Adnan Oktar A9 TV; 7 fevral 2014

Allahın köməyi olmadan, Allahın qədərdəki yardımı olmadan, Allah yolunda olan cəhd, mehdiyyətin əmrində olan cəhd olmadan hər hansı hərəkətin uğurlu olması Allahın qanunlarına görə mümkün deyil.

Dinin həqiqi ruhu təkcə mehdiyyətdir.

Hər hökümət, hər bir dövlət, hər bir insan, hər cəmiyyət, hər dərnək, hər quruluş istəsə də, istəməsə də mehdiyyətin əmrindədir.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

İraq yerlə yeksan olacaq. Mümkün deyil, mehdiyyətdən kənarda dünya xilas olmaz. Mehdi (ə.s)-a tabe olmaqdan başqa xilas olmaq mümkün deyil. Anlamazlığa vursalar, Allah zorla izah edəcək. İllah ki, Mehdi (ə.s), illah ki, İsa Məsih, illah ki, İslam Birliyi.

Mehdiyyətin olmadığı yerdə vəhşilik olar. Allah bunu insanlara göstərir, daha da göstərəcək. Qarşıdakı günlərdə daha da şiddətli görəcəklər. O vaxta qədər ki, İsa Məsihə, Mehdi (ə.s)-a, İslam Birliyinə sevgi yaransın.

Quran var ikən hansısa məzhəbdən olmaq haramdır. Allah ''Mən sənə Quran endirdim, məzhəbi haradan çıxardın? Sən Qurana tabe olacaqsan yoxsa məzhəbə?'' desə, insan nə cavab verəcək? Əlbəttə ki, Qurana. Biz Qurana tabe olmaqda məsuluq.

Müsəlmanların bir qisminin şiəlikdə və bir qisminin də sünnilikdə ifrata varması xurafatların girdiyi mötəbər olaraq tanınan İslami qaynaqlara əsaslanır.

"Hansı dindənsən" soruşduqda, məzhəbini deyir. Sən Qurana tabe olmaqla mükəlləf deyilsənmi? Məzhəbə tabe olduğunu deyirsən. Quranın hansı ayəsində məzhəbə uymaq yazılıb? Allah yalnız Qurana tabe olmaqdan bəhs edir. Məzhəblərə bölünməyi, məzhəbə uymağı haradan çıxarırsan?

Quranda Axırzaman əlamətləri bir gizli olaraq, bir də açıq şəkildə izah edilir. Allah parçalanmış, firqələrə ayrılmış müsəlmanlardan bəhs edərkən Axırzamana işarə edir. Çünki müsəlmanlar Peyğəmbərimiz (s.ə.v) dövründən bəri ilk dəfədir ki, bu qədər məzhəblərə, camaata bölünmüş vəziyyətdədirlər.

İslam aləmində ilk dəfədir ki, bu qədər mərhəmətsiz və dəlicəsinə məzhəb fanatizmi görülür. Bunun həlli mehdiyyətdir.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?

Məzhəb, camaat ayrı-seçkiliyi etmədən hər kəsin iftarına getmək, dəvət edilən hər iftarı mütləq qiymətləndirməyə çalışmaq gözəl olar.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Bəşər Əsəd özünü sünni kimi göstərir, amma sünni də deyil, ələvi də deyil. Məhv olmuş, çox çətin vəziyyətdədir. ABŞ-la Rusiya razılaşıb Əsədi götürüb qaçırsınlar, onu ordan qurtarsınlar.

Orta şərqdə şiə-sünni ayrı-seçkiliyinin ortadan qaldırılıb, şiələrlə sünnilərin qucaqlaşması lazımdır. Mehdiyyəti gündəmə gətirib İslam Birliyini yaratmaq lazımdır. Yoxsa bölgə cənnət kimidir. İraq, Suriya hamısı tarixi məkanlardır, bitki örtüyü çox gözəldir, amma sevgi, dostluq dövrəyə girmədiyi üçün cəhənnəm kimidir ortalıq.

İranda Darvinist-materialist düşüncədən əl çəkməlidirlər. Bütün İslam aləmini bağırlarına bassınlar. Şiə ilə sünni həmişə qardaşdır. Yəni özündən razılığı, "ən yaxşısını biz bilirik" fikrindən əl çəksinlər, inşaAllah.

Qadın baş tacıdır. Ələvilər qadını çox sevir, hörmət edir, nəzakət göstərirlər. Ələvilər şərəflərinə, namuslarına çox bağlı birlikdir. Sünni qardaşlarımız də elədir, amma hər cəmiyyətdə bir xurafat komandası var.

Şiə, Sünni, Cəfəri, Vahabi hamısı qardaşdır. Allah bir, Peyğəmbərimiz (s.ə.v) eyni, qibləmiz eyni, Quranda tam ittifaq halındayıq.

İranda Şiə, Cəfəri sistem varmış kimi görünməklə yanaşı kommunist düşüncə hakimdir. Dövlət şagirdlərə Darvinizmi, materializmi öyrədər.

Hz. Mehdi (ə.s) bütün məzhəbləri qaldıracaq. Ələvi, Sünni, Şiə hamımız qardaşıq. Türk İslam Birliyi yaradıldığında coşğulu bir qardaşlıq olacaq.

İnsanlar bir mədəniyyət kimi xristianlıq, yəhudilik və müsəlmanlığı bilməlidir. Ələviliyi, bektaşiliyi, şiəliyi bilməlidir. Bilmirsə, bu bir cahillikdir, çatışmazlıqdır.

İranda olduğu kimi quyunun dibində Mehdi axtarmaq, həm də Mehdini rədd etmək çox yanlış şeylərdir. Mehdi (ə.s), Peyğəmbərimiz (s.ə.v)-in açıq-aydın hədislərində səmimi vicdanla axtarılmalıdır.

Din, dünyanın ruhudur. Allah dini dünyaya bir nemət olaraq verir. Dünyanı yaradarkən Allah dünyadan necə istifadə ediləcəyini də yanında kitabça kimi yazmış, Kitabla bizə bildirmişdir. Allahın dediyi kimi istifadə etsək dünya cənnət kimi olar.

Səmimi müsəlman olduqdan sonra təşvişə düşməyə ehtiyac yoxdur. Səmimi müsəlman hər zaman qalib olur. Tövratda Allah bütün dünyada yalnız on adam olsanız, kifayətdir deyir.