Adnan Oktar A9 TV; 30 noyabr 2016

İslam Birliyində xristianlar, musəvilər, dinsizlər, hər kəs yer alacaq. Hamısı güvən və hüzur içində yaşayacaqlar.

Hz. Musa dövründə münafiqlər Fironun zülmündən xilas olduqlarına şükür etmək əvəzinə Misir sistemindəki həyatı tələb ediblər. (Bəqərə surəsi, 61: Siz (isə belə) demişdiniz: "Ey Musa, biz bir növ yeməyə dözməyəcəyik, Rəbbinə yalvar da, bizim üçün yerin bitirdiklərindən paxla, yemiş, sarımsaq, mərcimək və soğan bitirsin". (O zaman Musa:) "Xeyirli olanı, bu dəyərsiz şeylə dəyişdirmək istəyirsiniz? (Elə isə) Misirə enin, çünki (orada) özünüz üçün istədiyiniz vardır" demişdi. Onların üzərinə zillət və yoxsulluq (damğası) vuruldu və Allahın qəzəbinə düçar oldular. Bu, şübhəsiz ki, Allahın ayələrini inkar etmələri, peyğəmbərləri haqsız yerə öldürdüklərinə görə idi. (Həmçinin) bu asi olduqlarına və həddi aşdıqlarına görə idi.)

Allahın musəviləri lənətlədiyi Qurana uyğun inanc deyil. Allah o dövrdə cinayət törətmiş, zülm etmiş olanları lənətləmişdir.

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Münafiq görməmişdir. Hz. Musa dövründəki münafiqlər iyrənc mədələri üçün Fironun yanındakı köləliyə qayıtmağı istəyirdilər. (Bəqərə surəsi, 61: Siz (isə belə) demişdiniz: "Ey Musa, biz bir növ yeməyə dözməyəcəyik, Rəbbinə yalvar ki, bizim üçün yerin yetişdirdiklərindən paxla, sarımsaq, mərcimək və soğan bitirsin". (O zaman Musa :) "Xeyirli olanı, bu dəyərsiz şeylə mi dəyişdirmək istəyirsiniz? (Elə isə) Misirə enin, çünki (orada) özünüz üçün istədiyiniz vardır" demişdi. Onların üzərinə xorluq və yoxsulluq (möhürü) vuruldu və Allahın qəzəbinə düçar oldular. Bu, şübhəsiz ki, Allahın ayələrini inkar etdikləri və peyğəmbərləri haqsız yerə öldürdüklərinə görə idi. (Həmçinin) bu asi olduqlarına və həddi aşdıqlarına görə idi.)

Münafiq vicdansızlığın və əxlaqsızlığın nə olduğunu bilər. Bilə-bilə əxlaqsızlıq edər. Keyfiyyətli münafiq dediyimiz zaman kütlələri yönləndirə bilən lider xüsusiyyətindəki münafiqləri nəzərdə tuturuq. Məsələn, Samiri də keyfiyyətli münafiqdir. Samiri də kütləni yönləndirməyi hədəfləyir; "mən sizi keçmiş görkəmli günlərinizə qaytaracağam, Musa haşa öz dinini unutdu" deyə ortaya çıxır. Samiri müsəlmanları həmişə yoran, enerjilərini yox edən fəaliyyət göstərir. Əvvəlcə qızılları götürüb səhrada daşıtdırır, sonra ocaq qalatdırır. Sonra qəlib düzəltdirir. Çox sayda müsəlmanı qızıldan buzovu düzəltmək üçün məşğul edir, hər gün ayrı bir iş çıxardır. Samiri təkcə pis mənfəətini düşünür. "Siz Musanın yanında dəyişməz həyat tərzi yaşayırsınız, mən həyatınıza yenilik gətirəcəyəm, hər növ yemək olacaq" deyir

Münafiq cəmiyyət mikrobudur. 2 nəfər tapsa dərhal yalan söyləməyə başlayar, Allaha, dinə zidd ruh halına keçər. Hz. Musa dövründə münafiqlər bir neçə paxla, soğan, sarımsaq üçün hz. Musanı tək qoyub Fironun yanına qayıdırlar. Münafiq bu dərəcə alçaqdır. Münafiqlərin etdiyi pisliyi peyğəmbərlər xeyirə döndərərlər. Samiri büt düzəldir, Musa bütü əzib dənizə atıb Manna ilə qövmə bərəkət gətirir.

Münafiq öz zəif ağlına görə Peyğəmbərin zəifliyini tapıb istifadə etməyə çalışar. Samiri də xaincə hz. Musanın dinini unutduğunu iddia etmişdir.

Fikir oğurluğu münafiqlərin xüsusiyyətidir. Samiri də Musanın biliyini öz fikri kimi təqdim etmiş və xalqa belə təsir etmişdir.

Xızır və Musa hekayəsində keçən divarın bərpa edilməsi, Xızırın bənna olduğunu göstərir.

Xızır hekayəsində keçən “Onu xatırlamağımı mənə təkcə şeytan unutdurdu” ifadəsi, şeytanın hz. Musa üzərində göstərdiyi təzyiqə işarədir.

Musanın köməkçisinin getdiyi yerin iki dənizin birləşdiyi yer olması, suyun axıntısından və qayalıqdan bəhs edilməsi İstanbula işarədir.

Həzrəti Xızır bir çox tarixi əsərdə balıq kimi simvolizə edilib. Həzrəti Musanın Xızır ilə görüşü İstanbulda baş tutub.

Musəvilər, xristianlar, evanqelistlər həmişə hz. Mehdi (ə.s)-ın gəlişini gözləyirlər, bütün səhih hədis kitablarında mehdiyyət mövzusu qeyd olunur.

Münafiq acgözdür. Əsil məqsədi müsəlmanları çətin vəziyyətdə qoymaqdır. Hz. Musa ilə səhrada olarkən paxla, soğan istəyirlər sırf əxlaqsızlıq olsun deyə. Münafiq müsəlmanın yediyi yeməkdən istəməz, hz. Musa dövründə sırf tamahkarlıq olsun deyə səhrada sarımsaq yemək istəyirlər.

Müsəlman xristian, musəvi, vəhhabi, şiə, buddist, hər kəsin xilas olması üçün səy göstərər. Heç kimin həlak olmasını istəməz. Bu Qurana uymaz.

Hər uşaq İslam fitrəti üzərinə dünyaya gələr. Uşaqları daxil olmaqla, bir cəmiyyətin bütövlükdə lənətli olduğunu söyləmək İslama uyğun deyil. Allah bütün musəvilərin deyil, zülm edənlərin lənətli olduğunu söyləmişdir. Bir xalqın anadangəlmə lənətli olduğunu söyləmək zülm olar.

Rusiyada dindar pravoslavların, musəvilərin, müsəlmanların olması çox gözəldir. Sinaqoqlar, kilsələrin dolu olması bizi çox sevindirir. Rusiya ilə aramızı vurmağa çalışdılar, Rusiya mediasındakı yazılarımızla Rusiya-Türkiyə dostluğunun güclənməsinə vəsilə olduq.

Hz. Musa dövründəki münafiqlər, bir cür yemək kifayət etməz, sağlamlığımıza zərərdir deyirlər. Həmişə xiyar, soğan istəyirlər. Məqsədləri yemək və ya sağlamlıqları deyil, müsəlmanlara iş çıxartmaq, həmişə qarışıqlıq yaratmaq və müsəlmanların vaxtını almaqdır.

Əbdülhəmid dövründə Fələstindəki musəvi əhalisi 80 minə yüksəlmiş və 36 musəvi yaşayış məntəqəsi salınmışdır.

Xristianlara və musəvilərə “kafir” deyilməz. Onlar Kitab əhlidir. Allah Kitab əhlinin yeməyini və qadınlarıyla evlənməyi halal etmişdir.

Peyğəmbərimiz (s.ə.v)-in peyğəmbərliyini qəbul edən bir musəviyə “kafir” demək Qurana uyğun olmaz.

Musəvi düşmənçiliyi Qurana uyğun deyil. Musəvilər hz. Musanın övladlarıdır, minlərlə ildir ki, hz. Musaya sədaqət göstərirlər. Müsəlman bütövlükdə bir qövmə qarşı olmaz. Hər cəmiyyətdə olduğu kimi, musəvilər arasında da zalımlar olar, təkcə zalımlara qarşı çıxılar.

Amansız bir xristian və musəvi düşmənçiliyi müsəlmana yaraşmaz. Allah onların Kitab əhli olduğunu bildirmişdir. Kitab əhlinə şəfqət duyular.

Müsəlmanların üzərindəki nur və təmizlik imanın açıq dəlilidir, təcəllisidir.