Adnan Oktar A9 TV; 15 iyul 2013

Qadındakı sənəti, Allahın gözəlliyinin təcəllisini görə bilməyən insan sənətdən uzaqlaşıb, sənət gücünü itirmişdir. Yəni o, hansı gözəlliyi görə bilər? Çiçəyin gözəlliyini, mənzərənin gözəlliyini necə görsün? Biri qadının gözəlliyini görə bilmirsə, demək ki, onda heç bir şey yoxdur.

Qadın sevgisi yoxdursa sənət də yoxdur. Yəni qadın sevgisi sənət ruhunun əsasıdır. Çox vacib bir nöqtədir. Dünyanın ən gözəl varlığı qadındır.

Qadınları doğru yola gətirməyə çalışmaq düzgün yanaşma deyil. Qadını düz yola gətirmək kiminsə vəzifəsi deyil. Qadınlar son dərəcə qürurlu, şərəfli, ağıllı varlıqlardır. Quranı da çox yaxşı anlayırlar. Qoyun, özləri qərar versinlər.

Qadınlara xüsusi hörmət göstərmək lazımdır, qorumaq lazımdır. Qadınlar çox böyük nemətdir. Dünyadakı cismi ilə ruhu birləşmiş olaraq ən böyük nemət qadındır. Bundan üstünü yoxdur.

Quran əxlaqını mənimsəyən, Allahı sevən, Allahın ən mükəmməl təcəllisi olan, qadınları da çox sevər. Amma qadın, ruhu ilə gözəl olar. Ruh və bədəndir. Qadın həm cismani, həm ruhani mükəmməl bir varlıqdır.

Axirətdə insan heç nədən bezmir. Elə bir duyğu hissi qəti şəkildə yoxdur. Mömin cənnət nemətini katrilyonlarla görür, yenə bezmir.

Bizim mükafatımız Allahın razılığı, rəhməti və cənnətidir. Biz Allahın razılığının arxasındayıq, inşaAllah.

Qadın azadlığı bir iqtidar üçün ən vacib mövzulardan biridir. Qadınların təzyiq altında olduğu sistemdə hər kəs narahat olur və qadını əzən sistem mütləq məhv olar. Misirdə də bu həqiqət göz önündə saxlanılmalıdır.

Allah bizim sərbəst olmağımızı, cənnətdəki kimi yaşamağımızı istəyir. Allah ayədə buyurur ki, Allah sizə sıxıntı verib neyləsin? Amma buddist inancında da, köhnə inanclarda da sıxıntı vermək, özünə acı çəkdirmək Allaha yaxınlaşmağın bir yolu hesab edilir.

İmtahan o qədər əhəmiyyətlidir ki, imtahan verməsək cənnət mənasız olar, Allah göstərməsin. Bu, çox mühüm məsələdir. Sevgi öz mənasını tapır. Çünki sevgini öyrənmək lazımdır. Səbir, şəfqət yoxdursa, kainat mənasız olur.

İnsan cənnətə sevgini öyrənmədən getsə, ürəyi bomboş olar. Cənnətə getmədən əvvəl dünyada sevgini öyrənməliyik. Ürəyində sevgi olmayan cənnət nemətlərindən zövq ala bilməz.

Azadlıq, sülh Quranın əmridir. Allahın bizə verdiyi nemət, cənnətin xüsusiyyətidir. Mömin onsuz da həmişə azadlıq və sülh istəyəcək.

Ənənəvi İslam anlayışının o qatı dinçiliyi boğucudur. Elə bir sistemdə yaşanıla bilməz. Qadınların alçaldıldığı, ikinci sinif olaraq görüldüyü, böyük bir təzyiq sisteminin olduğu bir üsul―bu din deyil.

Xanımların makiyajlarına, paltarlarına müdaxilə hörmətsizlikdir. Fikirlərinə hörmət edilməsi lazımdır.

Məsələn, adam var ki, dinsizdir, amma zalım deyil, heç kimə zülm etmir. Bu cür insanların cəhənnəmi ayrı olur. Yəni monoton həyat yaşayırlar. Cənnətlə müqayisə etdikləri üçün iztirab çəkirlər. Sıxıcı, durğun, sönük, mənasız bir həyat yaşayarlar. Bu da cəhənnəmin təbəqələrindən biridir. Orada sıxılar, böhrana düşərlər. Sevgisizlikdən, cənnətin gözəlliyi ilə müqayisə etməkdən böhrana düşər. Allah onlara bu şəkildə əzab verər.

Allahın məqsədi yaxşı insanların cənnətdə Allahı sevib Allahın onları sevməsi ilə, onların da öz-özlərini sevməsi ilə birlikdə xoşbəxt yaşatmaqdır. Tək məqsədi budur.

Xanımların üzərindəki təzyiq qorxunc bir məntiqdir. Dekoltə geyinsə günah sayılır, baş örtüsü istifadə edir günah sayılır, çarşab geyinir bu da günah sayılır. Nə etsə günah sayılır. Bu da mehdiyyət dövründə aradan qalxacaq bəlalardan, xəstəliklərdən biridir.

Hz. Mehdi (ə.s) qadınlara dəyər verməyi qəbul etdirəcək. İnsanlara qadınların dəyərini bilməyi göstərəcək.

Qadın Allahın dünyada yaratdığı ən böyük nemətdir. Qadın axirətdə də Allahın təcəllisindən sonra ən böyük nemət və gözəllikdir. İnsanın ruhuna xitab edən ən gözəl nemətdir. Qadınlar üçün kişi, kişilər üçün də qadın böyük nemətdir.

Allah ürəyi qara olanlara, mənfi xarakterli, tərs insanlara özləri kimisini nəsib edir. Möminlərə, gözəl xasiyyətli insanlara, insanları sevənlərə də, sevgi, qəlbi məhəbbətlə dolu, nur kimi insanları nəsib edir. Cənnətdə də, dünyada da belədir.

Qadınlar azad yaşamaq istəyirlər. Onlara təzyiq göstərilməməsinin vurğulanması çox əhəmiyyətlidir. Çünki kişilər dünyanın hər tərəfində azaddırlar. Heç kim onlara qarışmır.

Çox qısa kursdayıq, çox qısa. Gecə-gündüz təhsil alırıq, özümüzü təkmilləşdiririk, cənnət tərbiyəsi alırıq. Cənnət tərbiyəsi almadan cənnətə getsək robot kimi olarıq. Cənnətdə sonsuz zövq almağımız üçün bu təhsildən keçməyimiz lazımdır.

Lüks keyfiyyət deməkdir. Keyfiyyət müsəlmanın xüsusiyyətidir. Cənnətdə hər yer lüksdür. Bəziləri istəyir ki, İslam bayağı olsun, beləcə İslamiyyət asan şəkildə yox edilsin.

Dərin iman olsa, kifayətdir. Həmin anda cənnət həyatı, nemət axışı başlayar.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?