Adnan Oktar A9 TV; 25 avqust 2016

Terrorla mübarizədə yanlış üsul tətbiq edilir. Əvvəlcə təhsil müəssisələrində gənclərə; "sizin əcdadınız meymun idi, ilk əcdadlarınız da ibtidai icma həyat yaşayırdı, tarix bir parabola izləyir və indi yenidən əcdadlarımızın yaşadığı ibtidai icma cəmiyyətinə doğru qayıdırıq, hazırkı sistemi dağıtmağın yolu da zorakılıqdır" deyilir. Buna görə də "məhv olsun terror" demək deyil, terrorun bu fikri zəminini aradan qaldıracaq mədəni iş görmək lazımdır.

Ən mühüm işğal, beyinlərin işğalıdır. Əvvəlcə gənclərin beyinləri darvinist materialist işğaldan xilas edilməlidir. Bu da təhsillə mümkündür.

Demək olar ki, hər mövzuda şərh verən bəzi kəslər PKK-nın minlərlə insanı şəhid etməsinə, etdiyi zorakılığa, namərdliyə tək kəlmə söz demirlər.

Türkiyə üçün əsil təhlükə PKK-dır. Türkiyə sərhədində kilometrlərlə sahə PKK-nın nəzarəti altındadır. Əsil əhəmiyyətli məsələ budur.

PKK-nın həll yolundan anladığı Cənub-Şərqi Anadolu bölgəsində kommunist dövlət qurulması, Öcalanın əfv edilib qatillərin sərbəst buraxılmasıdır. Bunu əsla qəbul etmərik.

15 iyul dövlət çevrilişi cəhdində müvəffəqiyyətli ola bilməyən İngiltərə dərin dövləti indi də Türkiyəni öz aləmində həll yolu prosesinə məcbur qoymağa çalışır. Heç boşuna plan qurmasınlar. PKK-nın istədiyi həll yolu prosesinə heç vaxt qayıdılmayacaq.

PKK-nı təşkil edən də Türkiyənin əleyhinə bütün oyunları planlaşdıran da İngiltərə dərin dövlətidir. Ziyalılarımız bunu açıqca dilə gətirsin.

Türkiyənin əlinə müsəlman qanı bulaşması haram olar. Türkiyənin müsəlmanların səhvlərinə qarşı aparacağı mübarizəsi elm və fikirlə olar. Biz heç kimin bombalanmasını istəmirik. Əsil təsirli mübarizə fikirlə olar. Elmlə mübarizə aparmadan bombalamaqla nəticə alınmaz.

Cerablusu PKK-ya təslim etməyə istiqamətli bir siyasət yürüdülməsi qəbul ediləcək vəziyyət deyil.

Darvinist materialist təhsil Allahın, haşa açıq-aşkar inkar edildiyi bir təhsildir. Bu, Allahın xoşuna gəlməz. Normal qəbul edilməməlidir.

Darvinizm Allahı inkar edən bir fəlsəfədir. Gecə-gündüz birtərəfli darvinist təhsil verilməsi Allah qorusun bəlanı cəlb edər.

Terror bataqlığını qurutmağın tək yolu elmlə, irfanla mübarizə aparmaq, zorakılığın ideoloji təməli olan darvinizmin əsassızlığını izah etməkdir.

PKK-nın hər gün əhvali-ruhiyyəyə ehtiyacı var, buna görə də hər gün hücum edərək güclüyük bizə qoşulun mesajı verməyə çalışırlar. PKK-nın az güclə daha təsirli olmasının səbəbi ideoloji aktivlik və fəallıqdır. Onların bu aktivliyi qarşısında xalqın bir hissəsi yalnız öz evliliyi, məktəbi, işi, futbol matçı dərdində olur. Biganəlik yayıldıqda PKK az güclə təsir əldə edə bilir. Bu biganəlik aradan qalxmalıdır.

İllərdir ki, terrorun bitirilə bilməmiş olması, terrorun fikrinə qarşı təhsil verilməməsindən irəli gəlir. PKK kommunist təhsillə ortaya çıxan bir fitnədir. Fəlsəfi yolla qalib gələ bilmədiyin bir təşkilata qarşı silahla qalib gələ bilməzsən. Qalib gəlməyin yeganə şərti fikri, elmi mübarizədir.

Xüsusi təyinatlılar və terrorla mübarizə aparan keşikçilərimizin ən rahat şəraitdə yaşamaları çox əhəmiyyətlidir. Yeməkləri, yuxuları əhəmiyyətlidir.

Terrora qarşı ən təsiredici çıxış yolu, Əbdülhəmid dövründən bəri tədris planına hakim vəziyyətə gətirilən birtərəfli darvinist təhsilin dayandırılmasıdır.

Baha Tövfiqin darvinizm və materializmdən bəhs edən, Allahın mövcudluğunu inkar edən yazıları Əbdülhəmid dövründə dərc edilib paylanmışdır. Suphi Əthəmin "darvinizm" kitabı, Hoca Tahsin Əfəndinin "Tarih-i tekvin" yaxud "Hilkat" kitabı və daha bir çox darvinist kitab yenə Əbdülhəmid dövründə dərc edilmişdir.

Əbdülhəmid tərəfindən açılan Darülfünunda təbiət elmləri fənlərinin öyrədilməsi üçün xüsusi bir kürsü qurulmuşdu və bu kürsüdə təkamül təhsili verilirdi. İngiltərə dərin dövlətinin dəstəyi Əbdülhəmid dövründə qurulan birtərəfli darvinist təhsil sistemi hazırda hələ də davam edir.

Kommunizmlə, Stalinizmlə ideoloji, fəlsəfi hesablaşma aparılmadıqdan sonra PKK terroru mövcudluğunu davam etdirər, hətta güclənər.

İngiltərə dərin dövləti Əbdülhəmid dövründən indiyədək azğınlığını davam etdirən təhlükəli quruluşdur, həmişə fikri olaraq üstlərinə getmək əhəmiyyətlidir. Ən mühüm mövzuları həmişə gündəmə gətirdik. Birtərəfli darvinizm təhsili gənclərin sevgisiz və eqoist olmasına səbəb olur, dayandırılsın dedik. Əbdülhəmid dövründən indiyədək dövlətin içinə gizlicə daxil olaraq xalqı degenerasiya edən içkini, tütünü, fahişəliyi yayaraq fəaliyyət göstərən İngiltərə dərin dövlətinin fəlsəfəsini, tərəfdarları ilə necə əlaqə yaratdığını, necə təşkilatlanma içində fəaliyyət göstərdiyini təfərrüatları ilə qeyd etdik. Bu sürətlə getsə İngiltərə dərin dövlətinin tam mənası ilə bitdiyini görəcəyik. Osmanlının övladları 200 illik hadisənin fikri olaraq intiqamını alır.

Türkiyənin sərhədində həmişə terrorist yetişdirən kommunist, Stalinist quruluş var. Bu quruluşun əsil fikrinin aradan qaldırılması lazımdır. YPG/PKK-nın fikri zəmini aradan qaldırılmadığı müddətcə terror bitməz. PKK/YPG və digər terror təşkilatları üçün insan tapmaq çətinliyi olmur. İnsanların inancının aradan qaldırılması lazımdır ki, sistem bitsin.

PKK-ya qarşı da İŞİD-ə qarşı da mütləq elmi mübarizə aparılması lazımdır. Elmi mübarizə terrorun zəminini tamamilə aradan qaldırar.

Təhsil müəssisələrində; "əcdadınız meymundur, sizi Allah yaratmadı, haşa Peyğəmbər yalan söylədi" deyilir. Həmçinin darvinizmin elmi cavabının verilməsi qadağandır. Demək olar ki, heç bir ölkədə, heç bir təhsil müəssisəsində darvinizmə qarşı çıxmaq mümkün deyil. Darvinizm elmi cəhətdən çökmüşdür demək qadağan edilmiş vəziyyətdədir. Təhsil sistemindəki bu birtərəfli təkidin və təzyiqin aradan qalxması və darvinizmin elmi cavabının da mütləq izah edilməsi vacibdir.

Gözəlliklə və sevgiylə hərəkət edildiyi zaman hər kəsi qazanmaq, hər problemi həll etmək mümkün olar. Bunun da adı mehdiyyətdir.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.