladır. Əvvəl keyfiyyətli düşüncə, keyfiyyətli fikir üstündə dursunlar. Onun üçün də keyfiyyətli kitablar lazımdır. Keyfiyyətli əsərlər, keyfiyyətli məqalələr lazımdır. Sevgisiz, nifrət dolu, keyfiyyətsiz məqalələrlə insanları öyrətməyə çalışsan, keyfiyyətsiz və qəddar insanlar meydana gələr.

Keyfiyyətsiz bir həyat çox qorxuncdur, cəhənnəmin başqa adıdır.

Keyfiyyət Nazirliyinin tezliklə qurulması lazımdır. Keyfiyyət Nazirliyinin fikirdə, insanda, binada, parkda, ticarətdə hər yerdə keyfiyyəti əsas alan bir siyasət aparması lazımdır. Keyfiyyət dövlətin milli siyasəti olmalıdır.

Keyfiyyətsiz bir yığıncaq, keyfiyyətsiz bina, keyfiyyətsiz paltar həmişə insanın qəlbini sıxar, insana iztirab verər. Keyfiyyət insanın qəlbini açar. Dünya nemətidir. Keyfiyyət gözəlliyin başqa adıdır.

Keyfiyyətsizliyin ipini buraxsan, o dərin bir quyu kimidir. Rüsvayçılığa doğru gedər.

Dünya həqiqi deyil, axirət həqiqidir. Bura imtahan yeri olduğu üçün həm cəhənnəm xüsusiyyətləri, həm də cənnət xüsusiyyətləri vardır. Amma mömin ağlını istifadə edərək cəhənnəm xüsusiyyətlərini özündən uzaqlaşdırar, təmizləyir. Cənnət xüsusiyyətlərini ortaya çıxardığı üçün nəfs bir varlıq olaraq özünü göstərir.

Allahın Özünü gördüyü kimi Allahı görmək mümkün deyil. Çünki haşa Allah olmaq lazımdır, Onu sonsuza qədər bilməyəcəyik. Amma təcəlli olaraq cənnətdə, məsələn, bir gözəl gənc görünüşündə Allah təcəlli edir.

Dünyaya sevgini hakim edəcəyik. Allah dünyanı sevgi olsun deyə yaratdı. "Qullar olsun, Mənə qulluq etsin" deyə yaratdı. Amma quldan istədiyi də sevgidir. Allah "Mən sizi sevim", "siz də Məni sevin" deyir. Sevgi olmasa, dünyanın bir mənası olmaz.

Dünyanı cəhənnəmə çevirməyə çalışanlara, dünyanı cənnətə çevirərək cavab verəcəyik.

Asiyanın xüsusiyyəti keyfiyyətsizliyin hakim olmasıdır. Asiyada insanın dəyəri çox deyil. Hər yer üçün demirəm, insan maşın kimidir. Bu qorxuncluğu, Türkiyənin Avropası, mehriban, müasir, Allah eşqiylə dolu, imanlı düşüncəsi ilə ortadan qaldıracaq. Bütün dünyaya nümunə olacağıq.

Şəfqət, mərhəmət, mülayimlik―Allahdan istədiyimiz bu deyilmi? Cənnətdə nə istəyirik? Allahın bizi bağışlamasını, bizə qarşı mülayim, şəfqətli və qoruyucu olmasını istəyirik. Biz də insanlara qarşı belə olmalıyıq.

Hər şeyin bir başlanğıcı və sonu vardır. Allahın başlanğıcı və sonu yoxdur. Yaradılan hər şey kimi. Lakin əlhəmdülillah, Allahın ruhunu daşıdığımız üçün cənnətdə başlanğıcımız var, sonumuz yoxdur.

Bir insan Allah Qatına, cənnətə gedən bir insan üçün özünü döyürsə, ağlayırsa, üz-gözünü cırırsa bu Allahın yaratdığını bəyənməmək, Allaha üsyan etməkdir, haşa. Amma Allaha şükür edirsə, həmd edirsə, sevinc içində Allaha qovuşmanı, Allah ilə birləşməyi, cənnətə getməyi gözəl sayırsa bu, mömin xüsusiyyətidir. Əksi müşrik xüsusiyyətidir.

Mömin Allah rizası üçün yaşayar, Allah rizası üçün də ölər. Allah rizası üçün yaşamadığı zaman həyatı cəhənnəmə dönər. Hər şey Allah rizası üçün olarsa o zaman həyat gözəl olar. Cənnət də Allahın rizasıyla gözəl olur.

Deyir ki, "Mən çox xoşbəxt yaşadım, ömrüm boyu heç bir çətinliklə qarşılaşmadım". Bu qazanc deyil ki. Bir sözlə cənnətə gedə bilməz. Allah ayədə: "Yoxsa siz elə güman etdiniz ki, sizdən əvvəlkilərin başına gələnlər sizin başınıza gəlmədən Cənnətə daxil olacaqsınız?" (Bəqərə surəsi, 214) deyir. Müsəlman Allah yolunda mübarizə aparacaq, çətinliklərlə üzləşəcək, zəhmət çəkəcək. Kafirlərə qarşı, münafiqlərə qarşı mübarizə aparacaq.

“Mən Cənnətə gedəcəyəm” deyir. Əgər sən Allah yolunda iztirab, əziyyət və çətinlik çəkməsən, onda cənnətə gedə bilməzsən. Sən kimsən bilirsənmi? Allah uzaq eləsin, sən insan surətində yaradılmış, gözəl görünüşlü, lakin ruhsuz bir varlıqsan. Bunların cənnətə getməsi qeyri-mümkündür. Bunlar dünya həyatı üçün xüsusi olaraq bir keçid forması kimi yaradılır.

Cənnət sevinc yurdudur, sonsuz xoşbəxtlik və gözəllikdir. Hər şeyin ən yaxşısının olduğu bir yurda vəfat edən bir vildanı yola salırsansa yas tutmaq fikri səhv olar. “Allahın etdiyini bəyənmədim, mən daha yaxşısını bilirəm” mənası verər. Haşa. Allaha şirk qoşmaq olar

Allah müsəlmanlara "Çəkindirici olsun gücünüz." "Qüvvətli görünün, güclü görünün" deyir. "Acizlik içində zəif görünməyin" deyir. Zəif görününcə, küfr azğınlaşır. Bunu, Bədiüzzaman da söyləyir.