Adnan Oktar A9 TV; 15 may 2015

Müşriklər Allahın hökmünü, Quranı qeyri-kafi görərlər. Öz aləmlərində Allaha əxlaq öyrədir, Allaha din öyrədirlər, haşa. Buna görə də, İslam dininə ya əlavələr, ya da çıxarışlar edirlər.

Quranda şiəlik vardır? Quranda sünnilik vardır? Haradan çıxarırsınız? Quranda Vəhhabilik vardır? Bir Quran, bir İslam dini var. Hamımızın adı da müsəlmandır.

Müşriklərin Mehdidən xoşu gəlməz, İsa Məsihin enişindən xoşu gəlməz, İslam Birliyindən xoşu gəlməz. Bir şəkildə sözü əyər-bükər bunu ifadə edər. Allah ayədə: “Belə ki, müşriklərin xoşuna gəlməsə də, Onu (haqq din olan İslamı) bütün dinlərdən üstün edəcəkdir” deyir. Çünki müşriklər qəti şəkildə İslam Birliyinə, Mehdiyə, İsa Məsihin enişinə qarşı çıxırlar.

Quranda tələb olunan şeylər çox azdır. Namaz çox qısa şəkildə izah olunmuşdur, oruc qısa şəkildə izah olunmuşdur, zəkat qısa şəkildə izah olunmuşdur. Mərhəmətli olun, şəfqətli olun, yalan danışmayın, dürüst olun. Yaxşı niyyətli olun, bir-birinizi sevin. Allahı çox sevin. Bir-birinizə kömək edin, mal-dövlət yığma hərisliyiniz olmasın; mal-dövlət Allahındır. Çox qısadır. Bunlardan başqa həmişə kafirlərin törətdikləri pis əməllər, küfr əhlinin, azğınların, dəlalət əhlinin ədəbsizlikləri və bunlara verilən cavablar vardır.

Xurafatçılıqla İslamı bütün dünyada dəyərdən saldılar. İslam günəşini söndürmək istəyirlər. Asma, kəsmə, döymə, qadınları alçaltma, qadınlara "yarım varlıq" demə vardır, musiqi yoxdur, şəkil yoxdur, incəsənət yoxdur, xeyirxahlıq yoxdur, gözəllik yoxdur, məhəbbət yoxdur, o yoxdur, bu yoxdur. Siz dəlisiniz? Sanki cəhənnəm həsrətindədirlər. İslamda belə bir şey yoxdur.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Müşriklər təhqir edə bilər, pis sözdə deyə bilər, hücum edə bilər. Allah: "Onlara fikir vermə" deyir. Niyə fikir vermə deyir? Çünki onlara o gücü verən Allahdır. İstəsə müşrik olmazdı. Onların danışdıqları şeyləri də yaradan Allahdır. İstəsə hamısının ağzını bağlayar, heç danışa bilməzlər. Bunun üçün Allah müsəlmanlardan, çox soyuqqanlı ruh halına sahib olmalarını istəyir.

Ayə deyirik; "Allah Quranda belə deyir" deyirik. "Hocalar belə demir" deyir. Sən niyə Qurana etibar etmirsən? Allahın Kitabına etibar etmirsən. Hökmən atalarının dinini Quranda tapmalıdır. Tapmasa qəbul etmir. Din birbaşa Qurandan öyrənilər. Atalardan öyrənilməz.

Peyğəmbərimiz (s.ə.v)-in dövründə, səhabələrin dövründə məzhəblər yox idi. Vəhhabi, sünni, şiə müsəlmanları yox idi. Quran müsəlmanlığı vardı.

Peyğəmbərimiz (s.ə.v) haramları Qurandan öyrənirdi. Quranda bildirilənlərdən başqa haram, halal olmaz. Hz. Aişə anamızdan belə bir şey soruşurlar; "Rəsulullah (s.ə.v)-in sünnəti nədir?", O da; “Qurandır” deyir. İş çıxarmayın. Quranda bildirilənlərdən başqa haram, halal olmaz.

Peyğəmbər özündən Qurandan kənar halallar, haramlar çıxara bilməz. Bu mövzuda açıq Quran ayələri vardır.

Cəmiyyətlərdə hər atanın, ananın özünəməxsus bir din anlayışı olur. Gənclərin də özünəməxsus din anlayışları olur. Onlar bir-birləriylə ziddiyyət təşkil edir. O onu bəyənmir, o onu bəyənmir. Halbuki, hər kəs Qurana tabe olsa, onda vahid bir ümmət olarlar.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Xurafatçıların, qatı dinçilərin uydurma xurafatları atılsa, geriyə yalnız saf, xalis, əsil İslam dini qalar.

İslamı müşrik, bütpərəst bir sistemə çevirdikləri üçün, Allah da yola gətirmək, islah etmək üçün bəla, fəlakət, aclıq, müharibələr, terror yaratmaq üsullarından istifadə edir. Allah imtina etsinlər deyə inanılmaz dəhşət meydana gətirir. O zaman daha çox bütünə sarılır. “Qurtuluş bütə sarılmaqdadır” deyir. Bütünə sarıldığın üçün bu hala düşürsən.

Müşrik bəzən özünü yaxşılıq edəcək kimi göstərər, amma namərddir. Müşrikin göstərdiyi üzünə inanmamalısan. Sənin yanında göstərdiyi yaxşı rəftar, yaxud danışıqlar, çıxışlar etibarlı deyil. Onun hiyləgər və gizli manyak dünyası əsasdır. Quran buna diqqət çəkir.

Ağlamaq müşriklərin ümumi xüsusiyyətidir. Özlərini ağlayan, zırıldayan belə həssas, mərhəmətli, kədərlənən insanlar kimi göstərirlər və beləliklə, yolları da açılar. Halbuki insan Allah qorxusundan, Allah sevgisindən ötrü ağlayar; amma bunlar müşrik ruhuyla, göstəriş üçün, oyun və taktikaları üçün ağlayarlar.

Müstəqil sevgi olmaz. "Məni kifayət qədər sevmir" deyir. Əvvəla sevgini Allah yaradar. Sən müşrik sevgisi istəyirsən. Büt sevgisi istəyirsən. Sən bir insanı bütləşdirsən, onsuz da müşrik olarsan. Allah bəla verər, qəlbin sıxılar. Allah qəlbindən sevgini alar. Nə sevər, nə də sevilərsən. Sevgini bilavasitə Allahdan gözləmək lazımdır.

Yəhudilər ayrıdır, Yəhud qövmü vardır. Tövratda da keçər onlar; “Yəhudlar”. Yəhudilərdən fərqli qövmdür. Müşrik qövmdür və onların bir hissəsi keçmişdə mömin yəhudilərə baş bəlası olmuşdur.

Allah şirk qoşmadıqlarından ötrü müsəlmanlara müvəffəqiyyət verdiyini söyləyir. İnsanlar bu sirri heç cür anlamır. Sən Qurana tabe olsan şərik qoşmamış olarsan. Qurana tabe olmayıb, uydurma hədislərlə hərəkət etdiyində müşrik olursan.

Yas saxlamaq müşriklərin adətidir. Qədim Şumerlərdə, Mesopotamiyada, Xetlərdə, Qədim Yunanıstanda, Qədim Misirdə tətbiq olunmuş bir adətdir. Peyğəmbərimiz (s.ə.v) bir çox hədislə yas saxlamağı qadağan etmişdir. Bu Qurana ziddir. Allahın lütfünə üsyan etməkdir. Bu müsəlmana yaraşan bir rəftar deyil, verdiyi məna çox pisdir. İslamda yas saxlamaq yoxdur.

Şəhidliklə fəxr edilər. Şəhidlik şərəfdir, nemətdir, yas saxlayacaq bir şey yoxdur. Müşriklər yas saxlayarlar. Kafirlər ağlayar, Allah ayədə: "Az gülüb çox ağlasınlar" deyir. Bəs sən nə deyirsən? "Gülməyin" deyirsən. Allah bunu müşriklər üçün söyləyir. Müsəlman gülər və Allaha olan eşqindən ötrü ağlayar.

Qatı dinçilər, həyatı cəhənnəmə çevirən, İslamı cəhənnəm kimi göstərən hərəkətin, ən təqvalı hərəkət olduğuna inanırlar. Məsələn, namazı qıla bilməyəcək hala gətirərsə, onun təqvalı bir hərəkət olduğuna inanırlar. Dəstəmazı alına bilməyəcək hala gətirərsə, bunun da təqvalı bir hərəkət olduğunu düşünürlər. Halbuki, Allah Quranda dəstəmazın tərifini bir sətirlə vermişdir.

Qatı dinçilər müsəlmanları bir-birinə də qırdırırlar. O bunu öldürür, bu onu öldürür. Fəxr edir sonrada. “Allaha çox şükür, bu gün iki yüz şiəni öldürdük” deyir. Digərləri də; “Allaha çox şükür biz bu gün üç yüz sünnini öldürdük. Havadan bombaladıq” deyir. Qatı dinçi İslam anlayışı özü ilə məhz bu fəlakəti gətirdi.