Adnan Oktar A9 TV; 25 may 2017

İqtisadi böhran, yoxsulluq Allahın insanları Özünə yaxınlaşdırması üçün sınaqdır.

Allaha yaxın olmaq, kef çəkmək və asanlıq içində yaşamaq mənasını verməz. Allah Özünə yaxın olanı əziyyətlə, çətinliklə tərbiyə edər.

Allah pisləri yaradaraq bizi imtahan edər, pisliyə qarşı dərhal gözəlliklə qarşılıq vermək lazımdır.

Sahib olduğu hər şey möminə Allahın əmanətidir. Mömin Allahın bütün əmanətlərinə hörmət göstərməklə məsuldur.

Ölüm təsvirin bir anda aydınlaşmasıdır. Möminin canını almağa gələn mələklər çox gözəldir. Mömin heç narahatlıq yaşamaz.

İnsan ölüm anından etibarən yeni aləmə keçər. Mömin ölüm vaxtı heç bir qorxu, narahatlıq və ya sarsıdıcı hadisə yaşamaz. Ölüm yuxu kimi olan bu təsvirin çox aydın təsvirə çevrilməsidir. Küfr əhli ölüm anından etibarən əzab yaşamağa başlayar, mömində əzab olmaz.

Hər təsviri yaradan Allahdır. Bəyəndiyimiz hər şey, sevdiyimiz hər şey Allaha məxsusdur. İnsanların qəflət içində Allahı unutması möcüzədir.

Dünyadakı bütün təfərrüatları yaradan Allahdır, cənnətdə də sevdiyimiz, bəyəndiyimiz gözəllikləri və təfərrüatları yaradacaq, istədiyimiz hər şey olacaq.

Şeytan insana hər tərəfdən yaxınlaşar, hər yerdədir, lakin təsiri zəifdir, insanlara pislik təlqin edər, lakin iman edənlər onu dinləməzlər.

İmtahanın olması, bu cür təhsildən keçmək, cənnətin məna qazanması üçün vacibdir. Əziyyət çəkməyən dərinlik qazana bilməz. Dərinliyin, ehtirasın və sevginin yaranması üçün səbir, sədaqət, vəfa lazımdır, bunları da ən gözəl imtahanla qazanarıq.

“Nifrət insanları” nəfsini idarə etməkdə zəif qalmış, şeytana məğlub olmuş insanlardır. Bu şəxslərə həkim kimi yanaşmaq lazımdır. Həkimin xəstəni müalicə etməsi kimi “nifrət insanlarına” şəfqətlə yanaşıb onları müalicə etmək lazımdır. Bu insanlar da mənəvi xəstədir.

Vəsvəsə insana həmişə gələr. İman vəsvəsəyə qarşı mübarizənin adıdır. Nəfsin hücum edər, şeytan hücum edər, başından min hadisə keçər, sən ona qarşı müqavimət göstərərsən.

İrqçilik "mənim, mənə aid, mənim mülküm" demək üçün yaradılmış düşüncədir. Mənim ailəm deyir, amma onları mülk olaraq görür. Bu eqoistliyin cəmiyyətə əks olunması isə, irqçiliyi ortaya çıxardar. İrqçilik milli eqoistliyi və şeytanın fikri olaraq məğlub edilməsi ilə kökündən yox olacaq.

Asan imtahanla əbədi həyat qazanılmaz. Əbədiyyət üçün çox yaxşı imtahandan, çox əhatəli təhsildən keçmək lazımdır.

İmtahanın təfərrüatları insana ağlasığmaz zənginlik bəxş edir. İnsan sonsuza qədər bu zənginlikdən istifadə edir.

Zər aləmində şəhid olaraq yazılanlar vaxtı gəldikdə şəhid kimi çağırılırlar. Şəhidlər ölü deyil, diridirlər. Sevinc içindədirlər. Onlar üçün darqınlıq, qorxu və kədər yoxdur.

Şeytan diqqəti yayındıra bilər, unutqanlığa səbəb ola bilər, şüur altına pislik pıçıldayar. Ağlı və imanı güclü olan bunlara qarşı kəskin rəftar göstərər.

İnsan öldüyü anda başqa aləmə keçər. Ölümlə birlikdə insanın görməyi kəskinləşər və dərhal başqa aləmə keçər.

İmtahanın mükəmməl və heyrət edici sistemi var. Nə olursa olsun ağlın ixtiyarı alınmaz.

İntiharın qarşılığı əbədi cəhənnəmdir. İnsan cinayət işləmiş mövqeyində olar. Allah insana heç vaxt dözə bilməyəcəyi imtahan verməz.

Dünyada nemətlərin ölümlü olduğunu bilmək insanları narahat edir, çünki insanın fitrətində axirəti, sonsuzluğu istəmək var. Ölümün olması insanların diqqətini Allaha və axirətə yönəltmələrinə vəsilə olur. Buna görə xüsusi olaraq yaradılır.

Bəzilərinin Allahı bir dəfə belə düşünmədən yaşaması təəccüblüdür. Xüsusən gənclərin heç ölməyəcəklərini zənn etmələri qəflətə səbəb olur.

Möminin vəfat anında narahat olacağı heç nə olmaz. Canı rahatlıq və gözəllik içində alınar. Ölümdən sonrası üçün də möminin narahat olacağı tək bir an belə yoxdur.

Ölüm, keyfiyyətli yuxudan oyanmaq kimidir. Oyanan kimi də axirətə keçmiş olur insan. Geri dönüşü olmaz artıq.

Allahın bizdən istədiyi Öz rizasının ən çoxunu bütün gücümüzlə istəmək və səmimi olmağımızdır. Bu vəziyyətdə Allah mükəmməl yolda irəlilədər. Müsəlman tam səmimi olmalıdır, bu zaman dümdüz yolda irəliləyər. Əks halda ora-bura sovrular.