Adnan Oktar A9 TV; 15 yanvar 2015

Əgər sənəti pis qarşılasan, musiqiyə, rəsmə, heykələ, memarlığa qiymət verməsən, sənətçini əzməyə çalışsan, rəsm olan evdən qaçmağa çalışsan, "it şeytandır, gördüyün vaxt qov" desən, onda o ölkə inkişaf etməz. Avropa ölkələrinin inkişafının səbəbi sənətə, elmə dəyər vermələridir.

Müsəlmanlar sənətə, musiqiyə, qadınların dekolte geyinməsinə qarşı çıxdıqlarına görə, avropalılar da artıq bunlardan bezir. Heykələ, portretə, musiqiyə, əyləncəyə, qadınların gülməsinə, küçəyə çıxmasına, dekolte geyinməsinə, kişinin saqqalını kəsməsinə qarşı çıxırlar və verdikləri cəzalar da həmişə ölümdür.

Bir ölkədə keyfiyyət qalmayıbdırsa, deməli heç bir şey qalmamışdır, Allah qorusun. Keyfiyyət olmasa həyat da olmaz, sənət də olmaz. Həyat və sənət bağlı olduğuna görə orada meydana gələn gözəlliyi də keyfiyyət adlandırırıq.

Asiyanın xüsusiyyəti keyfiyyətsizliyin hakim olmasıdır. Asiyada insanın dəyəri çox deyil. Hər yer üçün demirəm, insan maşın kimidir. Bu qorxuncluğu, Türkiyənin Avropası, mehriban, müasir, Allah eşqiylə dolu, imanlı düşüncəsi ilə ortadan qaldıracaq. Bütün dünyaya nümunə olacağıq.

Keyfiyyətsizliyin ipini buraxsan, o dərin bir quyu kimidir. Rüsvayçılığa doğru gedər.

Keyfiyyətsiz bir yığıncaq, keyfiyyətsiz bina, keyfiyyətsiz paltar həmişə insanın qəlbini sıxar, insana iztirab verər. Keyfiyyət insanın qəlbini açar. Dünya nemətidir. Keyfiyyət gözəlliyin başqa adıdır.

Keyfiyyət Nazirliyinin tezliklə qurulması lazımdır. Keyfiyyət Nazirliyinin fikirdə, insanda, binada, parkda, ticarətdə hər yerdə keyfiyyəti əsas alan bir siyasət aparması lazımdır. Keyfiyyət dövlətin milli siyasəti olmalıdır.

Keyfiyyətsiz bir həyat çox qorxuncdur, cəhənnəmin başqa adıdır.

Keyfiyyətsiz insan çox böyük bir bəladır. Əvvəl keyfiyyətli düşüncə, keyfiyyətli fikir üstündə dursunlar. Onun üçün də keyfiyyətli kitablar lazımdır. Keyfiyyətli əsərlər, keyfiyyətli məqalələr lazımdır. Sevgisiz, nifrət dolu, keyfiyyətsiz məqalələrlə insanları öyrətməyə çalışsan, keyfiyyətsiz və qəddar insanlar meydana gələr.

Keyfiyyətsiz bir insanın keyfiyyətli bir binaya gəlməsiylə keyfiyyət yox olar. Amma keyfiyyətsiz bir yerə keyfiyyətli bir insan gəlsə, ora keyfiyyətli olar. Kiçik bir dəyişikliklə keyfiyyətli hala gətirərsən.

Sənət adamına çox yaxşı sahib çıxmaq lazımdır. Sənət adamı asanlıqla yetişmir. Sənət adamı insanlara gözəllik təqdim etməyə çalışan, gözəl insan deməkdir. Sənət adamının dərdi, günü gözəllikdir. Onlara da, ona görə gözəl rəftar göstərmək, qorumaq, sahib çıxmaq lazımdır.

İfaçıların qiyməti bilinməsə, incəsənət zamanla yox olar. O zaman dünya qaralar. Dünyanın gözəlliyi yox edilər. İfaçı demək, dünyanı gözəlləşdirən insan deməkdir.

İfaçı sevgi müəllimidir, gözəllik müəllimidir. Qapılar ifaçıların üzünə sona qədər açılmalıdır. Dərhal İncəsənət və Estetika Nazirliyi yaradılmalıdır.

Sevgi, gözəllik, incəsənət həyatın məqsədidir. Bunlar yoxdursa, sən niyə körpü inşa edirsən, niyə quruda və dənizdə çayların, kanalların altından keçən tunel inşa edirsən? Bunların hamısı boş şey olar. Sevginin olması üçün, sevgini bəsləyən, incəsənət və estetikaya da çox əhəmiyyət verilməlidir.

İfaçıları ön plana çıxarmaq lazımdır. Onların sevgisi, onların məhəbbəti cəmiyyətə çox müsbət təsir göstərər. İfaçılar xüsusi bir nəzakət, ruh keyfiyyətinə sahib olurlar. Bu cəhətdən cəmiyyətə çox gözəl nümunə ola bilərlər.

Bir sənətçini öz başının çarəsinə baxmağa buraxmaq çox böyük vicdansızlıqdır. Əvvəla sənətçi dolanışıq dərdi çəkməməlidir. Ona çox mükəmməl bir həyat təmin edilməlidir. Dövlətin bir çox imkanı var. Sənətçiyə imkanlar təqdim etməlisən, o da rahatlıqla öz sənətiylə məşğul olmalıdır. Sən adamı həyat mübarizəsi aparmağa məcbur etsən, o zaman o necə sənəti ilə məşğul olsun?

İslam olduqca müasir, şən, sağlam, elmə, incəsənətə, gözəlliyə və estetikaya açıq olaraq yer üzündə zühur edəcək. Cənnət kimi zühur edəcək. İslam, murdar, qaranlıq, əzablar çəkdirən, asan, kəsən, estetikadan uzaq, leş kimi qoxuyan insanların yaşadığı bir mühit şəklində təzahür etməz. Allah İslama belə pislik etdirməz, müsəlmanlara da etdirməz.

İncəsənət adamı eşq insanıdır. Eşq insanı da sevgiylə bəslənər. Sən ona sevgi göstərməsən incəsənət adamı ölər. İncəsənətlə də məşğul ola bilməz. Sən onu alqışlamalısan, cəsarətləndirməlisən, tərifləmlisən, medal verməlisən, könlünü almalısan. Sevildiyini bilməlidir ki, qəlbi coşsun.

Müsəlman üçün dünyanın ən yaxşı silah texnologiyasını əldə etmək fərzdir. Quranın hökmü aydındır, Allahın hökmü aydındır. Amma biz bir damla qanın belə axmasını istəmərik. Silahın nəyinsə qarşısını almaq xüsusiyyətindən istifadə edək.

Həm keşikçi qardaşlarımızın polis heyətinə salınması, həm də keşikçi sayının artırılması çox vacibdir. Cənub-Şərq bölgəsi problemi köklü surətdə bu yolla həll olar. Birinci sevgi, ikinci şəfqət, üçüncü keşikçi sayının artırılmasıdır. Başqa bir şey yoxdur.

İman və Allah sevgisiylə zəngin olmaq çox gözəldir. Onda səxavətli olarsan, dost olarsan, uşaqlara bir şeylər verərsən, insanlara bir şeylər verərsən. Bol qazanarsan amma bol xərcləyərsən. Hal-hazırda nə bol gəlir var, nə də bol xərc. Geniş şəkildə yayılmış bir kasıblıq var.

PKK hadisə törətməsə yox olar. Buna görə də PKK yox olsa, HDP də yox olar. HDP və PKK yox olmaması üçün daim hadisə törətməlidir. Başqa yol yoxdur. Bu fəlsəfi, psixoloji bir həqiqət olaraq marksizmin təhsil düşərgələrində gecə-gündüz izah edilər. "Kiçik miqyaslı da olsa mütləq hadisə törətdin" deyirlər.