Adnan Oktar A9 TV; 26 yanvar 2016

Münafiq özünə ədalətsizlik edildiyindən əmindir, ona görə də, möminlərə qarşı çox kinlidir. Küfr əhlinin də çox ədalətli olduğunu düşünər və onları tərifləyər.

Münafiq küfr əhlinə kömək etməkdə və dəstəkləməkdə çox məharətlidir. Münafiqlərlə əlaqədar ayələrdə münafiqlərin küfr əhlinə heyrətamiz dərəcədə məlumat çatdırdıqları və dəstək olduqları, lakin onlarda zəiflik gördükləri vaxt da, onlardan dərhal qaçdıqları bildirilir.

Münafiq, müsəlmanlara sataşmaq üçün, mütləq bir mövzu tapar, həmişə coşar. Razı olduğu və Allaha həmd olsun dediyi vəziyyət heç olmaz. Həmişə müsəlmanlardan şikayət edəcəyi cəhət tapar.

Mehdiyyət anti-münafiq hərəkatdır. Münafiqliyin ziddi olan hərəkatdır.

Hər varlığı Allahın təcəllisi kimi görsən, Allah sənə sevdirər, sən o varlığı sevsən, o da səni sevər. Allahdır orada o sevgini yaşadan. Bundan savayı, məhəbbət deyə heç nə olmaz. Təkcə Allah eşqi vardır.

Ətlə, sümüklə məhəbbət olmaz, sevgi olmaz. Ətə, sümüyə görə baxmağa çalışsan, ət sümük səni boğar, ondan heç nə çıxmaz. Qarşındakı insanda Allahın ruhunu, Allahın təcəllisini sevməlisən.

Allah bütün dünyanın gözü qarşısında yavaş-yavaş mehdiyyəti inkişaf etdirir. Heç kim də heç nə edə bilmir, edə bilməz; taleyində əngəllənməsi yoxdur.

Sevgisizlik gözəl deyil, uğursuzluq gətirər, fəlakət gətirər, bu yanlışdır. Allah bizə hər kəslə dost olmağı söyləyir.

Dünyanın hər yerində heyrətamiz münaqişə vardır. İnsanlar: "Bu mühitdə İslam necə hakim olar, mehdilik necə irəliləyər?" deyə düşünə bilərlər. Məhz təəccüblü olan da budur; bütün bunlara baxmayaraq, Allah İslamı hakim edəcəkdir.

İblislə mübarizə aparmaq səbir, iradə və ağıl tələb edər. Çünki iblis ağıllıdır, inadkardır, xaindir, yaxşı oyun qurandır. Müsəlman da çox ağıllı, yaxşı oyun quran və səbirli olmalıdır. Çünki iblis asanlıqla əl çəkməz, bir anda ölməz dəccaliyyət. Çox səbirli şəkildə, tək-tək qurduğu hər oyun yox edilməlidir.

Axırzamanda Dəccalın ən narahat olacağı şey mehdiyyətdir. Mehdiyyət onu ağıl, elm və irfanla parçalayacaq bir sistem olduğu üçün, dəccaliyyət bilavasitə mehdiyyəti hədəf alar.

Darvinizm dəccaliyyətdir. Axırzamanda çıxacağı söylənilən Allahsız cərəyandır. Bütün dünyanı Allahsız, Kitabsız etdi. Dəccalı axtarıb tapmağa vaxtımız yoxdur, dəccal onsuz da zühur etdi. Həll yolunu tapmaq lazımdır. Həll yolu da mehdiyyətdir. Biz dəccaliyyətə qarşı mehdiyyət cərgəsində yer almalıyıq.

İslamda himayəçilik sistemi var. Möminlər bir-birlərini öz qardaşları kimi qorumaqla mükəlləfdirlər.

İslamın üstünə çirkli bir çul örtdülər. İnsanlar bu pisliyi hazırda görürlər. İslam adından meydana gətirilən xurafatlar bütün dünyaya qan qusdurur. Bunu şeytan örtdü, biz də qaldıracağıq və həqiqi İslam ortaya çıxacaq. Həqiqi İslam bəşəriyyətə sevgi, mərhəmət təqdim edəcək.

Sevgi, dostluq yayılsa insanlar çox rahat olacaqlar. İnsanlar bir-birləriylə dost olmaq istəyir, lakin reaksiyalarının nə olacağını bilmirlər. Dostluğu başladan olmur. Məhz bu Mehdi (ə.s) ilə olacaq.

Sən müsəlman olmaqla rahatlıq tapacaqsan. Müsəlmanlıq sənə daxili rahatlıq verər, sənə yoldaşlar, dostlar bəxş edər, zənginlik, bərəkət, bolluq gətirər. Hamı ilə sülh içində yaşaya bilərsən. Küfr olduqca acıdır, iztirabdır, əzabdır. Küfr etdiyin təqdirdə sürünərsən.

Özünü böyük hesab etmək, lovğalanmaq, özünü tərifləyərkən də qarşısındakını vicdan yaxud mərhəmət tərəfini az göstərmək münafiqin xüsusiyyətidir. Özünü həmişə zərər çəkmiş kimi göstərər, mömini də insanları incidən kimi göstərər. Belə əxlaqsızlığı vardır.

Müharibə çətindir, döyüş çətindir, zülm çətindir. İnsanlara əzab çəkdirmək çətindir. Bunlar çox iyrəncdir. Sevgi, dostluq, qardaşlıq, rifah, zənginlik, bərəkət bunlar zövqlü və gözəl şeylərdir.

Türkiyə dünyanın sevgi mərkəzi olmalıdır, sevgi müəllimlərinin məktəbi olmalıdır. Mərhəməti, şəfqəti, sevgini, dostluğu, qardaşlığı, yaxşılığı, gözəlliyi, təmizliyi dünyaya biz anlatmalıyıq.

Mehdi deyildiyi zaman, düşüncələrində fərqli bir şey canlandıra bilərlər, Mehdi siyasətə əsla qarışmaz, siyasət bütün təşkilatlarıyla işləməyə davam edər. Mehdi yalnız sevgi, qardaşlıq, dostluq üzərində dayanacaq.

Münafiq, müsəlmanlarla küfrün mübarizəsini arenada izlər kimi seyr edir. Kimin kimdən daha üstün olduğuna baxar, əgər küfr əhlinin üstün mövqedə olduğunu görsə, müsəlmanlara heyrətamiz dərəcədə bağlanmış kimi göründüyü halda, birdən özünü küfr əhlinin arasına atar. Münafiq çox alçaqdır. Bir anda onların adamı olar.

Münafiq müsəlmanlardan ayrılıb küfr əhlinin yanına getmək üçün, həmişə mövzu axtarar, fürsət axtarar. Fürsət verilməməlidir. Lakin həqiqətən münafiqdirsə onsuz da bu xüsusiyyəti özünü büruzə verər. Sən nə etsən də, özünü büruzə verər. Sən səbir etməyib, birbaşa göndərməyə çalışsan bu günah olar. Bu cür olmaz. Səbir etməlisən, çünki bəlkə şəfa tapa bilirlər. Münafiq müalicə edilməlidir.

Münafiqi müsəlmanların arasında ikən uzaqlaşdırmağa çalışmaq, koma vəziyyətindəki bir insanı öldürməyə bənzəyir. Koma vəziyyətindəki insandan heç vaxt ümid kəsilməz. Ölümə tərk etmək olmaz. Komadan çıxana qədər gözləmək lazımdır. Lakin bəzən heç komadan çıxmır, komada ikən ölür. Münafiq də belədir.

Münafiq həmişə gəzmək dalınca qaçar. Oturub Quran oxumaq, İslamı təbliğ etmək, çətinlik çəkmək istəməz. Bu şüur altında çox güclü bir duyğudur; İslamdan başqa hər cür kitabı oxumaq istəyər. Münafiq ümumi biliyə çox əhəmiyyət verər. Məsələn, Afrikada qottentotlar nə edər? Əlaqəsiz şeylərdir. İslamı və Quranı prioritet qəbul etməz. İman həqiqətlərini prioritet qəbul etməz, boş şeyləri prioritet qəbul edər. Çünki bununla ədabazlıq və göstəriş edəcək.

Münafiqlər çox bilikli olarlar. Lakin münafiq, Quranla maraqlanmaz. Münafiqi sıxar, Qurandan və İslamdan utanar. Lakin, məsəl üçün, ziyalı ateist müəllifin kitablarını oxumağı çox əhəmiyyətli və cəlbedici hesab edər.