Adnan Oktar A9 TV; 18 may 2017

Hər yer rəsm əsərləri, heykəllərlə bəzədilsə binaların natəmizliyi aradan qalxsa, küçələr tərtəmiz olsa Avropa Türkiyəyə niyə qarşı çıxsın? Çıxmaz.

Avropanı əsil narahat edən keyfiyyətsizlikdir. Heykələ, rəsmə, musiqiyə düşmən insanları öz həyatlarının içində görmək istəmirlər. Bəzi həqiqətləri anlamazlıqdan gəlmək vaxt itkisinə səbəb olur. Türkiyədə təcili surətdə Keyfiyyət Nazirliyi yaradılmalıdır. Dövlət keyfiyyəti təşviq etməlidir.

Bəziləri qadının baxımlı olmasını, özünə diqqət göstərməsini, gözəl olmasını səhv kimi görür. Halbuki bu qadının ən təbii haqqıdır. Avropada qadının baxımlı olması ilə fəxr edirlər. Burada isə baxımlı olan qadın əzilir.

Qadınların cəmiyyət içində rahat olması üçün qadına hörmətin öyrədilməsi lazımdır. İctimai nəqliyyat vasitələrində qadınlara hörmət göstərilməsi çox əhəmiyyətlidir.

Qadınlar özünü azad hiss edirsə, baxımlı və gözəl olması qadağan halına gətirilmirsə, o zaman həyat gözəl, keyfiyyətli və aydın olar.

Bir qadını qorumaq, bir qadına hörmət bəsləyib sevmək, qadına nəcib varlıq olduğunu hiss etdirmək həm nemət, həm də zövqdür. Qadınları sözlə və ya gözlə narahat etməmək vacibdir.

Qadının ruhuna ən çox təsir edən ehtiras, dərinlik, ağıl və sevgidir. Qarşısındakında ağıl və dərinlik görməyən qadın mənəvi cəhətdən ölmüş deməkdir.

Türkiyə ultramüasir olsa, keyfiyyətə, incəsənətə, qadın hüquqlarına ən yüksək dəyəri versə Avropadakı Türkiyə əleyhinə mövqe və PKK dəstəyi bitər.

Türkiyə çox keyfiyyətli hala gətirilsə hər yerdə incəsənət, bağlar, bağçalar, tərtəmiz küçələr olsa beyin axını deyə bir şey də olmaz.

Ənənəçi ortodoks qardaşlarımız süni qanunlarla sanki özlərini öldürmüş vəziyyətdədirlər. Dinsizliyin özlərini əzmələrini asanlaşdırıblar. İncəsənət, elm, keyfiyyət olmadıqda başdan məğlub vəziyyətə düşürlər və əzilmələri çox asanlaşır. Qadının azad olmayacağına musiqi, incəsənət, heykəltəraşlıq olmamasının lazım olduğuna o qədər özlərini inandırıblar ki, gözəllik gördükdə əks rəftar göstərirlər. Ənənəçi sistem özlərinin də tabe olmadığı minlərlə qanun qoymuşdur və Allahın cənnət gözəlliyi olaraq təriflədiyi bütün gözəlliklərə qarşı çıxar.

İncəsənətin ən gözəlini Türkiyə əldə etməlidir. Rəsm əsərlərində, heykəltəraşlıqda, musiqişünaslıqda dünyada qabaqcıl olaq. Yaradıcılıq gecələri keçirilsin, operalar olsun.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Bəziləri öz ağıllarına görə gülməyi müsəlmanlara qadağan edirlər. Halbuki mömin iman sevinci içində yaşayar.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Peyğəmbərimiz (s.ə.v) elə gözəl əxlaqlı və gözəlliyi sevən insan idi ki, Ərəbistan şəraitində gül yetişdirirdi.

Bəzi insanlar həyatın demək olar ki, heç bir sahəsində keyfiyyət axtarmır, təkcə yaşamağa çalışırlar. Bu çox dəhşətli haldır. Həyatın çökməsi deməkdir.

Keyfiyyəti bilməyən bir insana içində olduğu vəziyyətin vahiməliyini və nə qədər xoşagəlməz olduğunu izah etmək çox çətin olur. Keyfiyyətsizlik fəlakətdir.

Tayyib hocam müasir dəliqanlıdır. Özünə yaxşı dəstək verilsə Türkiyəni gözəl müasir səviyyədə inkişaf edəcək.

Allah İstanbulu mehdiyyət üçün xüsusi hazırlayıb. İstanbul tarixi və çox xüsusi şəhərdir.

Tayyib hocamı dəstəkləmək siyasi partiya məsələsi deyil. Tayyib hocamın şövqü, səyi, səmimiyyəti açıqdır, millət olaraq dəstəkləyək. Sevgisiz insanların çirkin sözləri həmişə özlərinə qayıdar. Tayyib hocam haqqında çirkin danışanlar təkcə özlərini kirlədirlər.

Mühacir qardaşlarımız bu vətəndə öz evindəymiş kimi olmalıdır. Bir qonaq qardaşımıza hücum edildikdə bütün vətəndaşlar birlik olub onu qorusun. Suriyalı qonaqlarımızı sevməyənlərdən soruşduğumuz zaman, sevdikləri bir insan belə çıxmır. Bütün dünyaya nifrət və qəzəblə baxırlar.

Türkiyənin PKK-ya qarşı görəcəyi ən təsirli iş, darvinist, materialist sistemi çökdürəcək bir təhsil sistemidir. Bunun zərbəsi böyük olar.

Türkiyə çox müasir olmalıdır. İsraildə olduğu kimi həm qatı ortodoks dindarları, həm də ultramüasir dekolte insanları qoruyacaq model olmalıdır.