Adnan Oktar A9 TV; 3 mart 2015

İran bilavasitə mehdiyyətə görə siyasət yürüdür. Bir milyon nəfərlik ordu yetişdirir, Mehdi ordusu. Gecə-gündüz hər şeyi Mehdi ilə əlaqələndirirlər. İsraildə Moşiyahın gəlməsi üçün hər gün üç dəfə dua edərlər. Belə olduğu halda, onu görməzlikdən gəlsən məhz özün ziyana uğrayarsan. Çünki, tarix o istiqamətdə inkişaf edir.

Sənin Moşiyahla, yəni Mehdi (ə.s)-la heç bir əlaqən yoxdur, amma bütün Yaxın Şərq bu mövzunun ətrafında fırlanır. Sən istəsən də, istəməsən də belədir. ABŞ-ın xarici siyasəti Moşiyah Mehdi (ə.s)-a görədir. Eləcə də, Səudiyyə Ərəbistan və İraq dövlətlərinin yürütdüyü xarici siyasət də ona görədir.

Ayasofyada ilk namazı qıldıracaq kimsə Mehdi (ə.s)-dır. Kiminlə birlikdə qıldıracaq? Hz. İsa (ə.s) ilə birlikdə. İstanbul İsa (ə.s)-ın gələcəyi yerlərdən biridir. Qüds-ü Şərif iki, Məkkə-i Mükərrəmə üç.

Ənənəvi Ortodoks İslam yaşanılası deyil. Ağlagəlməz dərəcədə çətindir. Musiqi dinləyə bilməzsən, şəkilə baxa bilməzsən, gülə bilməzsən, xanımlar təmiz geyim geyinə bilməz, baxımlı, zərif ola bilməz. Saçlarını boyaya bilməz, qaşını ala bilməz, özünü gözəlləşdirə bilməz.

Osmanlı ordusunun hamısı bektaşi idi. Osmanlı padşahlarının bir çoxu da bektaşi idi. Bektaşilik və ələviliyin ruhunda; insanlıq, sevgi, gözəllik, dərinlik hakimdir. Eqoistlik nədir bilməzlər. Tərslik nədir bilməzlər. Qatı dinçilərdə inanılmaz bir eqoistlik vardır, bir çoxunda böyük bir azğınlıq vardır.

İmam Mehdi (ə.s), İsa Məsihə də şərait yaradan adamdır. İsa Məsih qonaq olaraq gəlir, elə də aktiv vəzifəsi olmaz. Dünyanın xarici siyasətinə təsir göstərər, məsələn, Putin kimi, İngiltərə Kralı Çarlz kimi şəxslərə təsir göstərər, tələbələriylə. Amma çox ciddi təsiri olmaz. Çünki İsa Məsih özünü bəlli edə bilməz. Amma Mehdi (ə.s) belə deyildir.

Sevgi müsəlmanların qəlbinə yaxşı şəkildə nəqş edilməlidir. Kainatın qanunu, kainatın meydana gəlmə məqsədi sevgidir. İmam Mehdi və İsa Məsih sevgini hamıya izah edəcək.

Hər əxlaqsızlıq, hər zülm, hər cinayət Allahdan qorxmayan kəslərin törətdiyi hadisələrdir. Kommunistlər, darvinistlər, materialistlər, yəni Allaha inanmayanlar Allahdan qorxmaz. Onların arasından çıxar. Məsələn, xurafatçılar da Allahdan qorxmadıqları üçün əxlaqsızlıq edirlər.

Yəhudilər Axırzamanda İsraildə toplanacaqlar. Bu Tövratda da bildirilir. "Sizi dünyanın hər yerindən toplayacağım" deyir. Bu zaman gəlib çatmışdır. Deməli, Moşiyahın dövründəyik. Mehdinin, Moşiyahın dövründəyik. Həqiqətən də yəhudilər hər yerdən axın-axın İsrailə gəlir.

Heç bir silaha ehtiyac yoxdur. Mehdi (ə.s) dövründə silahların hamısı ortadan qalxacaq. Silah və insan öldürmək üçün hazırlanan hər cür vəsait. İnsan sevilər, insan öldürülməz. İnsan öldürmək üçün bir vasitə hazırlamaq çox qorxunc bir şeydir. Hamısı ortadan qalxacaq, inşaAllah.

Mehdi (ə.s) zühur etmədən əvvəl onun əlamətləri gələr. Gül bağçasına girmədən əvvəl bir gül qoxusu gəlir. Sonra gül ağacına doğru yaxınlaşarsan. O gül ağacını taparsan.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Xurafatçıların, qatı dinçilərin uydurma xurafatları atılsa, geriyə yalnız saf, xalis, əsil İslam dini qalar.

Birisi Mehdi (ə.s)-ın əleyhinə danışdıqda güman etmədiyi yerdən başını bir bəla bürüyür. Bir ayağından, bir başından, bir bədənindən tutur, bəla yağış kimi üstünə yağmağa başlayır. O uğursuzluq yaşadığını zənn edir. Halbuki mehdiyyətə qarşı xoşagəlməz sözlər deyir. Ona görə də Allah bəla verir, məsələ budur.

Xurafatçı yaradılarkən mehdiyyət düşməni olaraq yaradılır. Halbuki, onun düşmənçiliyi, mehdiyyətin məqamını yüksəltmək üçün xüsusi olaraq hazırlanmış bir sistemdir. O, yalnız mehdiyyətin mövqeyini yüksəltmək üçün, yaradılmış bir cəhənnəm adamıdır. Allah cəhənnəm üçün yaradılmış o adamları sayəsində Mehdi (ə.s)-ın mövqeyini yüksəldir.

Xüsusi yolla meydana gətirilən böyük bir yoxsulluq lobbisi var. Bu yoxsulluq lobbisini, yoxsulluğu meydana gətirən sistemi Mehdi (ə.s) aradan qaldırır. O zaman dünya avtomatik şəkildə, öz-özünə zəngin olur. Amma axırıncı dəfə zəngin olur.

Allahın arzusu; Mehdi (ə.s)-ın ortaya çıxması, İsa Məsihin zühuru, İslam Birliyinin meydana gəlməsi və qısamüddətli bir hökmranlığın özünü göstərməsidir. Bunları görəcəyik inşaAllah.

Ənənəvi Ortodoks İslam anlayışında qadın məhv olur. Nə geyinə, nə bəzənə, nə gülə, nə otura, nə də qalxa bilir. Yemək yeməsi belə günahdır. "Çox yemək yedirsəniz azar. Başınıza bəla olar" deyir. "Gözəl paltar geydirsəniz, küçəyə çıxmağa çalışar" deyir.

Ənənəvi Ortodoks İslam anlayışında hər yer qəbiristanlıq, hər yer əzab yeridir. Bir yun jaket, bir tikə, sürünmənin digər adıdır. Acı, iztirab hər yerə oturmuş vəziyyətdədir. Gülmək qadağandır, şən olmaq qadağandır, şəkil, musiqi, televizor qadağandır. Ağıla gələn hər gözəl şeyin hamısı qadağandır. Kin, nifrət və qəzəb bəsləmək sərbəstdir.

Onsuz da yaşamaq çox çətindir, həyat çox çətindir, Allah belə yaratmışdır. Bir də bununla yanaşı, gülməməlisən, küçəyə çıxmamalısan, telefonla danışmamalısan kimi hökmlər verən qatı dinçilik kimi bir qanun gətirsən cəmiyyət məhv olar, xoşbəxt insan qalmaz. Zehni də durar, beyni də durar, işləyə bilməz, heç nə edə bilməz, heç nə istehsal edə bilməz, sənət gücü də qalmaz. Yəni “ənənəvi ortodoks İslam anlayışıyla” bir yerə çıxmaq olmaz. İnsanlar məhv olar.

Bədiüzzaman Türkiyədə dini, dinin həqiqətini təkmilləşdirdi, Atatürk də xurafatçılığı təmizlədi. Türkiyə bu iki dəyərli şəxs tərəfindən hal-hazırki gözəlliyə qovuşmuşdur. Birincisi Atatürk, ikincisi isə Bədiüzzamandır. Bir-birlərinə zidd kimi görünmələri leduni bir elmdir. Onu hər kəs başa düşə bilməz. Bir-birinə zidd kimi görünməsi, onun üsuludur.

PKK heç vaxt silahı yerə qoymaz. Cənub-Şərq bölgəsində mövqe qazanmağa davam edəcəklər. Yeganə çıxış yolu, onların hüquqi çərçivədə oradan tamamilə çıxardılmasıdır. Başqa cür heç bir şəkildə olmaz. Ora bir xərçəng xəstəliyi mərkəzidir, o xərçəngli toxumanın əməliyyatla alınması lazımdır. Bundan başqa müalicə yolu yoxdur.

Suriya vahid bir dövlət olsun, lakin başçısı Əsəd olan bir Suriya olmasın. Əlbəttə ki, Suriyanın bütövlüyü əhəmiyyətlidir, onun parça-parça olub zəbt edilən bir yer olmasını istəmirik. Amma Əsəd getməli və onun yerinə daha məqbul, daha mehriban bir insan gəlməlidir.