Adnan Oktar A9 TV; 13 iyul 2013

Mursi Misirdə koalisiya hökuməti qurmağı təklif etsin. Bütün fikirlərlə əməkdaşlıq etsin. Müasir və bütün insanları razı salacaq bir siyasət çox yaxşı olar.

Hal-hazırda Misir məhv edilir. Misir sevgi ilə dirilə bilər. İmanla, Quran möcüzələri ilə, iman həqiqətləri ilə dirilər və bütün xalqı ələ ala bilər. Mehdiyyət olmadan, İsa Məsih (ə.s)-a olan sevgi olmadan bərəkət olmaz.

Misirdə bir tərəfdə müsəlman, imanlı insanlar var, bir tərəfdə də yenə iman edən, amma qatı dinçilikdən çəkinən insanlar var. Hər iki tərəfi Mehdi (ə.s) birləşdirəcək. Çünki mehdiyyət müasir, mehriban, dinc, gözəl bir İslam anlayışını ortaya qoyur. Mehdiyyət hər iki tərəfin qəbul edəcəyi sistemi ortaya qoyan insan və inancdır.

Misirdə də "seçki ilə gəldim, istədiyimi edərəm" demək düzgün deyil. Bütün xalqın istəklərini yerinə yetirmək lazımdır. Kommunistdirsə, onun haqlarını müdafiə etmək, dindarsa, onun haqlarını müdafiə etmək, yəhudidirsə onun haqlarını müdafiə etmək, hər kəsi qoruyub, hörmət etmək lazımdır. Hökumətin vəzifəsi də budur.

İslam aləmini qatı dinçilik sıxıb qovurur. İhvan buna fikirlə bir zərbə endirsin, müasir İslam anlayışını, səhabə İslam anlayışını ortaya qoysun.

Misir müşavirə ilə hərəkət etsə, şəfqəti, sevgini ön plana çəkib müasir İslam anlayışını, səhabə İslam anlayışını ön plana alsa, sənəti, elmi, estetikanı, demokratiyanı ön plana çıxartsa, Misirdə vəziyyət çox gözəl olar.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

İhvan canımızdır, "Quran yetərli" deyərək sevgi dolu və səmimi olsa düşdüyü vəziyyətdən xilas ola bilər.

Misirdə yaşananlar ən incə məqamlarına qədər qədərdə müəyyəndir. Bütün güc Allahın əlindədir. Orada ürəkləri uyğunlaşdıracaq olan Allahdır.

Peyğəmbərimiz (s.ə.v) Misirdə böyük hadisələr olacağını hədislərində dəqiqliklə bildirmişdir.

Misirdə müsəlmanlar zülm içindədirlər. Biz, təbii ki, onları xilas etmək üçün çıxış yolları axtarırıq.

Misirdə ilk atılacaq addım Mursinin dərhal sərbəst buraxılmasıdır. Mursi idarəçiliyi ilə Misirdə müşavirə şurası qurub seçkilərə qədər Misiri ortaq ruhla idarə edə bilərlər.

İhvan nifrəti qətiyyən qəbul etməsin. Məhəbbətlə, sevgi ilə davranmağı hədəfə alsalar çox gözəl olar.

Qardaşlarımız Misirdə həbslərin olmaması üçün ərizə yazsınlar.

İhvan İsraillə münasibətlərini düzəltsin. İsrailin dindar yəhudi və xristianlarını dəstəkləsin. Peyğəmbərimiz (s.ə.v) yəhudilərə şəfqət göstərirdi. İsrailə şəfqət göstərmək Quran əxlaqının vəzifələrindəndir.

Hz. Mehdi (ə.s)-a ümid bağlayanlar qurtuluşa çatacaqlar, inşaAllah. Mehdiyyətin yarı yolunu qət etdik.

Yəhudi rəbbani alimlər hz. Mehdi (ə.s)-ın qoxusunu hiss etdiklərini söyləyirlər, maşaAllah.

Allah dünyanı hz. Mehdi (ə.s)-la hazırlayır və hazırlayacaq.

Quranın səmimi şərh olunması əhəmiyyətlidir. Qatı dinçi əlində Quranla vəhşilik edər, hz. Mehdi (ə.s) isə əlində Quranla dünyanı cənnətə çevirər.

Misirdə qatı dinçilik problemi var. Quran müsəlmanlığı olmadığı müddət ərzində yaşanan ağrılar bitməz. Mehdi sevgisi, İslam Birliyi sevgisi olmadıqdan sonra xoşbəxtlik olmaz.

Təkliflərlə Mehdilik olmaz. Allahın dediyindən başqa heçnə olmaz. Allah kimi seçsə, Mehdi o olacaq.

İslam Birliyi, hz. Mehdi (ə.s)-ın adı xatırlanmayınca bu bəlaların ardı-arası kəsilməz. Haşa, peyğəmbərin sözü heçə sayılsa Allah da bunu edən insanları heçə sayar.

İslam dünyaya hakim olanda hz. Mehdi (ə.s)-ın yaşı artacaq, amma özü sağlam, canı sulu olacaq.

Müsəlmanlar birdirlər. Eqoistliyi Allah qəbul etmir. Quran ayələri bütün müsəlmanları əhatə edən üslubdadır. Məsələn, Allah "Ey möminlər" deyərkən bütün dünya müsəlmanlarına xitab edir. Təkcə sünnilərə, şiələrə, vəhhabilərə xitab etmir, hamısına müraciət edir.

Namazı insanlara ən asan şəkildə təqdim etmək lazımdır. Namazı çətinləşdirmək insanları namazdan uzaqlaşdırar. Asanlaşdırmaq Allahın əmridir, dinin buyruğudur.