Adnan Oktar A9 TV; 2 iyun 2016

Münafiqlik iman və səmimiyyətin qarşısında dayana bilməz. Darmadağın olar. Bu Allahın möcüzəsidir.

Gözəlliyi yaradan Allahdır, hər şeyi yaradan Allahdır. Allahdan başqa güc-qüvvət sahibi yoxdur.

Darvinizm bilavasitə Allahı inkar edən fəlsəfədir. Kainatın təsadüflər nəticəsində yaradıldığını söyləyər. Bəlanın, narahatlığın, uğursuzluğun mənbəyi darvinizmdədir. Bu mütləq düzəldilməlidir.

İslam adı altında müsəlmanları gettolara dustaq edən, öz daxilində çürüyən bir sistem yaratmışdılar. Biz İslamın həyatın özü olduğunu göstərdik. Nəhəng və mərhəmətsiz bir hiyləni, müsəlmanları kilidləyən, çox kiçik dar bir sahəyə, gettolara həbs edən hiyləni yerlə-yeksan etdik. "Müsəlmanlar hər yerdədir" dedik. "İman hər yerdədir, Allah hər yerdədir" dedik.

Allah dərin imana baxar, Onu çox sevirmi, sevmirmi? Dərin imanla iman edirmi, etmirmi? Təkcə buna baxar. Bu varsa tamamdır, başqa şeyə ehtiyac yoxdur.

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

İslamın hakim olmasını istəyən, çox dərin imanlı olmalıdır. Çox ixlaslı və səmimi olmalıdır, heyrətamiz dərəcədə dərinləşməlidir. Allahın onu izlədiyini bilməlidir. Allahın hadisələri necə meydana gətirdiyini də izləməlidir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Əsil sənətkar Allahdır. Hər gözəl musiqi parçasını hazırlayan Allahdır. Təqdir edilməsi lazım olan Allahdır.

Ağaclar baharda gəlin kimi bəzənir. Hamısının səyi çox gözəldir. Çiçəklər ayrı gözəldir, vitamini, ləzzəti ilə meyvələri ayrı nemət. Hər meyvə də içində hədiyyəsi ilə birlikdə çəyirdəyi ilə gəlir. Çəyirdək içində xüsusi pərdə və qablaşdırma ilə ağaca dair hər məlumat olur.

Darvinizm də bir dindir. Kainatın yaradılışını öz aləmində təsadüflə izah edən inanc sistemidir, dəlili olmadığı halda buna iman gətirənlər var.

Allahı, Kitabı və İslamı rədd edən, bütün kainatın təsadüfən yaradıldığını iddia edən inkar fəlsəfəsinin dövlət əli ilə öyrədilməsi böyük fəlakətdir. Allahın açıqca inkar edilməsi Allahın xoşuna gəlməz. Darvinizm mütləq elmi cavabları ilə birlikdə öyrədilməlidir.

Canlılar təkamüllə yaradılmayıb. Allahın ol əmri ilə yaradılıb. Elmi tədqiqatlar da bunu göstərir. Quranda da təkamül yoxdur.

Hər şeyin təsadüfən əmələ gəldiyini söyləmək ola biləcək ən məntiqsiz açıqlamadır. Hər yerdə böyük ağıl, riyazi nizam və incəsənət vardır. Bu nizamın təsadüfən meydana gəldiyini söyləmək dünya tarixinin ən alçaldıcı açıqlamasıdır.

Təhsil müəssisələrində; "əcdadınız meymundur, sizi Allah yaratmadı, haşa Peyğəmbər yalan söylədi" deyilir. Həmçinin darvinizmin elmi cavabının verilməsi qadağandır. Demək olar ki, heç bir ölkədə, heç bir təhsil müəssisəsində darvinizmə qarşı çıxmaq mümkün deyil. Darvinizm elmi cəhətdən çökmüşdür demək qadağan edilmiş vəziyyətdədir. Təhsil sistemindəki bu birtərəfli təkidin və təzyiqin aradan qalxması və darvinizmin elmi cavabının da mütləq izah edilməsi vacibdir.

Pəncərənin kənarındakı tək bir toz zərrəsinə qədər, mövcud olan heç nə bir daha yox olmaz.

Allahın yaratması inkar edildikdə, təsadüflər sizi meydana gətirdi yalanı deyildikdə fəlakətlərin qapısı açılmış olar. İncəsənət də yox olar.

Şans, kortəbii təsadüf mənasını verər. Şans deyilən şey yoxdur. Təvafüq vardır, Allahın rast gətirməsi vardır.

Bütün küçələri meyvə ağacları ilə dolduraq. Xalqın bütün meyvə ehtiyacı təmin edilsin. Bütün boş ərazilərdə əkinçilik işləri aparılsın, əkinçiliyə təşviq edək.

Ağac torpaqdan suyu çəkir, ən yuxarıdakı budağa qədər aparır, rəngləri əmələ gətirəcək mineralları seçir, rəsm əsəri kimi rəngləndirir. Bitkinin hüceyrəsi meyvəyə lazım olan nisbətdə mineralı, vitamini, yağı torpaqdan alıb seçəcək ağıla sahibdir.

Meyvənin torpaqdan vitamin, mineral və zülal əldə etməsi belə təkbaşına çox böyük möcüzədir.

Bitki torpağın içindən lazım olan vəsaiti seçib fabrikdən daha yüksək texnologiya ilə meyvənin, tərəvəzin içinə tək-tək bərabər miqdarda yerləşdirir. Bitkinin ağlı insan ağlından milyon qat üstündür. Hər mineralı, vitamini, zülalı tanıyır, seçir, alır, məhsullarına bərabər paylayır.

Tək alma ağacındakı ağıl milyonlarla insanda yoxdur. Ağac hər cür mineralı, vitamini tanıyır, yetərli nisbətdə alır və lazımı qədər istifadə edir. Meyvənin içinə torpaqdakı zərərli olan heç nə keçmir, ağac mükəmməl təmizləmə sistemindən istifadə edir.

Ənənəvi İslam anlayışına qarşı Quranın kafiliyini hər kəsə çatdırmalıyıq. Əks halda Əfqanıstan kimi, Suriya kimi, İraq kimi olmağımız çox asandır, Allah qorusun. Bu məsələdə vaxt itirmək çox təhlükəli olar. Osmanlını məhv edən ənənəvi İslam fəlsəfəsi ilə yenidən dirilmək qeyri-mümkündür.

Mehdini gözləmək ətalətə sövq etməz. Əksinə Mehdini gözləyən ölkələr ən şövqlü, ən müvəffəqiyyətli, ən çevik ölkələrdir. Musəvilər 3500 ildən bəri Moşiyah Mehdi gözləyərlər, dünyanın ən çalışqan millətidirlər. Heç bir şəkildə də tənbəlliyə də sövq etməmişdir. Əksinə şövqləndirmiş, müvəffəqiyyətli və çevik olmalarını təmin etmişdir.