Adnan Oktar A9 TV; 7 iyul 2015

Müstəqil sevgi olmaz. "Məni kifayət qədər sevmir" deyir. Əvvəla sevgini Allah yaradar. Sən müşrik sevgisi istəyirsən. Büt sevgisi istəyirsən. Sən bir insanı bütləşdirsən, onsuz da müşrik olarsan. Allah bəla verər, qəlbin sıxılar. Allah qəlbindən sevgini alar. Nə sevər, nə də sevilərsən. Sevgini bilavasitə Allahdan gözləmək lazımdır.

Düşməndən qorxmaq, hər hansı bir şeydən qorxmaq, Allahı sevməməyin əlamətidir, ondan uzaq olmağın əlamətidir.

Quranın hansı yerində musiqinin haram olduğuna dair ayə var? Şəkilin haram olduğuna dair harada ayə var? Bunu haradan çıxarırsan? Belə bir şey yoxdur. Buna görə, sən özünə bir cəhənnəm meydana gətirmisən. Halalı haram etmisən və axirətdə də gözəl qarşılıq alacağına ümid edirsən. Allah səni cəhənnəmdən qorusun. Allah adından hökm vermək şirkdir.

Sevgidə şirk olarsa bu olmaz. Məsələn; "mən yoldaşımı çox sevirəm, həyat yoldaşımı çox sevirəm" deyir. Bəs Allahı necə? "Onu da sevirəm" deyir. Olmaz. "Mən həyat yoldaşımı Allah rizası üçün sevirəm, yoldaşımı da Allah rizası üçün sevirəm" deməlidir. "Allahın təcəllisi olaraq sevirəm" deməlidir.

Sənin sevdiyim dediyin kəs, beynindəki təsvirdir. Ən incə nöqtəsinə qədər kim yaradır? Kim sevdirir, kim danışdırır? Bütün bunları edən Allahdır. Yəni qarşındakı şəxsə aid heç nə yoxdur. Əgər sən Allahı deyil, əksinə xəyali bir bütü sevsən bu aldatma olar, özü də çox pis aldatma. Özünü çox pis aldatmış olarsan.

Allah, Mən sevilməyə layiq olan sonsuz güc Sahibiyəm deyir. Bütün sevgini, hər şeyi yaradan Mənəm, sevdiklərinizi yaradan Mənəm. Onların görünüşü də Mənə aiddir deyir. Buna görə şirk qoşmayın, sevginizi Mənə yönəldin deyir. Doğru olan da budur.

İki cür şirk var. Birincisi açıq-aydın görünən şirkdir. Məsələn, büt düzəldib, açıq şəkildə ona sitayiş edir. Bu açıq-aydın görünən şirk olur. Bir də gizli şirk vardır. Bu isə qüvvətin Allahda deyil, başqalarında olduğuna inanmaqdır. Məsələn, insanda ayrı bir qüvvə olduğuna inanmaq. Halbuki, hər insanı danışdıran, hər insana bir şeylər dedirdən və etdirən Allahdır.

Bəzi məmurların təvəkkülsüz olduqlarını və PKK-dan qorxduqlarını görürük. Bu onlara yaraşmaz. Peyğəmbərimiz (s.ə.v) bir ovuc insanla, 40 nəfərlə meydana çıxmışdı. Müsəlman igid olmalıdır, cəsarətli olmalıdır.

Allah şirk qoşmadıqlarından ötrü müsəlmanlara müvəffəqiyyət verdiyini söyləyir. İnsanlar bu sirri heç cür anlamır. Sən Qurana tabe olsan şərik qoşmamış olarsan. Qurana tabe olmayıb, uydurma hədislərlə hərəkət etdiyində müşrik olursan.

Çəkingən, ürkək olmaq müsəlmanın igidliyinə yaraşmaz. Taledə nə varsa o olar. Taledən qaçmaqla heç nə dəyişməz.

Həmişə ağlamağı, yas tutmağı təşviq edirlər. Millət olaraq çürüyərik, bu çox təhlükəlidir. Mömin ağlamamalıdır, küfr, dəccal tərəfdarları ağlasın. Mömin gülməlidir, şən olmalıdır. İmanlı millətimizi kədərlə, yasla, qorxuyla, ümidsizliklə, sıxıntıyla, əsəb pozğunluğuyla və ruhi xəstəliklərlə çürütmək istəyirlər. Buna icazə verməyək.

Allaha təvəkkül edilmədiyi zaman, qorxu və kədər, şirkin cəzası olaraq insana verilər.

Allah "kədərlənmə" deyir. Tövsiyə zənn edirlər, fərz hökmdür bu. "Qorxma" fərz hökmdür, möhkəm hökmdür. Açıq əmrdir; "qorxma". Buna görə də müsəlman; kədərlənmək, üzülmək, bunlardan qaçmalıdır. Haramdır bunlar, təvəkküllü müsəlmanın edəcəyi şey deyil.

İnsan cəhənnəmə əzabını özü gətirir. Özünü yandıracaq əzabı ora özü gətirir. Dünyadakı bütün sıxıntısı onunla birlikdə ora gedir. O sıxılma, qorxma, narahat olma, əzab çəkmə xüsusiyyətini. Allah bunu cənnətdə möminlərin üstündən qaldırır, lakin küfrün üstündən qaldırmır. Öz oduyla ora gedir. O öz oduyla orada yanır.

Ayələrdə bildirilən rəftar belədir: gərginliyə, qəzəbə, ürəyində yaranan hər cür narahatlığa icazə vermə, belə bir vəziyyətə düşmə, qorxma, kədərlənmə, narahat olma, psixi olaraq sənə zərər verən rəftar göstərmə.

Qorxaq olmaq həyatı zindana çevirər.

Mömin insanları qorxaqlığa deyil, cəsarətə sövq edər. Allah üçün hər cür fədakarlığa, coşğuyla hazır ruha sövq edər.

Xurafatçılar çox qorxaq və alçaqdırlar. Yaltaqdırlar, vəziyyətdən asılı olaraq dəyişirlər .

Türk- İslam Birliyinin də qarşısını hal-hazırda heç cür ala bilmirlər hal-hazırda. Amma səy göstərməsəniz, tamamilə passivləşmiş, durğun, varlanmaq, yan gəlib yatmaq istəyən, qorxaq, ürkək, bezgin, idealı iddiası olmayan, axirət inancından şübhəyə düşmüş, qloballaşmağa tapınan, yazıq bir insan birliyini meydana gətirməyə çalışarsınız, buna əsla icazə verə bilmərəm.

PKK-nın başa düşəcəyi dil həmişə alçaltmadır. Əxlaqsız hərəkətlərini vurğulamaq, pis əməllərini dünyaya çatdırmaqdır. Bu ABŞ-ın bütün planlarını alt-üst edən bir sistemdir.

AKP-in diqqət yetirəcəyi şey budur: Bizim millətimiz mənəviyyatına bağlı millətdir. Əvvəla bölünmənin olmasını istəmirik. İkincisi də; PKK bəlasından qurtulmaq istəyirik.

İslam aləmi hal-hazırda xurafatlardan ötrü sürünür, məhv olmuş vəziyyətdədir. Qatı dinçilik özü ilə qorxaqlıq da gətirir. Bu zaman insanlar səhabələr kimi cəsur və igid olmurlar.

"Öcalana azadlıq" nə deməkdir bilirsən? "Cinayət sərbəst" deməkdir. "Qatil olmağın cəzası yoxdur. Əsgər şəhid etmənin, polis şəhid etmənin cəzası yoxdur”. Bu mənaya gəlir. Bu PKK-nın fəaliyyətini qanuniləşdirmə cəhdidir.

Allah nə deyirsə, Peyğəmbərimiz (s.ə.v) nə deyirsə, səhabələr nə deyirsə o edilsin. Peyğəmbərimiz (s.ə.v)-in dövründə məzhəblər vardı? Hənəfi, Hənbəli, Maliki, Şafi, Şiəlik, Vəhhabilik vardı? Yox idi. Allahın bəla verməməyi üçün, Allahın xalis və həqiqi dininə, Qurana dönülməlidir.