Adnan Oktar A9 TV; 14 mart 2015

Ruhunda pis nifrəti saxlayan bir insan daim bəla dənizi içərisində üzər. Nifrətdən qaçmaq lazımdır. Qəlbə yalnız sevgini qoymaq lazımdır. Qəlb eyni anda pis və təmiz olmağa dözə bilməz. Qəlbə yalnız təmizliyi yerləşdirmək lazımdır. Qəlb pislikdən təngə gələr.

Bəzi qəlblər xain olur, bəzi qəlblər mübarək olur. Bəzi qəlblər yaramazdır, bəzi qəlblər mübarəkdir. Mübarək qəlbli xanımlar yəni səidələr, onların ürəkləri çox gözəl olur, sevgi dolu olurlar. Xəyanət edən daim sürünür, boş yerə sürünür.

Sevgi müsəlmanların qəlbinə yaxşı şəkildə nəqş edilməlidir. Kainatın qanunu, kainatın meydana gəlmə məqsədi sevgidir. İmam Mehdi və İsa Məsih sevgini hamıya izah edəcək.

İmana və sevgiyə əsaslanan bir sistemin olmaması, bir dəhşət sistemi meydana gətirir və bu dünyaya təsvir edilməyən bir bəla kimi hakim olmuş vəziyyətdədir.

Sevgi dinin məqsədidir.

Cənnətin məqsədi sevgidir. Cənnətə getdiyini fərz edək. Çaylar var, meyvə ağacları var, saraylar var, bağlar, bağçalar var, insanlar var, amma sevgi yoxdur. Ora necə bir yer olar? Allah qorusun Cəhənnəm olar. Ora sevgi sayəsində Cənnət olur.

Sevginin olmadığı yer Cəhənnəmdir. Allah Cənnəti iman yurdu olaraq bəzəyir, sevgiylə bəzəyir. Cənnətin ən böyük bəzəyi sevgidir. Allaha olan sevgidir, imandır. Yoxsa biz binalardan ötrü cənnətdə xoşbəxt olmuruq ki. Allahın varlığından ötrü xoşbəxt oluruq.

Allah sevgini sevir. Kainatı sevgi üçün yaradır. Allah sevgini bilavasitə Özü sevir.

Bədən müqaviməti azaldığında xəstəlik yaranar. Şən olsunlar, sevgi dolu olsunlar. Nifrət xəstəliyi gücləndirər, xərçəng xəstəliyi yaradar. Qəlblərində nifrət və qəzəb saxlamasınlar. Sevgi bədəni bəsləyər. Hər yerə Allahın təcəllisi olaraq baxıb sevgiylə yaxınlaşsınlar.

Dünyada sevgisizlik hakimdir. Sevgisizlik hakim olduğu üçün bölünmə istəyirlər. Ayrılmaq istəyir, nifrət edir. Məsələn, o ölkədən nifrət edir, ölkə də ondan nifrət edir. Həmyerlilər bir-birindən nifrət edir. Ailələr bir-birindən nifrət edir, insanlar bir-birindən nifrət edir. Əvvəlcə sevgi məsələsi həll edilməlidir.

Sevgisizlik, eqoistlik insanı bölünməyə aparar, parçalanmağa aparar. Sevgi isə birləşməyə aparar. İnsan sevdiyindən ayrılmaq istəyərmi? Sevməyəndə ayrılmaq istəyər. Nifrət etdiyi kimsəni görmək istəməz. Dünyadakı bu bölünmələrin səbəbi sevgisizlikdir.

Döyüşə yer yoxdur, nifrətə yer yoxdur. Dünyaya sevgini öyrədəcəyik. Nifrət xeyli iztirab verici, əzab verici, yorucu və iyrənc bir şeydir. Sevgi xeyli gözəldir. İsrail, İordaniya, oralar inanılmaz dərəcədə gözəl yerlərdir. Barışın, qucaqlayın bir-birinizi, qardaş olun.

Sevgisizlik qəzəb meydana gətirər, əsəb pozğunluğu meydana gətirər. O nifrətlə də hücum edəcək, kinini tökəcək bir yer axtarır. Cüzi bir şey də istəmir. Yandırmaq, öldürmək istəyir; başını yaracaq, qanı su yerinə axıdacaq. Qan gördükdə isə əsəbi bir az olsun sakitləşər. Şeytanın xüsusiyyətidir bu, şeytan qanla doyar.

Məqbul, məntiqli, demokratik, mehriban, bütün insanları sevən, hər bir dinə mənsub insanı sevən nəsillər yetişdirmək lazımdır. Yəhudilərə nifrət öyrədilir, xristianlara nifrət öyrədilir, şiələrə nifrət öyrədilir, sünnilərə nifrət öyrədilir; belə olmaz.

İnsan şeytana uyarsa, onu inciklik və ya kin sürükləyər. Yəni boğazından yapışar, sürükləyər. Müsəlman güclü bir zərbə endirməklə o pəncəni boğazından qoparmalıdır. Sürüklənməyə razı olmamalıdır. Sürüklənmək çox alçaldıcı bir şeydir.

Sevgi insanın ruhunda var. Kin, nifrət, davakarlıq çox qorxunc şeylərdir, bunlar insanı öldürər, məhv edər. Allah qorusun, insan bunlara görə hər cür xəstəliyə tutular. Ürək dözə bilməz, qəribə şəkildə sıxılar. Sevgisizlik bədənə zəhərdir. Bədən sevgiylə rahatlayar.

Sən də Qurana təslim ol, sən də Allahı sev, sən də eşqi yaşa Allah səni də gözəlləşdirər. Həsəd çəkməyi, kini, nifrəti, qısqanclığı yaşasan nə olar? Hüceyrə xərçəng xəstəsi olar. Burnu, ağızı, əli çirkinləşir, bədəni çirkinləşir.

Kin, nifrət, qəzəb, sevgisizlik, şəfqətsizlik və eqoistlik olduqda göz qaralar, dil qaralar, danışa bilməz insan. Sevgini qəbul etməyənlərin dilinə diqqət yetirin, heç bir şəkildə danışa bilməzlər. İki sözü bir yerə gətirə bilməzlər.

Sevgisizlik insanı pis insan halına salar. Qızları, oğlanları nursuz edər. Kinli, nifrət ruhu, küskün ruhu, ölmüş insan forması verər. İnsan bu bəlanı birbaşa özü hiss edər. Öz-özünə çökər. Yəni bu, özünü yandıran sistemdir.

Kini, əsəbi imanla aradan qaldırmaq lazımdır. Qurana tabe olan müsəlman hər şeyə məqbul, ağılla baxar. Bir insana əsəbləşmək yerinə onu qazanmağı əsas götürər.

Bölünmək kin, nifrət əlamətidir. Birləşmək isə sevgi, məhəbbət əlamətidir. Bölünmə zülmü, qəddarlığı və ağılsız rəqabəti gətirər.

Cənnətdə hər kəs gözəl əxlaqlıdır. Kin, qəzəb qətiyyən yoxdur. Qorxu yoxdur. Narahatlıq yoxdur, kədərlənmə yoxdur. Bunlar dünyada xüsusi olaraq verilib.

Əlbəttə ki, prezident idarəetmə sistemi hakim olduqda Türkiyə bölünər. Tədbir alsa da bölünər. Bir çox fəlakət baş verər. Bəla hər yeri bürüyər. Bölünmənin qarşısını almağımız üçün, çox güclü qətiyyət göstərməyimiz, bir çox tədbir görməyimiz lazımdır. Çünki ciddi bir təhlükə var.

PKK-lılar kommunist, marksist, leninist, stalinist olaraq təlim almış adamlardır. Silahı niyə yerə qoysunlar ki? Əsla qoymazlar. "Silahı yerə qoyacaqlar" deyərək xalqın mübarizə əzmini yox etmək doğru olmaz.