Adnan Oktar A9 TV; 13 noyabr 2016

Elm, Allahın incəsənətini görmək üçün olduqca əhəmiyyətlidir. İnsan elmlə Allahın sənətinin çox mühüm təfərrüatlarını öyrənir.

Allah o qədər çox möcüzə yaradır ki, insan hara baxsa möcüzə görür. Ən böyük möcüzə isə insan beyninin içidir. Beynin içində gözsüz görən, qulaqsız eşidən biri var. Bu həqiqətin iman xaricində heç bir açıqlaması yoxdur. Göz maye bir quruluşun içindədir, oradan işıq keçir və tərs şəkildə təsvir meydana gəlir, çox zəif amperdə elektrikə çevrilərək beyinə gedir və beyində bu zəif elektrik mükəmməl rəngli çox aydın bir təsvirə çevrilir və gözü olmayan biri bu təsviri görür. Bu böyük möcüzədir.

Allah tək bir hüceyrədən danışan, eşidən, iyləyən, mühakimə qabiliyyəti olan, sevməyi bacaran, hiss edən bir insan meydana gətirir. Heyrətamiz möcüzədir. Çöldə səs və musiqi yoxdur, təkcə titrəyiş vardır. Təkcə insan beyni içində musiqini musiqi kimi qəbul edir.

Allah sazdan zövq almağı nemət olaraq yaradıb. Sazdan səs çıxmaz, qulaq nəsə eşitməz. Titrəyişi musiqi olaraq yaradan Allahdır. Ruh Allahın sənətindən zövq alar. Ruhu maraqlandıran çöldən gələn aşağı amperlik elektrik cərəyanı deyil, Allah dərgahında yaradılandır.

Allahın sənətini anlamaq nemətdir. Məsələn, böcəklərin bir-birləriylə anlaşması, digərlərinə qarışmamaları, öz yuvalarını bilmələri heyrətləndiricidir.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Allahdan sənətini daha çox bilməyi, yaddaşımızda daha çox saxlamağı və sənətinə heyrət etməyi həmişə istəmək lazımdır.

İnsan ağlı 100 möcüzəni eyni anda düşünəcək potensialda olsa, mənəvi cəhətdən sanki sərxoş olar. Allahın sənəti çox sarsıdıcı və çox möhtəşəmdir.

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

Gözdən beyinə gələn elektrik cərəyanını üçölçülü işıltılı təsvir olaraq görənin kim olduğu sualını təkamülçülər əsla cavablandıra bilməz. Beyinin içində gözü olmadan görən, qulağı olmadan eşidən bir varlıq var. Bu varlığın necə meydana gəldiyi məsələsində təkamülçülərin heç bir cavabı yoxdur.

Gözəl müsəlman modeli yaradaraq Dəccaliyyətin oyununu puç etdik. Musiqi, əyləncə, söhbət var, qadınlar azaddır və hamısı Qurana uyğundur.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.

Rəqs, musiqi, əyləncə, sevinc, söhbət, hamısı İslamdadır. İslamın yaşanmadığı heç bir yer olmaz. İslam həyatın hamısıdır, İslam hər yerdə yaşanar.

Allahın sənətini müəllim kimi yox, heyrət məqamında izah etmək lazımdır. Heyrətdən heyrətə düşərək izah etmək lazımdır.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Beyinə çatan çox zəif amperli elektriki insan danışma, musiqi, səs kimi eşidir. Səs beyində bilavasitə Allah tərəfindən dinlətdirilir.

Bir çox insan dünyanın həqiqi mahiyyətini anlaya bilmir. Çöldə rəng, işıq, səs yoxdur. Beyinin içində, gözü olmayan ruh rəngarəng dünya görür.

Beyinin içində gözü olmadan görən kimdir? İnsanlar bunu sorğu-sual etməlidir. Elektrik siqnallarını üçölçülü mükəmməl təsvir olaraq görən ruhdur.

Beyninin içindəki təsvir sənə necə təlimat verir ki, səni İslam yolundan uzaqlaşdırır? Ağlın bu qədər mi zəifdir? “Ətrafımdakılar (yəni beynimin içindəki təsvir) mənə icazə vermədi” deyir. Sən Allaha itaət etsənə. Beyninin içindəki təsvirə niyə itaət edirsən? “Çox canlı görünür” deyir, “həqiqi kimidir” deyir. Həqiqi kimi olması əhəmiyyətli deyil. Bu, imtahan üçün yaradılan xəyaldır. Mütləq həqiqət olan Allahdır.

Axırzamanda mübarizə çətin olduğu üçün Allah ömürləri daha uzun yaradır. Mehdiyyət nəslinə zərurət olduğu üçün ömür uzunluğu verilir.

Hz. Adəmdən bəri həmişə iki əsil qüvvə fikri olaraq mübarizə aparıb. Dəccaliyyət həmişə dərin dövlət strukturu şəklində olmuşdur.

2080-ci illərdən sonra nəsildə ciddi pozulma olacaq. Homoseksuallıq daha da yayılacağı üçün nəslin davamı azalacaq.

İsa Məsihi inşaAllah yaxın gələcəkdə görəcəyik. İsa Məsihin heyrətamiz əzbər qabiliyyəti var, bir dəfə oxuduğunu unutmaz. İsa Məsihin diqqəti də çox güclüdür. İman həqiqətlərini çox əhatəli şəkildə ağlında saxlaya bilir. İsa Məsih ehtimal ki, dindar bir cəmiyyət içinə gələcək. İlk dəfə gördükləri zaman, çəkinə bilərlər, lakin qısa müddətdə İsa Məsih olduğunu anlayarlar.

Allah yüksək sevgini çox sevir. Orta sevgini heç kim istəməz. Allah ən yüksək sevgiylə sevilir.