Adnan Oktar A9 TV; 15 Aprel 2012

BİZ ALLAHI SEVİRİK, AMMA ALLAH DA SEVMƏK İSTƏYİR. Bu Allahın bir xüsusiyyətidir. Peyğəmbərimiz (s.ə.v)-ı sevərək ona "Həbibim" deyir. Hz. Musa (ə.s)-ı sevir. Allah ayədə "Səni seçdim" deyir. Hz. Yusuf (ə.s)-ı sevir. Allah küfrü, səmimiyyətsizi sevmir.

Müsəlmanlıq pencəklə, qalstukla, saqqalla, bığla əlaqədar deyil. Müsəlmanlıq ürəkdir, vicdandır.

"Sarığı yoxdursa, saqqalı yoxsa Müsəlman deyil" xeyr, elə deyil. Sarığı da, saqqalı da olmasa xalis səmimi Müsəlmandır. Hicablı deyilsə də xalis səmimi Müsəlmandır.

Xurafatçılar Quranın yetərliliyini qəbul etmirlər. Quranın yetərliliyini qəbul etməyən küfrə düşər.

Müsəlmanın ilk edəcəyi iş nədir? Bütləri ortadan götürməkdir. Allahı inkar edən bir fəlsəfəni (Darvinizmi) sən necə məktəblərdə dövlət gücünə oxudursan?

Göz qamaşdıran məscidlər qurulur, Müsəlmanlar küçələrə sığmır, cümə namazları qılınır və yollar tıxanır. İki üç milyon adam eyni anda namaz qılır. Xristianlıq getdikcə geriliyir, İslamiyyət isə inkişaf edib böyüyür. Bu nədir? Mehdiyyətdir.

Bir insan həqiqi kordursa onsuz da imtahan verir, bu çox məqbuldur. Onlar bizim aldığımız ibadət savabının qat-qat çoxunu alır. KORLUQ BİR GÜNAH DEYİL, ÜSTÜNLÜKDÜR. ƏGƏR O, BİR MÜSƏLMANDIRSA QAT - QAT ÜSTÜN MÖVQEYƏ GƏLİR, TƏQVA CƏHƏTDƏN DAHA ÜSTÜNDÜR.

FANATİZM HAKİM OLSA İNSANLAR ÇİRKİN OLAR. Kişi də çirkinləşər, qadın da çirkinləşər, yöndəmsiz olarlar. SƏHABƏ DÖVRÜ İSLAM OLDUĞU ZAMAN İNSANLAR MÜKƏMMƏL GÖZƏL OLAR.

Müsəlman iman edəcək biçimdə yaradılır. Küfr içində olan da ona uyğun şəkildə yaradılır. Sirrini anlamaq istəyirsən? Anlaya bilməzsən. İMAN ƏHLİ HARDAN GƏLİR? CƏNNƏTDƏN GƏLİR. Zaman, məkan olmaması çox qəribədir. KÜFR ƏHLİ HARADAN GƏLİR? O DA CƏHƏNNƏMDƏN. Bu da çox çaşdırıcıdır.

Azca səmimiyyətsiz olanın baxışlarından dərhal bəlli olur. Hətta soruşursan, nəsə olubmu deyə, dərhal aydın olur. AĞLI TƏMİZ OLANLARDA NƏFƏS KƏSİCİ BİR GÖZƏLLİK MEYDANA GƏLƏR. Allah onu xüsusilə gözəl yaradır.

Bir qadını küfrdən azad etsən, nur kimi olar. Müsəlman ikən küfrə gedir; məhv olur, qovrulur gedir, meymuna dönür, pərişan olur, Allah qorusun.

Sənət, keyfiyyət ən yüksək inkişaf nöqtəsinə çatmalıdır. O zaman dünya texniki olaraq gözəl olar.

Gənc qız aktiv olmalı, idman etməli, əzələlərini gücləndirməlidir. Fizianomiyası çevik, atletik olmalıdır. Saçları ipək kimi, baxımlı olmalıdır.

Allah “axirətdə qədəhlər vardır”deyir. Qədəhi biz dünyada sevirik. Ona görədə biz qədəhi orada da sevərik. Əgər bu dünyada qədəhin nə olduğunu bilməsək, qədəh axirətdə bizim üçün bir şey ifadə etməzdi.

MÜNAFİQİN BƏDƏNİ KÜFR, AĞILI MÜNAFİQDİR. Münafiq bədənini öldürməz , o bədənə ehtiyacı vardır, çünki onu bəsləyir. Münafiq küfrə elə buna görə də möhkəm- möhkəmə bağlıdır.

KÜFR MÜNAFİQİN HƏYAT DAMARIDIR. Küfr olmadan münafiq yaşaya bilməz.

İslamda qadağalar barmaqla sayılır. Halalları saymağa cəhd etsən ömrün çatmaz. Haramları saymaq isə barmaqla sayılacaq qədərdir. Halalların sayı-hesabı yoxdur.

Qatı dinçilər Allahın Quranda halal buyurmasına baxmayaraq bir çox yeməyi və zinəti haram etməyə meyillidirlər. Allah ayədə "bütün zinətləri Mən yaradıram, sizə kim haram etdi?" deyir. Kim edir? Xurafatçılar edir.

Allahın halal etdiyi haram qılınsa, Allah bəla verər.

Qurandan uzaq olanda insanın ağlı gedir, davranışları pozulur, halala, harama diqqət etmir, nizamsız olur. Amma Qurana uyarsa, ağıl tam oturur, işləri yolunda gedir, bərəkət gəlir, üzərinə bir rəhmət, bir xoşluq, nur gəlir. Onun üçün Qurana möhkəm sarılmaq çox vacibdir.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Düşüncələrinə görə qədəhi, meyvə suyu şüşəsini, ətiri, hər şeyi haram edirlər. Halbuki Allah, yalan söyləyib halalı haram etməyin deyə buyurur. (Nəhl surəsi, 116: Dilinizin uydurduğu yalana əsasən buna halal, ona haramdır deməyin. Çünki Allaha qarşı yalan uydurmuş olursunuz. Şübhəsiz ki, Allaha qarşı yalan uyduranlar nicat tapmazlar.)

Liderə hörmət etmək lazımdır.

Ruh inkişaf etmiş şəkildə Allah Qatında hazır yaradılar, amma inkişaf edir kimi göstərilər. Bütün güc, qüvvət Allahın əlindədir. Təbii ki, ruhun bədənlə də əlaqəsi yoxdur .

Dinsizlərin də alçaldılmaması çox əhəmiyyətlidir. Çünki Allah onu elə yaradıb, onun qədəri elədir. Biz ona şəfqət duymalıyıq. Dinsiz olduğu üçün kimisə alçalda bilməzsən.