Adnan Oktar A9 TV; 24 iyun 2014

Hurufu Mukattada Xızır (ə.s)-ın sirləri var. Yəni onlar Quranın açarlarıdır, amma o müəyyən bir mütəxəssis, qrup üçündür. Quranın içindəki bir çox məlumata, gizli informasiyaya o açarlarla sahib olunur.

Bədiüzzaman Hurufu Mukatta üçün “xas quluna bir şifrədir” deyir. Bəzi xüsusi şəxslərə şifrədir. Onlar bir məlumata çatmaq istədiklərində yəni, bir şeyi öyrənmək istədiklərində o şifrəni götürüb Quranın içindəki hər cür xüsusi məlumata sahib olurlar. O xüsusi qullar da Xızır (ə.s), Xızır (ə.s)-ın tələbələri, məhz bəzi xüsusi insanlardır. Beləcə dünya istiqamətləndirilir, inşaAllah.

Qiyamətə çox az qaldı. İsa (ə.s) və Mehdi (ə.s)-ın Huruf-u Muqattayı bilməsi Allahın izni ilə şərt kimi görünür. Çünki indi başqa istifadə edəcək kimsə yoxdur, sonuncu onlar vardır.

Mehdi (ə.s)-a zülm edəcəklərinə görə Allah Mehdisini gizlədir. 70 pərdə arxasında gizlədir. Belə deyirlər: "Bu insan bu cəhətinə görə Mehdi (ə.s) ola bilməz, bu xüsusiyyətinə görə ola bilməz", 70 cür bəhanə gətirirlər. Ledun elmi ilə Allah onu gizlədir. Ledun elmi ilə, batin elmi ilə gizlədir.

Hər iddia adamının münafiqi beyninin içində yaradılır. Çöldəki bədənini sən bilməzsən. Sən sənə göstərilənləri bilməkdə cavabdehsən. Məsələn, uşaq ölürsə, bu, sənin beynindəki uşaqdır. Çöldəki uşağı bilməzsən. Bu, Allahın elmi―Ledün elmidir. Yəni batin elmidir.

Hadisələrə tam siyasət gözü ilə deyil, iman gözü ilə baxmaq lazımdır. Bütün “dərin dövlətlərə”, insanlara və hadisələrə hakim olan Allahdır. Hadisələrin ledün cəhətlərini yaxşı görmək lazımdır.

Çətinliklərin möminlər üzərindəki təsiri kafirlər üzərindəki təsirinin tam əksidir. Bu təsir kafirləri bilavasitə çökdürdüyü halda, möminləri də bilavasitə mükəmməlləşdirər. Bu Allahın gizli bir elmidir, Onun ledün elmidir, diqqətlə baxmayan bunu görməz. İmanın nuruyla baxan görər.

Bədiüzzaman Türkiyədə dini, dinin həqiqətini təkmilləşdirdi, Atatürk də xurafatçılığı təmizlədi. Türkiyə bu iki dəyərli şəxs tərəfindən hal-hazırki gözəlliyə qovuşmuşdur. Birincisi Atatürk, ikincisi isə Bədiüzzamandır. Bir-birlərinə zidd kimi görünmələri leduni bir elmdir. Onu hər kəs başa düşə bilməz. Bir-birinə zidd kimi görünməsi, onun üsuludur.

Ledün elmi olmadan axır zamanda mübarizə edilməsi, dəccalın məğlub edilməsi mümkün deyil. Mütləq bu qeyb elminin, bu ledün elminin tətbiq olunması lazımdır.

Türkiyədə yaşanan böyük hadisələrin hamısı Ledun elmi içində reallaşır, hamısı batini elmin tələbi olaraq yaşanır.

İslam əxlaqının hakimiyyəti də batini elmlə reallaşacaq. Quranda bir çox hekayədə batini elmə işarə var.

Mahiyyətə dair məlumat Zülqərneyn və Xızırda var. Zülqərneyn ledun elminə də sahibdir.

Ledün elmi fövqəladə hadisələrə qarşı möminləri qorumanın strategiyasıdır. Mehdi də ledün elminin ustadıdır.

Xəstəlik xüsusi yaradılar. Sağlamlıq da, xəstəlik də Allahın sənətidir. Xəstəlik qarşısında mömin təvəkküllüdür. Xəstəlik insanın təkəbbür hərisliyini, özündən razılığını və dünyaya aludə olub Allahı unutma təhlükəsini aradan qaldırar. Xəstəlik Allahın ledün sənəti içində gözəllikdir, cənnətə vəsilə olar.

Dünyada reallaşan hər hadisə Allahın təqdiri ilə reallaşar. Fironu da, Nəmrudu da yaradan Allahdır. Bunda ledun elmi gizlənibdir.

Allah Türkiyənin böyüməsi üçün cəhd göstərənlərə kömək etsin. Yollarını açsın, bəsirətlərini, fərasətlərini artırsın. Yüksək vəzifələr versin, uğurlu etsin.

Qadına qarşı nifrət olduqca, İslam aləmində nicat, qurtuluş olmaz, bəla yağış kimi yağar. Allahın qullarının yarısı qadındır. Qadına belə nifrət Allahın bəlasını qazandırar.

Eşq dedikdə, Allah eşqi nəzərdə tutulur. Allah eşqlə sevilər. Təcəllisi də eşqlə sevilər. Bütün gözəlliklər Allaha aiddir. Bütün təriflər də Allaha aiddir. Bizim aşiq olduğumuz Allahdır.

Qadınlar son dərəcə ağıllı, incə düşünən, sənətkar ruhlu mükəmməl varlıqlardır. Qadınlar çox ağıllıdır. Təfərrüatları çox yaxşı görərlər, kişilərdən daha çox təfərrüatlı görərlər.

Qadınların bəyənilən olması gözəldir. Qadına və kişiyə qadağan olan çirkinlikdir, fahişəlikdir. Yəni haram olan cinsi əlaqəyə girməkdir. Yoxsa, qadının bəyənilməsində, kişinin bəyənilməsində günah yoxdur.

Xanımlar bəzənəcək, onlar çiçək kimi bəzənəcəklər. Bəylər də bəzənəcək, yaraşıqlı olacaqlar. Mehdiyyət bəzək, gözəllik dövrüdür.

Dünyanı cəhənnəmə çevirməyə çalışanlara, dünyanı cənnətə çevirərək cavab verəcəyik.

Dünyaya sevgini hakim edəcəyik. Allah dünyanı sevgi olsun deyə yaratdı. "Qullar olsun, Mənə qulluq etsin" deyə yaratdı. Amma quldan istədiyi də sevgidir. Allah "Mən sizi sevim", "siz də Məni sevin" deyir. Sevgi olmasa, dünyanın bir mənası olmaz.

Kiçik bir ölkədə federasiya qurmağa çalışsan bu zülmdür, böyük təhlükədir və Türkiyəni yox etməyə yönəlmiş fəaliyyətdir. Sən Türkiyəni yox etməyə cəhd etsən, Türkiyə də səni yox edər. O zaman qiyamət qopar.

Hər kəsi hidayətə çatdıracaq bir gücə sahib deyilsən. Allah hidayətə çatdırar. İzah etmə texnikan, mədəniyyətin, səmimiyyətin yetərlidirmi? Əgər çox səmimi olsan, təsirli olarsan.