Adnan Oktar A9 TV; 30 iyun 2013

Çadralı və başı açıq xanımların bir qismi arasında nifrət mütləq yox edilməlidir. Müsəlman hz. Məryəm kimi həlim olmalıdır.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

İnsan sənətlə xoşbəxt olar. Gözəl geyinən insanları, gözəl evləri görərkən xoşbəxt olar. İnsanlar gözəllik axtarar; musiqidə, şəkildə, heykəldə gözəlliklər axtarılır. Onları görəndə insan xoşbəxt olar.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

Binayla, daşla insanlar xoşbəxt olmaz; Allah sevgisi ilə, Allah qorxusu ilə xoşbəxt olar. Quran möcüzələrini, iman həqiqətlərini biləcək, Allaha aşiq, Allaha təslim olacaqlar, yalnız belə olduqda həyatın bir mənası olar.

Mehdiyyət təzyiq göstərən deyil. Yəni kim vətəndaş namazını qılacaq, kim qılmayacaq, kimi başı açıq olacaq, kimi dekoltə geyinəcək, kimi çarşabla gəzəcək. Amma bütün insanlar xoşbəxt olacaq. Hər kəs azad olacaq.

Allah ayədə "xoşbəxt olun, Mənə dönün, sizi daha da xoşbəxt edim" deyir. "Daha çox nemət verim. Həmd, şükür edin, daha çox nemət verim", "dünya da sizin, axirət də yalnız sizindir", "dünyada gülün" deyir. Sevinc içində olacaq və Allahın nemətlərinə şükür edəcəyik.

Mehdiyyətin xüsusiyyəti, insanların xoşbəxtliyini hədəfə almasıdır. Mehdiyyət təzyiq edən deyil. Kiminsə inancına və düşüncəsinə qarışmaz. Hər kəs azad olacaq. Dindar bir mərkəz bütün insanlara sevgi aşılayacaq.

Vəsiləmizlə, Türkiyənin 95%-i darvinizmə inanmır. Etdiyimiz elmi işlərlə solun hücum gücünü qırdıq və AK Partiyanın iqtidara gəlməsinin fəlsəfi zəminini biz yaratdıq.

Sevgi asanlıqla əldə edilmir, insanlar nifrətə çox meyillidirlər. Sevgiyə həmişə əmək vermək lazımdır, səbir lazımdır.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Bəzi insanlarda nifrət dəniz kimi olur və bunun içində boğulurlar. İnsanlar sevgini sanki unudublar. Sevginin oyanması üçün çoxlu cəhd lazımdır. Sevgini gündəm halına gətirmək lazımdır. Çünki sevgi daha da gücləndikdə nifrəti əzməyə başlayar və qalib gələr.

Xoşbəxtlik olmadıqda insanın bədəni zəhərlənir.

Ənənəyə əsaslanan İslam anlayışına sahib gənclərin bir qismi sola qarşı gücsüzdürlər. Ənənəyə əsaslanan İslam anlayışına sahib sağın bir qismi də, sola qarşı həmişə gücsüz olmuşdur.

Biz AK Partiya hökumətinin, sağın fəlsəfəsini bütün Anadoluda yaydıq. Darvinizmi-materializmi elmi dəlillərlə yerlə-yeksan etdik. Solun dayaq nöqtələrini aradan qaldırdıq. Həm müasir İslam anlayışının, həm anti-darvinist, anti-materialist sistemin yayılması hökuməti ideoloji istiqamətdən polad kimi gücləndirdi. Beləcə devrilməz iqtidar yaranmış oldu.

Sağ düşüncə, mühafizəkarlıq bizə keyfiyyətsiz həyat təqdim etməz. Sağ düşüncə və mühafizəkarlığı çox yaraşmayan şəkildə şərh edən, ağızı bağlanmayan bir kütlə var. Yaxın Şərq onların idarəsinə keçdiyi üçün bu qaranlıq, çirkli görünüş bir çox yerdə geniş şəkildə müşahidə edilir.

Solçu sistem onsuz da zəif bir sistem deməkdir, yəni stabil, mövcud sistemin fəaliyyətini dayandıran, inkişafı dayandıran, inkişafa mane olan bir sistem deməkdir. Belə bir sistem nə Avropada, nə də dünyada daim mövcud ola bilməz. Solçu sistem öldü dünyada.

Sağçıların ideoloji zəminini mən və yoldaşlarım hazırladıq. Sağçı bir hökumətin ideologiyası olmadan, hakimiyyətə gəlməsi qeyri-mümkündür. Nə etdik? Darvinizmi, materializmi elmi dəlillərlə yerli-dibli yox etdik. Türkiyədə solçular elmi və fəlsəfi cəhətdən öldü, bundan sonra isə sağçılar hakimiyyət sahibi oldu. Yoxsa darvinizm yox olmadığı halda, sağçı bir partiya addım belə ata bilməzdi.

Qadın azadlığı, fikir azadlığı, ifadə azadlığı məsələsində Türkiyədə gözəl modelik, dayaq nöqtəsiyik. Coşğulu, imanlı gənclik yetişməsinə, darvinizmin çökməsinə, solun fəlsəfi zəmininin aradan qalxmasına bizim işlərimiz vəsilə oldu.

Darvinist düşüncəni elmi cəhətdən çökdürməyimiz solun tam mənası ilə fikri məğlubiyyətinə və sağın güclü şəkildə iqtidar olmasına vəsilə oldu.

CHP müasir dindarlığı müdafiə edən, solun ən sağında olan bir partiya halına gəlsin. Millətimiz o zaman CHP-ni baş tacı edər. CHP keçmiş zehniyyəti tamamilə rədd edib Atatürkün müasir dindarlığını əsas götürən, xalqa yaxın, solun ən sağındakı bir mövqedə çıxış etməlidir.

Mehdiyyət Nuhun gəmisi kimidir. O gəmi ilə səyahət edənlər, bir sözlə, qurtuluşa çatarlar. Mehdiyyətin gəmisinə daxil olmayanlar əzab və zülm içində qalırlar, görürsünüz, iztirab içindədirlər.

Allah mehdiyyətin qarşısına çıxan hər maneəni əzər. Heç bir siyasi güc mehdiyyətə meydan oxuya bilməz, oxusa da mütləq məğlub olar. Naməlum, təxmin etmədiyi bir sistem içinə daxil olar. Fərqinə varmadan məhvə doğru gedər.

Sağın sənəti yox, mehdiyyətin isə sənəti var. Sağın şəfqəti əksikdir: Mehdiyyətin şəfqəti isə daha güclüdür. Solun, yəni kommunizmin mərhəməti, şəfqəti, sevgisi yoxdur. Amma mehdiyyətdə var. Hər ikisinin də sənət anlayışı çox dar çərçivədə, demək olar ki, yoxdur. Mehdiyyətin sənət anlayışı çox dolğun, ölçüyə sığmazdır.

Mehdiyyətə qarşı mübarizə aparmaq, mehdiyyətə qarşı düşmənçilik etmək olmaz. Əks təqdirdə Allah uğursuzluq və bərəkətsizlik verər. Qədərə, Allaha qarşı üsyan olar. Mehdiyyətə qarşı ediləcək ən gözəl şey mehdiyyətə, Allaha təslim olmaqdır. Bundan başqa bir yol yoxdur.