Adnan Oktar A9 TV; 18 oktyabr 2015

Biz bütün dünya üçün İslamın işıqlı üzüyük. Müsəlmanlığı qorxunc, içinə qapalı, sevgisiz, qadınlara məsafə qoyan, həyatı dəhşətə çevirmiş bir sistem kimi tanıyanlar bizim yaşadığımız İslamı gördükcə səhabə İslamına olan heyranlıqları artır və İslamın bir qurtuluş olduğunu da görürlər. Əks halda əzab çəkirdilər.

Əlbəttə ki, Peyğəmbər (s.ə.v)-in yanında olmaq çox əhəmiyyətlidir. Səhabələrin rahatlığına söz ola bilməz. İnsanlar İslam cəmiyyətini yaxşı tanımır. Müsəlmanların hamısı bir ailə kimi olur. Məsələn, insanın otuz otaqlı köşkü varsa, müsəlmanları doldurur içinə. Hamısına yemək çatır. Malını paylayır. Birlikdə ticarət edir, hamısını şərik edir. Görünməmiş bir sistemdir.

Əsgərin ürküdücü, heybətli olması Peyğəmbərimiz (s.ə.v)-in sünnəsidir. Məsələn, əsgərlərə bığlarını qısaltdırmırdı. Hətta əl dırnaqları belə uzun olurdu, səhabələrin çox yırtıcı və ürküdücü görüntüləri vardı. Bığları ta qulaq dibinə qədər uzanırdı, yekə bığlı. Görən xeyli titrəyir, qorxur. Əsgərimizin də belə sarsıdıcı görünüşdə olması yaxşı olar. Xüsusilə də PKK üçün, onların kabusu olmalıdırlar.

İslam aləmi hal-hazırda xurafatlardan ötrü sürünür, məhv olmuş vəziyyətdədir. Qatı dinçilik özü ilə qorxaqlıq da gətirir. Bu zaman insanlar səhabələr kimi cəsur və igid olmurlar.

İsa (ə.s), hz. Mehdi (ə.s)-ın vəziri olaraq nüzul edəcək, Peyğəmbərimiz (s.ə.v) belə söyləyir. Allah Mehdini şərəfləndirmək üçün, Mehdinin böyüklüyünü vurğulamaq üçün, İsa Məsihi ona vəzir olaraq göndərir. Mehdinin böyüklüyünü buradan anlayın. Hətəmə vəli deməkdir. Gəlib keçmiş ən böyük övliya, ən böyük vəlidir. Yəni imam Mehdi, səhabələrdən üstündür.

Qəribədir hər peyğəmbərə “dəli” deyirlər. İstisnasız olaraq. Hamısına lağ edirlər. Mütləq dəlidir deyirlər. Kimin ağıllı, kimin dəli olduğunu da axirətdə öyrənirlər.

Sən müvəqqəti dünyanı istəsən, Allah dünyanı səndən həmişə uzaqlaşdırar, dünya bu dəfə başına bəla olar. Halbuki, fədakar insanlarla dünya gözəl olar. Məsələn, Peyğəmbərimiz (s.ə.v) fədakar idi. Səhabələr də fədakar idi. Heç biri mənfəətpərəst deyildi. Mənfəətpərəst insanların olduğu cəmiyyətlər çökür.

Yalan danışmaq dəliliyin bir növüdür və insanların diqqətini çəkmək üçün, insanları əyləndirmək üçün, cahil təbəqədə xüsusilə mədəniyyətsiz təbəqədə çox geniş yayılmışdır. Bu dəlilik növü olduğu və insanı alçaltdığı üçün, heç bir insan buna yaxın durmamalıdır. İnsanların diqqətini çəkəcəyəm, yaxud çoxbilmişlik edəcəyəm, böyüklüyünü göstərəcəyəm deyə yalan danışmaq alçaqlıqdır.

Səhabələr Allah üçün mübarizə aparırlar. Münafiqlər isə; “evimiz nəzarətsiz qalıb”, “vuruşa bilsəydik gələrdik” deyirlər. "Sənə qırx kisə qızıl veriləcək, bu şərtlə ki, vuruşa bilmədiyin halda, gəlib vuruşmalısan" desən dərhal gələr. Çünki, mənfəət vardır. Məhz insanın mənfəəti gözəl əxlaq olmalıdır. Qızıl yerinə, pul yerinə imanını qoymalıdır, vicdanını qoymalıdır. Başqa cür olsa insan heyvana dönər.

Mövhumatçılıq azacıq önü açıldıqda corab söküyü kimi gedər. Olduqca təhlükəlidir. Dövlət bu mövzuda çox qərarlı bir siyasət izləyərək, müasir dövlət quruluşu, müasir incəsənət anlayışı və müasir düşüncəni mütləq yaymağa çalışmalıdır. Yəni İslam müasir mənada yaşanmalıdır. Hansı mənada müasir? Səhabə dövründəki kimi.

Allah yolunda olanlara dəli deyilməsi nemətdir. İgid olan ləqəbi ilə yad edilər. Allah yolunda dəli olmaq mömin üçün böyük şərəfdir.

Peyğəmbərimiz (s.ə.v): “Allahı elə çox zikr edin ki, insanlar sizə dəli desinlər” deyə buyurmuşdur. (Ahmed b. Hanbel, 3/68; Hâkim, 1/499)

İman gətirənlərə qarşı tarix boyu həmişə təzyiq və böhtan olmuşdur. Hər dövrdə böhtanla, düşmənçiliklə, nifrətlə qarşılaşmışlar.

Allah yolunda elmi mübarizə apararkən qarşıma maneələr çıxması, böhtana məruz qalmaq məni daha da şövqləndirir.

Bədiüzzamana böhtan atıldıqca Allah ona sağlamlıq bəxş etmişdir. Bədiüzzaman həyatında bir dəfə də xəstəxanaya, həkimə getməmişdir. Çox sağlam idi.

28 fevral dövründə bizə də müxtəlif sui-qəsd təşkil edildi. Müxtəlif böhtanlar atıldı, bizi məhkəməyə verdilər.

Peyğəmbərlərə atılan dəlilik böhtanı Mehdi (ə.s)-a da atılacaq.

Peyğəmbərlərə həmişə azğınlıq və dəlilik böhtanı atılmışdır. Mehdi (ə.s)-a peyğəmbərlərə atılan böhtanlar kimi iftiralar atılacaq.

Peyğəmbərlərə həmişə sehrbaz iftirası atılmışdır. Tərəfdarlarına da “ovsunlanmışlar” deyilib. Peyğəmbərlərə atılan böhtanların möminlərə atılması şərəfdir.

Münafiq şeytani məntiqlə müsəlmanın tək bir cümləsini götürüb bundan müsəlman əleyhinə istifadə edər. Hər dəfə yeni böhtanla ortaya çıxar. Peyğəmbərimiz (s.ə.v) dövründə də, Peyğəmbərimiz (s.ə.v)-ə söz deyə bilməyən münafiqlər müsəlmanlara hücum edərək, iftira ataraq zərər verməyə çalışırdılar.

MÜSƏLMANIN NƏ EDƏCƏYİ MÜƏYYƏNDİR. ƏSƏBİLƏŞSƏ BELƏ ƏDALƏTLİ VƏ TƏDBİRLİ OLAR. Çünki Allahın onu gördüyünü, eşitdiyini bilir. Heç bir şəkildə ədalətdən, haqqdan ayrılmır. Müsəlman hər zaman məsum və bağışlayıcıdır. Amma DİNSİZ BİRİ OLDUĞUNDA DƏLİ OLUR, ƏSƏBDƏN ARTIQ İÇİNİ YEYİR.

ALLAHIN DƏLİSİ OLMAQ, DƏLİ KÖNÜLLÜ OLMAQ LAZIMDIR. Yəni coşğu dolu, sevgi dolu olmaq lazımdır. Mən sümük kimi sevgisiz bir dünyadan ləzzət almaram. Sevgi dolu insanları sevirəm.

Heç bir insan üçün cəhənnəm arzulanmaz. Hər insan üçün Allahdan hidayət, gözəllik arzulanar.

İsrail səhv edir deyə, sənin də səhv etməyin lazım deyil. Sən ona dostcasına, sevgiylə yaxınlaşsan onun da sənin dostun olduğunu görərsən. Sən sevgiylə yaxınlaş, dostcasına yaxınlaş. Amma bıçaqla yaxınlaşsan, o da sənə tankla yaxınlaşar, tankla yaxınlaşsan bombayla yaxınlaşar. Bunun sonu gəlməz. Amma sevgiylə yaxınlaşsan onun da sənin dostun olduğunu, sevdiyini görərsən. Bu, Quranın bir sirridir.

Televiziya kanallarında əsas iman həqiqətləri mövzularını müzakirə etmək lazımdir. Hocalar çox vaxt keçmişdə yaşanmış hadisələrdən danışırlar. İnsanın imanının olub-olmadığı onları maraqlandırmır. Halbuki dünyadakı ən böyük problem, Allaha iman problemidir.