Adnan Oktar A9 TV; 1 mart 2017

İnsanlar Allahı sevmək əvəzinə özlərini sevməyə başladıqları zaman Mehdi gələcək və insanlara Allahı sevməyi və Qurana tabe olmağı öyrədəcək.

Qurana tabe olduqda sevginin qarşısında heç bir maneə qalmaz. Quran insanlara Allah sevgisini və Allah üçün bütün varlıqları sevməyi öyrədər.

Peyğəmbərimiz (s.ə.v)-in dövrünü bəzi mövhumatçıların izahatına və ya xurafatlara görə zehinlərində canlandırırlar. Quranda izah edilən doğru olandır.

Qurandan kənar müsəlmanlıq qəbul edildikdə ortaya İngiltərə dərin dövlətinin dəstəklədiyi batil radikal azğın cərəyanlar ortaya çıxır.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Müsəlman qulaqdan dolma məlumatla tənqid edilməz. Ayə ilə, Quranla danışıb; “bu ayəyə görə səhv edirsən” deyə tənqid etmək lazımdır.

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

Özləri Qurandan uzaq din yaratdıqları üçün biz Qurandan bəhs etdikdə öz dinləriylə ziddiyyət təşkil etdiyini görüb heyrətə gəlirlər. Əsil din Qurandır.

Amansız musəvi düşmənçiliyi Qurana uyğun deyil. Allah bir qövmü bütövlüklə lənətləməz.

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

Atalarından batil din gətiriblər və bu batil dini Quranda axtarırlar. Quranda tapa bilmədikləri zaman da bunu qəbul edə bilmirlər.

Təkcə tənqidi üslub işlədərək insanları və səhvləri düzəltmək mümkün olmaz. Müsbət, ağıllı, mülayim üslubla çıxış yolu əldə etmək asandır.

Türkiyə olaraq həmişə doğruya təşviq edən mehriban üslub işlətməyimiz lazımdır. Həmişə zidd, tənqid edən üslubla nəticə alınması mümkün olmaz.

Müsəlmana edilən tənqidin Quranla olması lazımdır. Öz məntiqinə görə deyil, “Qurana görə belədir” deyərək tənqid etmək əhəmiyyətlidir.

Biz bir insanı tənqid etdiyimiz zaman o insanın səhvlərinin düzəlməsi üçün tənqid edərik, heç kimin əzilməsini istəmərik.

“Təhqir etmək azadlığı” deyə bir şey heç bir demokratik ölkədə yoxdur. Hər kəs tənqidini və düşüncəsini hörmət içində ifadə etməlidir.

Bir insanı tənqid etdiyim zaman o insanın xilas olması, etməkdə olduğu səhvi düzəltməsi üçün edirəm. Müsəlmanlara qəzəbim olmaz.

İslamı müdafiə edirmiş kimi görünüb müsəlmanlara yaraşmayan dildən istifadə etmək çirkin hərəkətdir. Özləri İslama uyğun yaşamayanlar müsəlmanları tənqid edirlər.

Bir məsələdə tənqid etdiyimizdə, qarşımıza o insanın düzəlməsini məqsəd qoyarıq, yox olub əzilməsini istəmərik.

Mən səhv yolda olan insanların daha pis yola getmələrini deyil, qazanılıb doğru yola gəlmələrini istəyirəm. Bunun üçün üslubum hər zaman şəfqətlidir, pisliyə belə yaxşılıqla cavab verməkdir. Tənqid etdiyim insanları alçaltmaq deyil, qazanmaq istəyirəm.

Mömini tənqid edərkən bu tənqid Qurana uyğun olmalıdır. Tənqid edənlər də hansı ayəyə uyğun deyil deyə dəlil göstərməlidir.

İstəyən tənqid edə bilər, lakin qanuni hökuməti dövlət çevrilişi ilə devirməyə cəhd etmək rüsvayçılıqdır.

Kommunist Stalinist bir təşkilat olan PYD-ni dəstəkləmək Amerikaya yaraşmayan siyasətdir. Amerika bu mövqedən imtina etməlidir.

Tramp, İrana qarşı mehdiyyətin şəfqət, mərhəmət cəhətindən bəhs edərək nəticə ala bilər. Silahlanma ilə həll yolu meydana gəlməsi mümkün olmaz. Amerika Rusiya ilə ortaq hərəkət etdiyi zaman İranla arasındakı anlaşmazlıqları da həll edə bilər. İngiltərə dərin dövlətinin qarşıdurma oyununa düşməsinlər.