Adnan Oktar A9 TV; 11 iyun 2013

Sevgi dolu olun, şəfqət üslubundan istifadə edin. Zülmkar üslubunu istifadə etməyin. Şəfqətdə bərəkət, zülmkarlıqda bərəkətsizlik vardır.

İslam şəfqətin, mərhəmətin əsl mərkəzi, yeridir. Quranın hökmləri şəfqətin, mərhəmətin, dostluğun, gözəlliyin bütün infrastrukturunu yaradır.

Din sevgi, mərhəmət, şəfqət, dostluq, təmizlik, yaxşılıq, gözəllik, hüzur, insanlara qarşı xoş niyyətli olmaq, kasıbları, Allahın yaratdıqlarını, bitkiləri, hər şeyi sevməkdir.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

Müsəlmanlar atəşi nura, qəzəbi mərhəmətə çevirərlər.

Necə olursa olsun mərhəmətli, şəfqətli olmaqdan imtina etməmək lazımdır. Çünki Quranın hökmü. Allahın ən çox bəhs etdiyi şəfqət, mərhəmət, mülayim olmaqdır.

İctimai ədalətin əsl sahibi mehdiyyətdir. Marks ictimai ədaləti Tövratdan öyrənmişdir.

Vəhşi kapitalistlər daim müsəlmanları əzib, iztirab verib, məcbur ediblər. İslam ictimai ədaləti, kasıbları qoruyan ruhu əsas götürər. Mehdiyyət bu fikrin mükəmməl tətbiqidir.

İmtahan o qədər əhəmiyyətlidir ki, imtahan verməsək cənnət mənasız olar, Allah göstərməsin. Bu, çox mühüm məsələdir. Sevgi öz mənasını tapır. Çünki sevgini öyrənmək lazımdır. Səbir, şəfqət yoxdursa, kainat mənasız olur.

Fənərbaxça, Beşikdaş, Qalatasaray tərəfdarları ―onlar da bir-birlərini çox sevsinlər. Döyməyə, söyməyə, kəsməyə, asmağa, təhqirə nə ehtiyac var? Bu dəhşət iman zəifliyindən qaynaqlanır. Futbol komandası tərəfdarlarına sevgi, mərhəmət, şəfqət baxımından təhsil vermələri lazımdır. Hər yerdə xüsusi söhbətlər təşkil edilməlidir. “Sevgi günləri” adlı gün təşkil etmək lazımdır. Bir-birilərinə isinmələri üçün yığıncaqlar təşkil etmək lazımdır.

Hz. Mehdi (ə.s) vəhşi kapitalizmin əleyhinədir. Quranda vəhşi kapitalizm tənqid olunur. Allah Quranda vəhşi kapitalizmin azğınlığını izah edir və malın bərabər paylanmasını əmr edir. Bu isə vəhşi kapitalizmin sonudur.

Sevgi ilə, nəzakətlə ən əsəbi bir insanı belə sakitləşdirmək mümkün olur. Bir cəmiyyətin əsəbi və hirsi çox gözəl yatırıla bilər. Amma qışqırıb çığıraraq, qoçuluq edərək, rüsvayçılıq çıxararaq, təhdid edərək, qatı dinçiliklə cəmiyyəti yatırmaq mümkün olmaz.

Hər şeyin ən gözəli, ən şirini, ən müsbəti, doğru olanı― din budur. Hər şeyin ən yaxşısı nədirsə din odur. Gözəl söz, paltar, danışmaq, gözəl yeməklər, evlər, küçələr, çiçəklər, gözəl xanımlar… Hər şeyin gözəlidir, maşaAllah.

Əxlaqı Allah müəyyənləşdirir. İnsana əxlaqı öyrədən Allahdır. Biz Allah öyrətdiyi üçün əxlaqı bilirik. Haşa, Allaha əxlaq öyrətməyi istəmək çox böyük ağılsızlıqdır. Haşa Allaha, Qurana din öyrətməzlər.

Biz kommunizmin ictimai ədalət düşüncəsinə qarşı deyilik, dinsiz, mərhəmətsiz, qan tökən qaranlıq ruhuna qarşıyıq.

Sosialistlər, marksistlər ictimai ədalət inancını Tövratdan, məsihiyyətdən, Məsih inancından, Məsih dövründəki ictimai ədalətin ehtişamlı şərhlərindən, Mehdi dövründə meydana gələcək iqtisadi ədalətin gözəlliyindən təsirlənərək oradan götürmüşlər.

Qadınlar çox həssasdır, çox tez ürəkləri qırılar. Çox tez kədərlənə bilər, vəsvəsə edə bilər. Çox diqqətlə qayğı göstərmək lazımdır. Məsələn, üzündəki ən kiçik soyuqluq belə onu təhqir edə, narahat edə bilər.

Türkiyə İslam əxlaqına tam uyğun olan, şəfqəti, mərhəməti, nəzakəti, keyfiyyəti ən yüksək dərəcəyə gətirmiş, bütün insanlığa nümunə olan, elmdə sənətdə irəliləmiş bir ölkə, millət olaraq onların qarşısına çıxanda heyran qalacaqlar, Avropa Birliyinə girməyimizi xahiş edəcəklər.

İslam əxlaqını aradan qaldırmaq üçün xurafatçılardan daha güclü bir cərəyan yoxdur.

DÜŞÜNÜN, BİR İNSAN ƏN MÜKƏMMƏL, YAXŞI, KEYFİYYƏTLİ NECƏ OLA BİLƏR? BU TƏKCƏ İSLAMİYYƏTLƏ MÜMKÜNDÜR. Ən gözəl xasiyyətli, ağıllı, təmiz, məqsədəuyğun hərəkət edən, gözəl düşünən, təvəkküllü, səbirli, şəfqətli, insanpərvər… Bunları səhərə qədər artırmaq olar. Bütün bu xüsusiyyətləri üzərində cəmləyən insana Müsəlman deyilir.

Sevgisiz, sənətə və elmə qarşı olan, şəfqətdən uzaq, yetkin olmayan, Allahın verdiyi dəyərlərin və gözəlliklərin qiymətini bilməyən, incə düşünə bilməyən, nəzakətsiz, xam, kobud xurafatçılara yobaz deyilir.

Hakimlər psixoloji yoxlamadan keçirilməlidir. Hakimlik edə bilmək bacarığı olanları hakim etmək lazımdır. Psixoloji vəziyyətinə baxmaq lazımdır. Hakim şəfqətli, nəzakətli olmalıdır. Kobud, ora-bura qışqırıb çağıran, əsəbi, hirsli insandan hakim olarmı?

YƏHUDİLƏRƏ DƏ, XRİSTİANLARA DA ŞƏFQƏTLƏ YANAŞMAQ LAZIMDIR. GÖZƏL bir üslubla. Allah "gözəl bir USLUBLA MÜZAKİRƏ EDİN " əzakətli bir üslub istəyir . "Allahın birliyinə dəvət edin" deyir. Amma bir qisimi onları asıb-kəsməklə izah etməyə çalışır. İsa Məsih gələcək və hamısına mərhəmətlə yanaşacaq. Biz indiki mərhələdə bu insanları İsa Məsih üçün hazırlayırıq .

Mehdiyyət, Mehdi (ə.s) tərəfdarı məğlub olmaz. Mehdi (ə.s) tərəfdarı Cəbrayıl, Mikayıl və mələklər tərəfindən qorunar, kim olursa olsun. Allah tərəfindən Mehdi (ə.s)-ın əleyhinə olanlar da mütləq boğular.

Sosialist inqilabı etməyə ehtiyac yoxdur. İslam Birliyi, Türk İslam Birliyi inqilabı olacaq. Atatürkün dediyi olacaq. Atatürkün prinsiplərindən biri də inqilabçılıqdır. Atatürkün dediyi inqilab Türk İslam Birliyi, İslam Birliyi inqilabıdır. Hal-hazırda demokratiya ilə, sevgi ilə, məlumatla, ağılla, nəzakətlə, sənətlə və estetika ilə davam edir.