Adnan Oktar A9 TV; 1 yanvar 2017

Müsəlmanlar hər hansı şəkildə yeni ilin və ya hz. İsanın doğumunun qeyd edilməsinin əleyhinə çıxa bilməz. Hz. İsanın doğumu müsəlmanlar üçün də sevinc vəsiləsidir.

Amansız bir xristian və musəvi düşmənçiliyi müsəlmana yaraşmaz. Allah onların Kitab əhli olduğunu bildirmişdir. Kitab əhlinə şəfqət duyular.

Kitab əhli öz şəriətini yaşaya bilər, lakin Peyğəmbərimiz (s.ə.v)-ə öz aləmində yalançı deyən və peyğəmbərliyini qəbul etməyən küfr etmiş olar.

Xristianlara və musəvilərə “kafir” deyilməz. Onlar Kitab əhlidir. Allah Kitab əhlinin yeməyini və qadınlarıyla evlənməyi halal etmişdir.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Kitab əhli ilə müsəlmanlar arasında bənzərliklər olması, haqq dinlər silsilə olaraq gəldiyi üçün, normaldır. Mehdilik bütün haqq dinlərdə var.

Quranda Kitab əhlindən, yəni musəvi və xristianlar arasında səmimi iman gətirən insanlar olduğu bildirilmişdir. (Ali İmran surəsi, 113-115: Onların hamısı eyni deyil. Kitab əhlindən bir camaat vardır ki, onlar gecə vaxtları ayaqda dayanıb Allahın ayələrini oxuyaraq səcdəyə qapanarlar. Bunlar, Allaha və axirət gününə iman gətirər, marufu əmr edər, münkərdən çəkindirər və xeyirlərdə yarışarlar. Məhz bunlar salehlərdəndirlər. Onlar hər nə xeyirxah əməl etsələr, əlbəttə, ondan məhrum qalmazlar. Allah müttəqiləri tanıyır.)

Günahsız xristian və musəviləri sevirik. Qurana görə onlar Kitab əhli və müsəlmanların qoruması altında olan gözəl insanlardır.

Bəzi kütlələr xristianlarla müsəlmanlar arasında qarşıdurma olmasını istəyir. Bu qarşıdurmaya zəmin yarada biləcək hər cür üslubdan çəkinmək lazımdır.

Müsəlman, bütün xristianlara qarşı olmaz, tam əksinə dindar xristianlarla pisliklərə qarşı ittifaq edər. Xristian düşmənçiliyi yanlışdır. Bədiüzzaman da dindar isəvilərlə müsəlmanların ittifaq etməsinin lazım olduğunu söyləyir. Xristian-müsəlman qarşıdurmasından qəti şəkildə çəkinmək lazımdır.

Yeni il bayramını sanki böyük fəlakət kimi göstərirlər. Peyğəmbərimiz hz. Məhəmməd (s.ə.v)-in doğum günü oldu, Mövlud qəndili, iftixarla qeyd etdik, qeyd edirik. Hz. İsa (ə.s)-ın doğum günündə niyə bu qədər dəhşətə düşürlər? O da İslam peyğəmbəridir. O da bizim peyğəmbərimizdir.

Bəzi müsəlmanlar ildə bir dəfə xristianların milad bayramını qeyd etməsinə qarşı çıxmağı böyük bir cihad kimi qəbul edirlər. O gün qəhrəmanlıq etməklərindənsə, bütün il boyu təbliğ etsinlər, İslamı izah etsinlər, Quran möcüzələrini izah etsinlər.

Münafiq asi, lovğa və çox hiyləgərdir. Hz. Adəm dövründən bəri hiyləgərlik bütün münafiqlərin xüsusiyyətidir.

Münafiq yaltaqdır. Öz kefinin, mənfəətinin arxasındadır. Müsəlmanların çəkdiyi çətinlik onu heç maraqlandırmaz.

Kimin kimisə öz aləmində tərbiyə etmə haqqı yoxdur. Hər kəs öz mövqeyinə baxmalıdır. Müsəlman təkcə doğrunu və yanlışı söyləyər.

İslam aləmindəki qarışıqlığın tək həlli mehdiyyətdir. Seyyidina İsa Məsih və mehdiyyətdən başqa heç bir həll yolu yoxdur.

İŞİD, PKK, Əl-Qaidə, bəzi şiə milislər, Boko Haram, hamısı İngiltərə dərin dövləti tərəfindən yönləndirilən terror təşkilatlarıdır.

Dəccaliyyət haşa ilahlıq iddiası ilə ortaya çıxdığı üçün ruhdan düşməz. Can almaqdan, terrordan, anarxiyadan imtina etməz. Dəccal terror törədib insan öldürərkən haşa özünün ilah olduğunu sübut etməyə çalışar, "can alaram, can verərəm" deyə mesaj verər. Tarixdəki dəccallar da can alıb, can verdiklərini iddia ediblər. Firon da, Nəmrud da insan öldürüb diriltdiyini söyləyib ilahlıq iddia ediblər.

İslam aləmi birləşmədən, İslam Birliyi olmadan, Mehdi və İsa Məsih zahir olmadan dəccaliyyətin fikri olaraq ölməsi deyə bir şey olmaz. Heç bir ölkə təkbaşına dəccaliyyətə müqavimət göstərə bilməz. Mütləq ittifaq etmək, birlik olmaq lazımdır.

Türkiyə müasir ölkədir. Hər düşüncəyə sahib insanın istədiyi kimi yaşaya bildiyi ölkədir. Bu mövzuda geriləmə olmasını qəbul etmərik.

Müsəlman haram olan mövzuları gündəmə gətirər, lakin kimin necə yaşadığına qarışa bilməz. İnsanların nə zaman əylənəcəyinə, hinduşkanı nə zaman yeyəcəyinə heç kim qarışa bilməz. Qurana görə heç kimin belə haqqı yoxdur.

Hədisdə dəccalın fil orduları vardır deyilir. İngiltərə I Dünya müharibəsi vaxtı ordusunda fillərdən istifadə etmişdi.

Şiə və sünni qarşıdurması yaratmağa çalışan, nifrət ifadələri işlədənlər bilərəkdən və ya bilməyərəkdən dəccala tabe olmuş olurlar.

Məqbul və normal yaşamaq olduğu halda, münafiqin həmişə pislik və əxlaqsızlıq içində yaşamaqda israr etməsi bir növ möcüzədir.

Dəccal insanların xoşbəxt olmasını istəməz, insanları özünə haşa qul olmağa məcbur etmək üçün onların həyat sevincini əllərindən alar. Dəccal sevincə, xoşbəxtliyə, gözəlliyə, birlik və həmrəyliyə, ən çox da imana və Qurana hücum edər. Bu hədəfləri yaxşı bilmək lazımdır.