Adnan Oktar A9 TV; 21 oktyabr 2015

Qadınlara əxlaq öyrətməyi buraxsınlar. Kişiləri öyrətsinlər. Qadınlar nə edəcəklərini bilirlər. Belə geyinməlisən, belə gülməlisən, belə oturmalısan, belə baxmalısan deyirlər, bunlara son qoyulmalıdır.

Qadınlar dünyanın ən gözəl bəzəyidir, onlardan üstün bəzək yoxdur və onlardan üstün nemət də yoxdur. Allah onları olduqca gözəl, zərif, gözəl xasiyyətli və nemət olaraq yaratmışdır.

Hansı ölkədəki ki, Qadına təzyiq, zülm varsa həmin ölkə süqut edər. Allah bunu xoşlamaz, Allah qullarına zülm edilən yeri yox edər.

Qadın əleyhinə olmaq çox çirkindir, bunu unutmalısan. Onlar dünyaya rəng qatan ən gözəl varlıqlardır. Qadınlar olmasaydı, dünya qəribə şəkildə qaralardı, qapqara olardı. Onlar dünyanın günəşi, işığıdırlar.

Bunu deyim ki, qadınlara azadlıq verilmədiyi müddətcə hər ölkə həlak olar. Bu mövzuda alınmış bir qərar var, bu Allah Qatındakı hökmüdür. Dünya baxımından da, bunun hökmü budur. Qadın əleyhdarı, qadına təzyiq və zülm göstərən hər sistem, hər hökumət, hər dövlət süqut edər, bunu bilməlidirlər.

Qadınlar, çiçək kimi varlıqlardır. Onlara bu qədər iztirab, əzab verməyin nə mənası var? Buxarın dünyada gözəl yaşasınlar. O zaman Avropa da, Amerika da qapılarını Türkiyənin üzünə sonunadək açar. Bu PKK-lı alçaqları da onlar dəstəkləməzlər.

Əvvəla əxlaq xüsusiyyəti olaraq, qız uşaqlarına hər yerdə sahib çıxılmalıdır, hər yerdə insanlar onları sevməlidir. Qəribə bir vəhşilik yaşanmağa davam edir. Onların xoşbəxt olması, dünyanın xoşbəxt olması deməkdir. Onların sevilməsi, dünyanın sevilməsi deməkdir. Onlar xoşbəxt olmadıqca, dünya da xoşbəxt olmur.

Qadını keyfiyyətli olmayan bir ölkə, qətiyyən keyfiyyətli və müvəffəqiyyətli ola bilməz. Qətiyyən keyfiyyət əldə edə bilməz. Qətiyyən müasir ola bilməz, Avropalaşmış ola bilməz. Qadını ziyalı, azad, şən və baxımlı deyilsə, sevinmək, gülmək, idman etmək, yemək və içmək məsələlərində azad deyilsə, həmin ölkə heç vaxt aydınlıq ölkə deyil. Çox qararmışdır və hər qaralan ölkə mütləq dağılar, Allah qorusun.

Çadralı və başı açıq xanımların bir qismi arasında nifrət mütləq yox edilməlidir. Müsəlman hz. Məryəm kimi həlim olmalıdır.

Sevgi necə də zövqlüdür; pişikləri sev, kəpənəkləri sev, insanları sev. Nə itirərsən ki? Könlün əylənəcək, ürəyin açılacaq, beynin rahatlayacaq. Ağlın açılacaq. Hamısından da əhəmiyyətlisi, bu ibadətdir.

Sevgi insanın ruhunda var. Kin, nifrət, davakarlıq çox qorxunc şeylərdir, bunlar insanı öldürər, məhv edər. Allah qorusun, insan bunlara görə hər cür xəstəliyə tutular. Ürək dözə bilməz, qəribə şəkildə sıxılar. Sevgisizlik bədənə zəhərdir. Bədən sevgiylə rahatlayar.

Allah hər şeyi planlı və gözəl yaradır. Lakin hikmət həmişə axtarılmalı, baxılmalıdır. İnsan hikməti görməsə sıxılar dünyada. Qəlbi daralar. Hikmət gözüylə baxsa qəlbi rahatlayar.

Bəziləri televiziya proqramına çıxır, baxırsan ki, qəddar mühit var, hər kəs bir-birini əzir. Bir cümlə ilə; "bir-birimizə sevgiylə yaxınlaşsaq bu məsələ həll olar" desə nə olar ki? Bunu deyə bilmir. Halbuki sevgi sözünü işlətməyə alışsalar onun təsir dairəsi getdikcə genişlənəcək. Hər fürsətdə bir bəhanə gətirərək sevgidən bəhs etməlidirlər.

Bir az başını işlət, düşün, hikmət gözüylə bax; parlaq işıqlı dünya görəcəksən. Sən Allah ilə maraqlanmırsan, boş işlərlə maraqlanırsan. Bu, Allahın heç xoşuna gəlməz. Bütün günü nərd oynayır, 4-5 saat. Ağlını tamamilə Allaha ver, düşüncəni ver.

Heç bir yerdə sevgi sözü işlədilmir. Söylə, bir dəfə söylə bax gör necə özünə gələcəksən. Bismillah de, bir sevgi de, ardı gələcək, alışdır ağzını. Gəncləri təşviq edək, hər kəsi təşviq edək. Bir kampaniya başladaq. Sevgi sözünü həm yazmağa, həm də danışmağa alışsınlar.

Bizim müasirliyimizə çox insan qarşı çıxırdı, lakin yavaş-yavaş hamısı bizim müasirliyimizə gəldilər. Bu keçid mərhələsidir. İndi bir mərhələdən daha keçəcəklər. Daha müasir, tam Quran müsəlmanlığı səviyyəsinə gələcəklər.

İmam Hüseynin intiqamı qan ilə alınmaz. İslam Birliyinin yaradılması ilə, İslam əxlaqının dünyaya hakim olması ilə alınar.

Din yanlış izah edilir. Çox qorxunc və içindən çıxılmaz bir sistem kimi izah edilir. Allaha şükür, biz İslamın işıqlı üzü olaraq şeytanın oyununu pozduq. Yoxsa İslamafobiya bütün müsəlmanları məhv edəcək bir sistemdir.

İnsanların Allaha inanmadığını özümüzə dərd etmək, çox təhlükəli hərəkədir. Çünki Allah: "Hüzuruma tək-tənha gələcəksiniz" deyir. Burada bir sirr var. Buna görə də, insanların iman edib-etməməsinin bizə nə dəxli var. Allah bizim şüurumuzu açıq yaratmışdır. Allahın varlığı çox açıqdır.

İsraildə ateizm zəifləməyə başladı. Əvvəllər çox güclü idi. Biz orada “Yaradılış Atlası”nı yaydıqdan sonra, İbrani dilindəki kitablarımızı payladıqdan sonra İsraildə dinə qayıtma prosesi çox sürətləndi. Avropada və ABŞ-da dinə qayıtma prosesi çox sürətləndi; vəsilə olduq.

Biz bütün dünya üçün İslamın işıqlı üzüyük. Müsəlmanlığı qorxunc, içinə qapalı, sevgisiz, qadınlara məsafə qoyan, həyatı dəhşətə çevirmiş bir sistem kimi tanıyanlar bizim yaşadığımız İslamı gördükcə səhabə İslamına olan heyranlıqları artır və İslamın bir qurtuluş olduğunu da görürlər. Əks halda əzab çəkirdilər.

Din sevgidir, rahatlıqdır, gözəllikdir, sevincdir. Allahın nemətlərindən halal yolla ən gözəl şəkildə istifadə edərsən. Sağa dönsən cinayət, sola dönsən cinayət, göyə baxsan cinayət, yerə baxsan cinayət; bu cür din anlayışı olmaz. Bu insanları məhv edər, ruh xəstəsi olarlar, ağılları yox olar. Dini çətinləşdirmək zalımlıqdır. Bilmədən bu zülmü edirlər.

Dini çətinləşdirdikcə Allaha daha yaxın olacağını düşünür. Halbuki insanları Allahın dinindən uzaqlaşdırdığı üçün cəhənnəmdə hesabını verə bilməyəcəyin bir mövqeyə düşərsən. Dini insanlara Allahın bildirdiyi asan halı ilə göstərməlisən, izah etməlisən.

Dini çətinləşdirmək bütün dünyaya zülm etməkdir. Çünki insanlar dindən uzaqlaşdıqda çox əzab çəkərlər.

Allah: "Sənə biri pislik etdikdə sən ona gözəl cavab versən aranızın yaxşı olacağını, dost olacağınızı görərsən" deyir. Yəni Allah: "Mən aranızı düzəldəcəyəm" deyir. "Sizin aranızdakı ədavəti yox edərəm" deyir.