Adnan Oktar A9 TV; 14 mart 2017

Mehdi inancı bütün keçmiş inanclarda və haqq dinlərdə var. Allahın nazil etdiyi bütün Kitablarda mehdiyyət var.

Mehdiyyətin İsrail mənbələrində olması mehdiyyətin Allahın bildirdiyi haqq mövzu olduğunun sübutudur. Mehdiyyət hz. Adəmdən bəri bütün dinlərdə var.

Mehdiyyət hz. Adəmə, hz. İbrahimə, hz. İdrisə verilən səhifələrdə hz. Musaya, hz. Davuda, hz. İsaya endirilən kitablarda var. Bu mehdiyyətin haqq olduğunun sübutudur.

Allah Quranda hz. Musaya tabe olan musəvilərdən Haqqa kömək edən, mehdiyyətə dəstək olan bir qrup olduğunu bildirmişdir. (Əraf surəsi, 159: Musanın qövmündən haqqa yönəldən və onunla ədalətli davranan bir camaat var.)

Quranda Kitab əhlindən, yəni musəvi və xristianlar arasında səmimi iman gətirən insanlar olduğu bildirilmişdir. (Ali İmran surəsi, 113-115: Onların hamısı eyni deyil. Kitab əhlindən bir camaat vardır ki, onlar gecə vaxtları ayaqda dayanıb Allahın ayələrini oxuyaraq səcdəyə qapanarlar. Bunlar, Allaha və axirət gününə iman gətirər, marufu əmr edər, münkərdən çəkindirər və xeyirlərdə yarışarlar. Məhz bunlar salehlərdəndirlər. Onlar hər nə xeyirxah əməl etsələr, əlbəttə, ondan məhrum qalmazlar. Allah müttəqiləri tanıyır.)

Kəhf surəsi əvvəldən axıra mehdiyyəti izah edir. Kiçik bir gənc qrup, mağaraya sığınmaları həmişə mehdiyyətin izahatıdır.

Tramp, İrana qarşı mehdiyyətin şəfqət, mərhəmət cəhətindən bəhs edərək nəticə ala bilər. Silahlanma ilə həll yolu meydana gəlməsi mümkün olmaz. Amerika Rusiya ilə ortaq hərəkət etdiyi zaman İranla arasındakı anlaşmazlıqları da həll edə bilər. İngiltərə dərin dövlətinin qarşıdurma oyununa düşməsinlər.

Günahsız xristian və musəviləri sevirik. Qurana görə onlar Kitab əhli və müsəlmanların qoruması altında olan gözəl insanlardır.

Bəzi kütlələr xristianlarla müsəlmanlar arasında qarşıdurma olmasını istəyir. Bu qarşıdurmaya zəmin yarada biləcək hər cür üslubdan çəkinmək lazımdır.

Müsəlman, bütün xristianlara qarşı olmaz, tam əksinə dindar xristianlarla pisliklərə qarşı ittifaq edər. Xristian düşmənçiliyi yanlışdır. Bədiüzzaman da dindar isəvilərlə müsəlmanların ittifaq etməsinin lazım olduğunu söyləyir. Xristian-müsəlman qarşıdurmasından qəti şəkildə çəkinmək lazımdır.

Mədəniyyətlərin qarşıdurması İngiltərə dərin dövlətinin ortaya atdığı düşüncədir. Hilal ilə Xaç bir-birinə düşmənmiş kimi göstərmək, oyuna düşmək olar.

Hilal ilə xaç mübarizəsi var demək düzgün deyil. Dindar İsəvilər müsəlmanların müttəfiqidir.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Dinlə birlikdə insanın orqanizminin və ruhunun bu qədər müsbət dəyişməsi, nurlanması heyrətverici möcüzədir.

Din yaxşı insanla pis insanı qəti şəkildə ayırd edər.

Dürüst, köməksevər, mərhəmətli olmaq dinlə mümkün olur. Ölüb yox olacağını düşünən insan dürüst və yaxşı insan olmaq üçün iradə işlətməz.

İngiltərə dərin dövlətinin əzablara səbəb olan fəaliyyətlərinin minlərlə dəlili var. Məclisdə lazım olsa qapalı yığıncaq keçirilərək bu dəlillərdən bəhs edilsin.

Dekolte əleyhinə olanların Qurandan kənar din anlayışlarına görə təkcə qadınlar deyil, gənc oğlan uşaqları da təcavüz mövzusu kimi görülür. Bunların azğın anlayışında rahatlamaq üçün qadının döyülməsi, qadınların həmişə alçaldılması, oğlan uşaqların da qapadılması lazımdır.

Öz aləmlərində qadınları mühasirəyə alıblar və haşa insan yerinə qoymurlar. Qadını öz aləmlərində elə dəyərsiz görürlər ki, necə döyülməli olduğunu öyrədirlər. Quranda qadının döyülməsi hökmü yoxdur. Qadın dəyərlidir.

"Ələvilər dindən kənardır" demək böyük böhtandır. Ələvilər tərtəmiz müsəlmandırlar, Allaha, Rəsulullah (s.ə.v)-ə və hz. Əliyə aşiq olan, nur kimi insanlardır.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

Quranda rəcm (daşlama) cəzası yoxdur. Bu, müşrik adətidir. İslamda yoxdur.

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

İslam aləmi parça-parça olub, məzlumlar dənizlərdə boğulur, zülm baş alıb gedir. Müsəlmanların çoxu buna heç diqqət etmir.