Adnan Oktar A9 TV; 2 avqust 2014

Keyfiyyət həyatın ən mühüm xüsusiyyətidir. Gözəlliyin ən mühüm istiqamətidir keyfiyyət. Keyfiyyət yoxdursa, gözəllik də yoxdur. Məsələn, cənnət başdan-başa keyfiyyətdir. Cənnətin hər yeri keyfiyyətlidir. Keyfiyyət bitdiyində gözəllik də bitər.

Allahın Özünü gördüyü kimi Allahı görmək mümkün deyil. Çünki haşa Allah olmaq lazımdır, Onu sonsuza qədər bilməyəcəyik. Amma təcəlli olaraq cənnətdə, məsələn, bir gözəl gənc görünüşündə Allah təcəlli edir.

Dünyaya sevgini hakim edəcəyik. Allah dünyanı sevgi olsun deyə yaratdı. "Qullar olsun, Mənə qulluq etsin" deyə yaratdı. Amma quldan istədiyi də sevgidir. Allah "Mən sizi sevim", "siz də Məni sevin" deyir. Sevgi olmasa, dünyanın bir mənası olmaz.

Dünyanı cəhənnəmə çevirməyə çalışanlara, dünyanı cənnətə çevirərək cavab verəcəyik.

Dünya həqiqi deyil, axirət həqiqidir. Bura imtahan yeri olduğu üçün həm cəhənnəm xüsusiyyətləri, həm də cənnət xüsusiyyətləri vardır. Amma mömin ağlını istifadə edərək cəhənnəm xüsusiyyətlərini özündən uzaqlaşdırar, təmizləyir. Cənnət xüsusiyyətlərini ortaya çıxardığı üçün nəfs bir varlıq olaraq özünü göstərir.

Şəfqət, mərhəmət, mülayimlik―Allahdan istədiyimiz bu deyilmi? Cənnətdə nə istəyirik? Allahın bizi bağışlamasını, bizə qarşı mülayim, şəfqətli və qoruyucu olmasını istəyirik. Biz də insanlara qarşı belə olmalıyıq.

Hər şeyin bir başlanğıcı və sonu vardır. Allahın başlanğıcı və sonu yoxdur. Yaradılan hər şey kimi. Lakin əlhəmdülillah, Allahın ruhunu daşıdığımız üçün cənnətdə başlanğıcımız var, sonumuz yoxdur.

Bir insan Allah Qatına, cənnətə gedən bir insan üçün özünü döyürsə, ağlayırsa, üz-gözünü cırırsa bu Allahın yaratdığını bəyənməmək, Allaha üsyan etməkdir, haşa. Amma Allaha şükür edirsə, həmd edirsə, sevinc içində Allaha qovuşmanı, Allah ilə birləşməyi, cənnətə getməyi gözəl sayırsa bu, mömin xüsusiyyətidir. Əksi müşrik xüsusiyyətidir.

Müsəlmanlar sənətə, musiqiyə, qadınların dekolte geyinməsinə qarşı çıxdıqlarına görə, avropalılar da artıq bunlardan bezir. Heykələ, portretə, musiqiyə, əyləncəyə, qadınların gülməsinə, küçəyə çıxmasına, dekolte geyinməsinə, kişinin saqqalını kəsməsinə qarşı çıxırlar və verdikləri cəzalar da həmişə ölümdür.

Musiqi bir gözəllikdir. Ürəklərə sevinc, rahatlıq verər. Ürəyi qüvvətləndirər. İslam üləması belə "ürəkdə sıxıntı olanda gözəl musiqi ürəyi rahatladar, könlü açar" deyir, maşaAllah. Hz. Mövlananın tətbiqi bu idi.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Musiqini bilavasitə yaradan Allahdır. Gələn musiqidirmi? Deyil. Səs dalğasıdır. Dalğa qulağa gəlib çatır, qulaqsa eşitmir, kardır. Dalğanı çatdırır, onu elektrik halında verir. Beyin də onu musiqi olaraq dinləyir. Ortada musiqi yoxdur, bax musiqi heç yoxdur. Çalınan yerdə musiqi yoxdur. Çöldə musiqinin olmaması çox qəribədir, çöldə yoxdur.

Əgər sənəti pis qarşılasan, musiqiyə, rəsmə, heykələ, memarlığa qiymət verməsən, sənətçini əzməyə çalışsan, rəsm olan evdən qaçmağa çalışsan, "it şeytandır, gördüyün vaxt qov" desən, onda o ölkə inkişaf etməz. Avropa ölkələrinin inkişafının səbəbi sənətə, elmə dəyər vermələridir.

İsa Məsih musiqi də dinləyəcək, müasir, əyləncəni xoşlayan bir insan olacaq. Görəcəksiniz. Olduqca təvazökar, zarafatcıl, gözəl xasiyyətli, yaraşıqlı, incə belli, enli kürək, heyranedici bir cavandır, maşaAllah.

Cənnətdə musiqi var. Allah bunu ürəyimizə bir məmnuniyyət olaraq verir. Bütün millətimiz əylənər, oynayar, gülər, musiqi dinləyərlər. Qatı dinçiliklərə görə bu doğru deyildir. Musiqi nemətdir, tərtəmiz bir şeydir. Ruhu cilalayan, ürəyi açan möhtəşəm gözəllikdir. Quşlar, şəlalələr belə―hər yerdə musiqi vardır.

Küfr, dəlalət, tüğyan, ateistlər, Marksistlər, Leninistlər əvvəllər xurafatçı fikirli insanların nifrət edib əzmək istədiyi insanlar idi. Yeni ruh, Mehdiyyət, İslam ruhu onlara da şəfqətlə yanaşır. Onlar da ölkənin əsas vətəndaşıdırlar. Onlar da bizim hz. Adəm (ə.s)-dan törəyən bacı-qardaşlarımızdır.

Kommunizm elə əhəmiyyətsiz bir mövzu deyil. Kommunizm təhlükəsinə qarşı bütün peyğəmbərlər hz. Adəm (ə.s)-dan etibarən xəbərdarlıq etmişlər.

Musiqi də, rəqs də olmalıdır. Əyləncə olmalıdır. Dinə süni şəkildə haramlar daxil etməyin, əlavə qadağalar çıxartmayın. Bu zaman İslam bütün dünyaya hakim olacaq.

Biz İslamın həyatın məhz özü olduğunu göstərdik. Rəqs etmək, gülmək, sevinc hissi, pul, zənginlik, gözəl olan hər şey müsəlmanlar üçündür.

Rəqs, musiqi, əyləncə, sevinc, söhbət, hamısı İslamdadır. İslamın yaşanmadığı heç bir yer olmaz. İslam həyatın hamısıdır, İslam hər yerdə yaşanar.

Musiqini, rəqsi, əyləncəni, sevinci, gözəlliyi yaradan Allahdır.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Özləri dekolteli qadınlarla əylənən, rəqs edən kəslərin digər insanları “niyə əylənirsiniz, niyə dekolte var” deyə tənqid etmələri səmimiyyətsizlikdir. Səmimi şəkildə dekolteyə, rəqsə, əyləncəyə qarşıdırsa, özlərinin də bundan uzaq olmaları lazımdır. Özləri yaşayıb başqasını tənqid etmələri qəribədir.

Qatı dinçilik elə bir bəladır ki, bütün İslam aləminin indi çəkdiyi bəlanın kökündə qatı dinçilik vardır, Quranı səhv şərh etmək vardır. Bir-birlərini öldürürlər. Bunlar Ortodoks İslam anlayışından qaynaqlanır. Belə bir bəla var dünyanın üstündə. Bizi bu bəladan qurtaracaq olan Mehdi (ə.s)-dır.