Adnan Oktar A9 TV; 8 avqust 2016

Dövlət çevrilişi ilə hökuməti dəyişdirməyə cəhd etmək, millətə zor tətbiq etmək, qətliam siyahıları hazırlamaq harada qəbul edilər? İslamda məcburiyyət yoxdur. Dövlət çevriliş edərsən, bütün millət sənə nifrət edər. İslamın ruhunda sevgi ilə insanların könlünü qazanmaq var, məcburiyyət yoxdur.

Silahsız insanı gülləbaran etmək, tankın altında əzmək alçaqlıqdır. Dövlət çevrilişi edən qatillərin sadist və zalım olduqlarını bütün dünya gördü.

Türkiyə çarşablı qadınlar üçün də, hicablı qadınlar üçün də, dekolte geyinən qadınlar üçün də cənnət kimi olacaq. Hamısı çox azad olmalıdır.

Bizdə vətəndaş müharibəsi baş verməz. Çünki biz birlik halındayıq. Kürd qardaşlarımızı biz canımız kimi sevirik. Onlar da müsəlman türk mədəniyyəti içərisində yetişmiş igiddirlər. Onlar dövlət çevrilişinə şiddətlə qarşı çıxırlar.

Keyfiyyətli ölkələrdə, incəsənətin, estetikanın olduğu ölkələrdə, gözəlliyin hakim olduğu ölkələrdə nə qiyam, nə də dövlət çevrilişi, nə ordunun, nə xalqın, nə də polisin ağlından belə keçmir. Təxəyyül belə edə bilmirlər. Çünki cəmiyyətin hər təbəqəsi məmnun olmuş olur.

Qiyamların və dövlət çevrilişlərin həmişə kökündə cəmiyyətin çox sıxılması vardır. Lakin incəsənətin, estetikanın, keyfiyyətin yüksək olduğu heç bir cəmiyyətdə dövlət çevrilişi və qiyam olmayıb və olmur.

Heç bir dövrdə keyfiyyətin, incəsənətin ortadan qalxmasıyla bir dövlətin davam etdiyi görülməyib. Hər dövlət, hər hökumət belə bir sistem olduqda dağılır.

Təkcə ənənəvi ortodoks İslamı yaşamağa cəhd etsən Türkiyə geriləyər. İncəsənət qalmaz, estetika qalmaz, mədəniyyət və keyfiyyət qalmaz, dünya cəhənnəm kimi olar. O zaman buna dünya icazə verməz. Yəni Allah icazə verməz, dünyanı üstünə müsəllət edər.

Müasir vətəndaşları qorumaq, onları dəstəkləmək, keyfiyyəti və incəsənəti ön plana çıxarmaq, Türkiyəni ən müasir ölkə halına gətirmək, hökumətin əsas vəzifəsi olmalıdır.

Ənənəpərəst ortodoks görünüşlü bir Türkiyə bütün Avropanın, bütün Amerikanın hətta Rusiyanın, Çinin hədəfinə çevrilər. Bütün dünya qarşısında dayanar. Müasir Türkiyəni mütləq meydana gətirməliyik. İncəsənəti, estetikanı, keyfiyyəti ön plana çıxarmalıyıq. Keyfiyyətin bütün Türkiyədə hakim olması vacibdir.

Qadınlarını əzən, qadınlarına hörmət etməyən, qadınlarının azadlığını yox edən, keyfiyyəti, incəsənəti yox edən hər ölkə həlak olur. Buna çox diqqət yetirsinlər.

İslamın sevgisi, mərhəməti aparıcı olacaq, müasirlik, keyfiyyət, incəsənət, demokratiya, dünyəvilik, gözəllik, Allah qorxusu, Allah sevgisi, bütün dinlərə hörmət hər yerə hakim olacaq, Türkiyə də aparıcı olacaq.

Türkiyə həm demokratiyada, həm hüquqda, həm azadlıqda, incəsənətdə, keyfiyyətdə, memarlıqda dünyanın ən üstünü olsun. Bütün dünyanı bu yolla xilas edə bilərik.

Avropanın PKK-nı dəstəkləməsinin səbəbi PKK-nın qadın haqlarını müdafiə etməsi, azadlığı müdafiə etməsidir. PKK; "qadınlar istədiyi kimi geyinsin, azad olsun, qarışmayaq" deyir və "qadınlar daha çox siyasətdə vəzifə tutsun" deyir. Bunları Türkiyə deməlidir.

Bəzi televiziya kanallarında qadınları xüsusilə davakar, tündxasiyyət, aqressiv, etibarsız, söyüşkən, əsəbi, fitnəkar kimi göstərirlər. Bu çox ürküdücüdür. Halbuki qadın dünyanın ən gözəl bəzəyidir.

İkinci dövlət çevrilişi cəhdi təhlükəsinə qarşı nələr edilə biləcəyinin tədbirləri çox sürətli şəkildə alınmalıdır. Bir tərəfdən bütün hüquqi və asayiş tədbirlərinin alınması, digər tərəfdən isə incəsənət, keyfiyyət və azadlıqların çox genişləndirilməsi lazımdır.

Rumilik fəlsəfəsi bir növ gizli dinsizlik kimidir: Məsnəvini Qurandan üstün hesab edər, şərab halaldır deyər, Allahın haram etdiyi homoseksuallığı qanuni hesab edər. Bu fəlsəfə İngiltərə dərin dövləti tərəfindən İslama qarşı müdafiə olunur. Bir çox insan bu cəhətini bilməz. Mövlanaya aid olduğu iddia edilən kitablarda qeyd olunan bəzi hissələr rumilik fəlsəfəsinin təməlidir. Bunlar sonradan əlavə olunmuş da ola bilər.

Ağaclar baharda gəlin kimi bəzənir. Hamısının səyi çox gözəldir. Çiçəklər ayrı gözəldir, vitamini, ləzzəti ilə meyvələri ayrı nemət. Hər meyvə də içində hədiyyəsi ilə birlikdə çəyirdəyi ilə gəlir. Çəyirdək içində xüsusi pərdə və qablaşdırma ilə ağaca dair hər məlumat olur.

Qüds, Məkkə, Mədinə mübarək diyarlardır. Adlarını eşitmək belə qəlbə rahatlıq verər. Qüdsdə inşaAllah hz. Süleymanın məscidini yenidən inşa edəcəyik. Hər yeri meyvə bağçası edəcəyik, hər yer tərtəmiz gül kimi olacaq. İnşaAllah susuzluq problemi bitəcək, Qüdsdən çay keçəcək.

İnsan ağlı qəflətə çox meyillidir. Tək bir saç telində o insanın eynisi var, o insana dair bütün məlumatlar var. Lakin qəflətlə baxan düşünə bilmir.

İslam Birliyinə, Quranın kafiliyinə, İsa Məsihə, mehdiyyətə qarşı çıxan kəs, Allaha qarşı çıxmış olar. Allah bunun əvəzini çıxar.

Münafiq dərin dövlətlərə qarşı çox hörmətkar və tərəfdaş üslubdan istifadə edər, çünki onların güc sahibi olduğuna inanar. Müsəlmana qarşı isə namərddir.

Münafiqin içində həmişə fırtınalar qopar, ağzından kin daşar. Qəlbindəki qəzəb və kin isə daha böyükdür.

Münafiqlər və kafirlər, Allahın, möminlərin mənəvi məqamını ucaltmaqda istifadə etdiyi iki dəstədən biridir.

Münafiq zehniyyət tələ qurdu, lakin tələləri tərsinə döndü. Bir gecədə bütün millət qurğuşunla qaynadılmış binalar kimi birləşdi, qardaş oldu