Adnan Oktar A9 TV; 8 mart 2017

Quranda qadının döyülməsinə dair hökm yoxdur. Qadını haşa aşağı, özlərini isə üstün hesab edənlərin zehniyyəti Qurana uyğun deyildir.

Quranda qadının döyülməsi hökmü yoxdur. Peyğəmbərimiz (s.ə.v) qadınlara heyranedici dərəcədə dəyər vermişdir.

Qadınlar Mehdi dövründə çox azad olacaq, heç kim onlara qarışa bilməyəcək və narahat etməyəcəkdir.

Qadın qarşısındakı insanın ağlına, dərinliyinə, şəxsiyyətinə və etibarlı olub-olmadığına baxar. Qadın Allah sevgisi axtarar, dostluq və şəfqət istəyər.

Qadının gözəlliyi qadının zinətidir. Qadının gözəlliyini yox etmək qadını müəyyən mənada öldürməkdir. Qadının gözəlliyini təqdir etmək nemətdir. Qadının şərəfinə, iffətinə hörmət edərək gözəlliyini təqdir etmək lazımdır.

Qadının nəcibliyinə diqqət göstərərək, hörmət edərək tərif demək əhəmiyyətlidir. Qadın özü ilə ünsiyyətdə olanın keyfiyyətli və ağıllı olmasını istəyər.

Bəzi əxlaqsızlar qadın gördükləri zaman onu necə kədərləndirəcəklərini, necə faydalanacaqlarını düşünürlər. Qadın fövqəladə hörmətə layiq olan varlıqdır. Qadınların gözəlliyinə nail ola bilməməyin verdiyi həqirlik və qısqanclıqla təcavüzkarlıq edirlər. Doğru təhsil olsa qadına hörmət tam olar.

Nəzakət, mədəniyyət, bilik, keyfiyyət artırılsa qadınlar hər yerdə istədikləri kimi geyinər və azad gəzərlər. Əvvəlcə layiq olduqları hörməti görmələri lazımdır.

Qadınlar çox nəfis varlıqlardır. İnsan baxmağa və sevməyə doya bilmir. İnsanların qadınların qiymətini bilməməsinə təəccüblənirəm.

Qadına şiddəti təşviq etmək böyük günah və şiddətli vicdansızlıqdır. Mövhumatçı sistemdə qorxunc qadın əleyhdarlığı və düşmənçiliyi hakimdir. Haşa qadınlara ağlı və dini yarımçıqdır demək, mövhumatçı sistemin ən qorxunc tərəflərindən biridir. Qadının varlığına belə dözə bilmirlər.

Mövhumatçılıq qadına dünyanı cəhənnəmə döndərmək üçün yaradılmış bir sistemdir, qadını haşa yarımçıq hesab edirlər.

Qadının gözəlliyi heyranlıq yaradar. Gözəl qadın gördükdə heyvani hisslə hərəkət edilməz, hörmət və ehtiramla davranılar.

Bir-birlərinə güvənməyən, hörmət göstərməyən insanların bir-birlərini səmimi-qəlbdən sevməsi mümkün deyil. Allah qorxusu və sevgisi olmadıqca tez-tez bir-birlərinə telefonla nəzarət edir, "indi haradasan, kiminləsən" deyirlər, qarşısındakının söylədiklərinə inanmırlar. İman olmadıqca güvən və sevgi olmur. Sevgidən anladıqları dalaşmaq, bir-birini ittiham etməkdir. Gün boyu bir-birləriylə didişirlər. Sevgi və ehtiras möminlərə məxsus nemətlərdir.

Hər kəsdən nifrət edən, Allah sevgisi və Allah qorxusu olmayan, sevgisizlik içində boğulmuş insanları səbirlə yetişdirəcəyik. Təhsil əsas şərtdir.

Ehtiras çox gözəl nemətdir. Ehtiras üçün qəlbdən Allah sevgisi, çox səmimi Allah qorxusu və dərin iman lazımdır.

Tövratda Mehdinin Allahdan çox qorxduğu və mənəvi təzyiq kimi çox çətin imtahanlarla üz-üzə qalacağı izah edilmişdir.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

Sevgi üçün dərin səmimiyyət, dərin Allah qorxusu lazımdır. Allah sevginin şərtlərini Quranda bildirmişdir, bunlar olmadıqda sistem çökər. Sevginin yaranması üçün səmimiyyət olmalıdır, lakin bəzilərinin hər hərəkəti nümayiş olur, əlləri, baxışları, yerimələri nümayişdən ibarət olur. Sistem səmimiyyətsizliyin üzərində qurulduğu üçün ehtiras olmur. Ehtiras xüsusi güc tələb edir, təqlid edilməsi qadını çox qəzəbləndirər.

Sevgi üçün Allahı çox sevmək, Allahdan qorxmaq lazımdır. Bundan sonra sevginin qapısı açılar və ehtiras dərəcəsi yüksələr.

Qadağalar, Allahdan qorxulduğu zaman, Allah səmimi sevildiyi zaman dağılar. Quran insanları sıxan bütün qorxuları, bütləri dağıdıb insanı azad edər.

Allah sevgisi və Allah qorxusu ilə sevgisizlik aradan qaldırılar. Allahı sevmədən insanların bir-birlərini həqiqətən sevmələri qeyri-mümkündür.

Allah qorxusu, sevdiyini incitməkdən qorxmaqdır. Biz ən çox Allahı sevirik. Allah qorusun Onu incitdiyimiz zaman dəhşətli acı hissi yaşayarıq.

Möminlər Allahın sevgisini itirməkdən, Allahı incitməkdən qorxarlar. Beləliklə Allaha olan sevgilərini gücləndirər, daha yaxın olarlar.

Dostlarım Allahı çox sevən, Allahdan qorxan, sevgini, mərhəməti bilən, nəzakətli, keyfiyyətli insanlardır. Bir çox insan dostluğumuzu qısqanır. Bizim dostluğumuzu qısqananlar öz cəhənnəm kimi dünyalarından qəzəblə bizi izləyirlər, biz öz cənnət kimi dünyamızda yaşayırıq.

İmanı güclü, ağlı dərin insan, insanların üzərində çox müsbət təsir yaradar. Güclü imanı olan insanların bərəkəti olar.