Adnan Oktar A9 TV; 11 iyun 2016

Həqiqi Qurana əsaslanan sistem yaşandığı zaman, dünya cənnəti meydana gələr.

Ənənəvi İslam anlayışına qarşı Quranın kafiliyini hər kəsə çatdırmalıyıq. Əks halda Əfqanıstan kimi, Suriya kimi, İraq kimi olmağımız çox asandır, Allah qorusun. Bu məsələdə vaxt itirmək çox təhlükəli olar. Osmanlını məhv edən ənənəvi İslam fəlsəfəsi ilə yenidən dirilmək qeyri-mümkündür.

İslam Birliyinə, Quranın kafiliyinə, İsa Məsihə, mehdiyyətə qarşı çıxan kəs, Allaha qarşı çıxmış olar. Allah bunun əvəzini çıxar.

Məzhəblər və təriqətlər Mehdinin açıq zühur etdiyi dövrdə ləğv olunacaq. İslam tək din olaraq yaşanacaq.

Tayyib hocamdan xahiş edirik, İrana çox səmimi yaxınlaşsın. Şiə qardaşlarımıza şəfqətimizi çox səmimi ifadə etsin. Məzhəb fərqlərimiz əhəmiyyətli deyil. Biz şiələr ilə Quranda ittifaq edirik. İran, Rusiya və Pakistan ilə güclü ittifaq yaradaq.

Allah atalarınızdan öyrəndiklərinizə deyil, Qurana tabe olun deyə bildirir. Müsəlman Qurandan sorğu-sual olunacaq.

Müsəlman Qurana tabe olandır. Quranın hökmlərinə əlavə etmək və ya çıxarmaqla ayrı bir din meydana gətirənlər isə müşriklərdir.

Mehdi dövründə məzhəblər aradan qalxacaq, təriqətlər və camaatlar Mehdiyə bağlanaraq tək bir İslam qalacaq. Mehdidən başqa heç kim bu vəzifəni yerinə yetirə bilməz.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Peyğəmbərimiz (s.ə.v) Qurandan kənar hökm gətirməmişdir, gətirə bilməz. Peyğəmbərimiz (s.ə.v)-in sünnəsi Qurandır.

Amerika terrorla mübarizə üçün silaha xərclədiyi 5 trilyon dolları darvinizmin əsassızlığı, xurafatlara deyil, Qurana tabe olunmasının lazım olduğunu bildirən kitablara xərcləsəydi, terror çoxdan bitər, dünyada kasıb qalmazdı.

Türkcəsini bildiyi halda yad sözlər işlədərək danışmaq, alicənab bir insanın üslubu deyil. Bu üslub, ruhən zəif olana təsir edər.

4 məzhəb imamının hamısı Mehdi məsələsində ittifaq edib. Şiə imamları, vəhhabi imamları və əhli-sünnə alimlərinin hamısı ittifaq halındadır.

İŞİD, Əl-Qaidə, Boko Haram kimi terror təşkilatlarının tətbiq etdikləri şiddətə öz aləmlərində dəlil göstərdikləri xurafat hədislər var. Bu xurafat hədislərin təməl İslami mənbələrdən çıxarılması lazımdır. Saqqalını kəsənin, namaz qılmayanın, içki içənin öldürülməsi kimi xurafat və Qurana uyğun olmayan hədislərin təməl mənbələrdən çıxardılması lazımdır. Bu elmi iş görülmədən radikal terrorun bitməsi mümkün olmaz.

Dörd ayrı məzhəbin dörd ayrı haram və halalları var. Haram və halal təkcə Quranda bildiriləndir. Dörd ayrı din, dörd ayrı haram və halal olmaz.

Peyğəmbərimiz (s.ə.v) dövründə məzhəblər yox idi, dörd ayrı din yox idi. Təkcə bir din var idi. Mehdi dövründə də Peyğəmbərimiz (s.ə.v) dövrü kimi olacaq.

Bədiüzzaman məzhəbə tabedir, lakin Mehdinin ən böyük müctəhid, ən böyük mücəddid olacağını, bütün məzhəblərin Mehdiyə bağlanacağını söyləmişdir.

Qurana uyğun olmayan hədislər nə o dövrə xitab edir, nə də bu dövrə xitab edir, heç bir dövrə xitab etmir. Bunlar, tamamilə uydurma, xurafat izahlardır.

Quranla ziddiyyət təşkil etməyən hər hədis məqbuldur. Quranı təsdiq edən hər hədis keçərlidir. Məsələn, Peyğəmbər (s.ə.v) Axırzamanda baş verəcək bir hadisəni xəbər verdikdə və bu da reallaşdıqda, bunu bildirən hədis səhih və məqbuldur.

"600 min hədis var" deyir; bunun mümkün olması üçün Peyğəmbərimiz (s.ə.v) doğumundan etibarən hər saat bir hədis söyləməlidir. Ancaq Buxarinin verdiyi məlumata uyğun, seçdiyi qədər; çünki başqaları da: "Bir milyon hədis arasından seçdi" deyir. Bəziləri də: "Üç milyon hədis arasından seçdi" deyir. Peyğəmbərimiz (s.ə.v) min il yaşasa belə, yenə bu hədisləri söyləyəcək vaxt olmaz. Deməli, bu bir yalandır. Bunu uşaq belə anlayar.

Peyğəmbər özündən Qurandan kənar halallar, haramlar çıxara bilməz. Bu mövzuda açıq Quran ayələri vardır.

Peyğəmbərimiz (s.ə.v)-ə aid olmayan uydurma hədislərdə, qadın ərinin köləsi mövqeyindədir.

Xurafatçılar yüzlərlə uydurma hədisi Qurandan üstün tuturlar.

Qatı dinçilər uydurma hədislərlə guya Peyğəmbərimiz (s.ə.v)-i hörmətdən salmağa çalışırlar, haşa.

Deyirlər ki; "Mehdi gözləmək tənbəllik yaradar". Musəvilər dünyanın ən çalışqan millətidir. 3500 ildən bəri hz. Mehdi (ə.s)-ı, Moşiyahı gözləyirlər.