Adnan Oktar A9 TV; 4 dekabr 2016

Peyğəmbərimiz (s.ə.v) İslamı təbliğ edir, onu dinləməyə gələn bəziləri isə mənim üçün dua et ki, ticarətim artsın deyirdi, İslama xidmət etməyi düşünmürdü.

İstəsə də, istəməsə də hər kəs mehdiyyətə xidmət edər. Bu, Allahın heyranlıq oyandıran sənətidir.

Evlənməməyimin səbəbi, bütün vaxtımdan, bütün ömrümdən Allah üçün, İslam üçün, təbliğ üçün istifadə edə bilməkdir.

40 ildir ki, istirahətə getmədim. Qar, qış, yay, isti, hər gün təbliğə davam etdim. Bunun əksini etməyi mənim vicdanım əsla qəbul etməz.

Mehdiyyəti az qala unutdururdular. Mehdiyyəti elmi sübutları ilə, bütün dəlilləri ilə izah etdik, Peyğəmbərimiz (s.ə.v)-in müjdəsini gündəmdə saxladıq.

Hz. Adəm dövründən etibarən Allah mütləq iki zidd qüvvəni birlikdə yaradır. Mütləq dəccaliyyət və mehdiyyət olur.

Mehdiyyətə və günahsız müsəlmanlara zidd rəftar göstərən bəzi kəslər İngiltərə dərin dövlətinin adını belə çəkə bilmirlər.

İsa Məsihi sevənlərlə mehdiyyəti sevənlər ittifaq edərək qanunla, elmlə, irfanla İngiltərə dərin dövlətini tam mənası ilə çökdürəcəkdir.

Suriyada xəstəxanaların bombalanması çox böyük zülmdür. Bu zülm təkcə İslam Birliyi və mehdiyyətlə dayandırılar.

İslam aləmində çox yerdə münafiqlər aktivdir, buna görə də İslam Birliyi heç cür yaranmır. İngiltərə dərin dövləti münafiqləri başa bəla etdi. İslam aləminin canlanma ruhuna ehtiyac var. Bu da təkcə mehdiyyətlə olar.

Müsəlman aləmində əsaslı mənəvi inqilaba ehtiyac var. Bu da şövqün çox ciddi güclənməsi ilə olar, bunu təmin edəcək olan da mehdiyyətdir.

Millətlər böyük həyəcanla yüksələ bilirlər. Hal-hazırda İslam aləmindəki yuxu halının aradan qalxması və yüksəlmə mehdiyyətlə olacaq.

Mehdiyyət dövrü qadınların dünyada ən xoşbəxt olduqları dövr olacaq. Sanki cənnətdəymiş kimi rahat yaşayacaqlar.

Allahın icazəsi ilə bu son 10 il mehdiyyətin dünya tarixinə sevgi damğasını vuracağı dövr olacaq.

Mehdiyyəti gözləyənlər çevik insan kimi ayıq-sayıq və gümrahdırlar. Əzmlə Allah yolunda fikri mübarizə aparırlar. Ətalətə qapılanlar Mehdi yoxdur deyənlərdir.

Hz. Süleyman dövründə də Peyğəmbərimiz (s.ə.v) dövründə də müsəlmanların keyfiyyəti, gözəlliyi İslamın təbliğində çox təsirli olurdu. Müsəlmanların gözəlliyini, keyfiyyətini, nəzakətini, sevincini görən İslamı yaşamağı sevinclə qəbul etməlidir. Keyfiyyətsizlik İslamı daxilən çökdürər.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Bir çox müsəlman meyhanədəkı insana, klubdakı insana təbliğ etməz. Lakin biz edərik. Bu insanların üzünə qapını örtmək olmaz, biz onlar üçün zəhmət çəkəcəyik. Rəsulullah (s.ə.v) də Ukaz bazarında dindən ən çox uzaq kəslərin arasında təbliğ edirdi. Biz də İslamdan ən uzaq insanlara təbliğ edəcəyik.

Mən 1979-cu ildə təbliğə Memar Sinan Universitetində başladım. Memar Sinan Universiteti o dövrdə marksizmin qalası mövqeyində idi. Əsil məqsədim həmişə təbliğ oldu. “Kübar cəmiyyət” deyilən təbəqə ilə müsəlmanların əlaqəsi demək olar ki, sıfır idi. O cəmiyyətdə ilk təbliği biz etdik, İslamla əlaqələrinə vəsilə olduq. Bir çox müsəlmanın girməyi belə düşünmədiyi Saint Benoit, Avstriya Lisesi, Dost Kolleci, Robert Kollec kimi təhsil müəssisələrində ilk təbliği biz etdik.

İslamı təbliğ etmə məqsədində olan bir müsəlmanın sosial media səhifələrindən çox faydalı istifadə etməsi əhəmiyyətlidir.

İslamı təbliğ etmək fərzdir. Müsəlman var gücü ilə elmi yolla mübarizə aparmaqla məsuldur. Müsəlmanları passivləşdirməyə çalışanlara heç kim etibar etməsin.

İman əhlinin internetdən ən təsiredici şəkildə istifadə etməsi çox əhəmiyyətlidir. İnternet insanlara həqiqi məlumatı çatdırmaq üçün Allahın verdiyi nemətdir.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

Kitab evdəki səssiz mürşiddir. Gecə-gündüz bezib usanmadan təbliğə davam edər, bütün məhəlləyə öyrədər. Kitabla təbliğ ən yaxşı üsuldur.

Mömin Allahdan, dindən, Qurandan bəhs edər. İman qəlbinə yerləşməmiş insanlar isə təkcə mənfəətinin nə olduğunu düşünər.