Adnan Oktar A9 TV; 17 oktyabr 2015

Keşikçi qardaşlarımız qətiyyən dövlətdən küsməsinlər, buna çox diqqət yetirsinlər. Bəzən bir problem yarandıqda dövlətə küsməyə meyl edirlər. Belə şey olmaz. Çünki öz mindiyin budağı kəsirsən. Öz sistemini yox etmiş olarsan. Dövlət küsülməli orqan deyil. Dövlət bərpa edilər.

Əsgərin, polisin silah keyfiyyəti artırılsın və səfərbərlik elan edilsin. Belə edilsə, PKK-nın əhval-ruhiyyəsi tamamilə qaçar. 4 milyon əsgər edəcək. 72 saatda toplaya bilərik, 72 saatda. Baxın, 4 milyon əsgər. Bu titrədər. Yəni bu Çin ordusunda yoxdur, yeri-göyü lərzəyə gətirərlər. İşimiz bitsin, əsgərləri geri çağıraq, sonra da onları tərxis edək. Amma bunu edək.

Allah əsgərimizə güc-qüvvət versin, onları namərd güllələrdən qorusun. Allah onlara heybət versin. Allah qarşılarındakı gücün qəlb gözünü bağlasın, qəlblərinə qorxu salsın. Allah əsgərlərimizə müvəffəqiyyət versin, onları nuruyla əhatə etsin. Hamısına hidayət versin. Şəhid olan olsa da, Allah şəhidliyini mübarək etsin.

Əsgərlərin və polislərin qorxutmaq üçün silah ehtiyatı çox olmalıdır. Uzunmüddətli qarşıdurma olmamalıdır. O silahdan xəbər tutsa, onsuz da ora kimsə gələ bilməz. Köhnəlmiş silahlardan istifadə etsən, adam da gələr.

Əsgərin ürküdücü, heybətli olması Peyğəmbərimiz (s.ə.v)-in sünnəsidir. Məsələn, əsgərlərə bığlarını qısaltdırmırdı. Hətta əl dırnaqları belə uzun olurdu, səhabələrin çox yırtıcı və ürküdücü görüntüləri vardı. Bığları ta qulaq dibinə qədər uzanırdı, yekə bığlı. Görən xeyli titrəyir, qorxur. Əsgərimizin də belə sarsıdıcı görünüşdə olması yaxşı olar. Xüsusilə də PKK üçün, onların kabusu olmalıdırlar.

Dövlət, keşikçiləri polislərin arasına alsın. Saylarını da iki dəfə artıraq. Onlar Cənub-Şərqi Anadolunun bəzəyidir. Canlarını Allah, millət, vətən üçün ortaya qoyurlar. Dövlət bu gözəl insanlara var gücü ilə, ciddi şəkildə sahib çıxmalıdır.

Küfr əhlində, Dəccal ordusunda çox modern silahlar var. Əsgərimizdə bu silahlardan yoxdur. Türk ordusunda fövqəladə silah üstünlüyü olmalıdır.

PKK təhlükəsi olduğu müddətcə keşikçilər də lazımdır. PKK aradan qalxdısa, keşikçilər də aradan qalxsın. PKK mövcuddursa, keşikçilik də mütləq olmalıdır.

Qarşıdurma bölgələrində əsgərlər və polislərin keçid yollarına tez-tez məlumat verə biləcək insanlar yerləşdirilsin ki, yol üzərində ola biləcək təhlükəyə qarşı tədbir alına bilsin.

Kənd mühafizəçilərinə çox şəfqət göstərilsin. Mühafizəçilərimiz şəhid edildiyi zaman, yer-göy inləsin. O canlarım həmişə ön cərgələrdə olur. Bunun üçün bu aslanlara, bu qoç igidlərə lazımi şəfqəti, diqqəti, himayəni hər kəsin ən yüksək səviyyədə göstərməsi lazımdır.

Dövlətimiz keşikçilərimizə sahib çıxsın. Keşikçilərin sayı iki mislinə qaldırılsın. Onlara, ürkütmək baxımından avtomat silah, daha təkmilləşmiş, uzun mənzilli silahlar verilsin. PKK-nın üzərinə bu aslanlar göndərilsin, qaplan kimi.

Əsgərin əli ilə müsəlman öldürtmək ən böyük namərdlikdir. Heç bir türk əsgəri bunu qəbul etməz. Belə bir təklifi qəbul edəcək heç bir türk siyasətçisi də ola bilməz. Amerika uzaqdan həvəslənməsin,

Türk əsgəri heç bir şəkildə cani ola bilməz, cinayətə şərik ola bilməz. Kim türk əsgərini cinayətə təşviq etsə, qarşısında ağlı başında olan insanların olduğunu görəcəkdir. Türk əsgəri onsuz da belə bir tələyə düşməz. Belə bir çirkin cinayət törətməz. Bizə qatil olmağı təklif edənlər əxlaqsızlıq edirlər.

Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Əsgər niyə əsgər olur? Allah üçün, vətən üçün, bayraq üçün ölməyə hazır olduğu üçün əsgər olur. Bu vəzifənin xüsusiyyəti budur. Polis vətənin satıldığını hiss edərsə, satanlara dünyanı dar edər. Qaçıb gizlənməyə dəlik axtararlar. Yəni: "Kaş ki, yaşamayaydım" deyərlər. Bunu deyim ki; polis onu qanunla, hüquqla məhv edər. Ən birinci polis və əsgər.

Türkiyəni bölməyə təşəbbüs edərlərsə, buna ilk növbədə türk polisi qarşılıq verər. Türk polisinin polis vəzifəsinə hansı səbəbə görə gəldiyini bilirsənmi? Ölmək üçün gəlir. Polislik; vətən üçün, millət üçün, bayraq üçün, Allah üçün ölməyə qərar verən peşənin adıdır.

Dövlət Cənub-Şərq bölgəsində yaşayan bələdiyyə başçılarına da rüsxətli avtomat silah versin. Qardaşım bu iş çox çətindir. PKK-lılar iki min metr məsafəni vuran avtomat silahlarla qapıya gəlib çıxırlar. Keşikçilərdə və bələdiyyə başçısında silah olduğu təqdirdə, adam necə gələ bilər? Bunu nəzərə alar, "Aman aman" deyər. Buna görə də PKK-ya qarşı silahdan istifadə etmək, qorxutmaq üçün əhəmiyyətlidir.

Həm keşikçi qardaşlarımızın polis heyətinə salınması, həm də keşikçi sayının artırılması çox vacibdir. Cənub-Şərq bölgəsi problemi köklü surətdə bu yolla həll olar. Birinci sevgi, ikinci şəfqət, üçüncü keşikçi sayının artırılmasıdır. Başqa bir şey yoxdur.

Keşikçilərimiz aslandır, igiddir, dəliqanlıdır. Şəhid olanlar cənnət aslanı olur. Mövqelərinə görə təbrik edirik.

“Biz Quranı sənə ona görə nazil etmədik ki, çətinlik çəkəsən” (Taha surəsi, 2) İnsan düşünür. Anlamırsanmı? Çətinlik çəkirsənsə səhv yoldasan, iztirab çəkirsənsə səhv yoldasan. İslam asanlıq dinidir.

Möminlər qardaş/bacıdırlar. Hər yerdə bir-birlərini sevib hörmət qoymalıdırlar, qoruyub himayə etməlidirlər. Yaxşı gündə, pis gündə bir-birlərinə hüsnü zənlə baxmalıdırlar, xeyir gözüylə baxmalıdırlar, sevgi ilə baxmalıdırlar. Tərəf tutma siyasəti gözü ilə baxmamalıdırlar. Hansı partiyadan, hansı düşüncəyə sahib olmağından asılı olmayaraq, mömündür, ya yox, biz mütləq buna baxmalıyıq. Kişi və qadın möminlər bir-birlərinin bacı-qardaşı və himayədarıdırlar.

Zorla niyə çətinlik istəyirsən? İslamda musiqi var, şəkil də var. Əylənərsən, gülərsən, oynayarsan, namazını da qılarsan, gəzərsən, üzərsən. Həyatı öldürərək müsəlmanlıq olarmı? Bütün halalları haram edirsən. Allah sənə onları nemət kimi vermişdir, sən Allahın o nemətlərini yox edərək, Allahın dininə qarşı mübarizə aparmış olursan.

Heç birimiz dünyada daimi qalmayacağıq. Əhəmiyyətli olan axirətə şərəflə getməkdir. Şəhidlərin ruhu necə gözəldir, bu cür şərəflə gedirlər.

Uzun ömür İslama xidmət etmək üçün istənilər. İslama xidmət etməyən insan üçün bəlaya çevrilə bilər. İnsanın ömrü uzanar, cəhənnəmin daha da dibinə gedər. Xeyirli uzun ömür əhəmiyyətlidir. Savabı itirdikdən sonra, Allaha xidməti itirdikdən sonra uzun ömrün faydası yoxdur. Uzun ömür İslama fayda vermək üçün əhəmiyyətlidir.